Gargandi snilld! Allt á sama stað.

  Í stærri bæjarfélögum og borgum eru götur og hverfi skipulögð af yfirvöldum.  Sum hverfi eru skilgreind íbúðarhverfi.  Önnur iðnaðarhverfi.  Enn önnur verslunarhverfi.  og svo framvegis.  Í einhverjum tilfellum er þess gætt að atvinnusvæði séu blönduð.  Fjöldi veitingahúsa er takmarkaður ásamt fjölda hótela,  skemmtistaða,  verslana og íbúðarhúsa.

  Eðlilega leitar starfsemi á heppilegustu staðsetningu.  Einkar vel hefur tekist með það í Flatahrauni 5 í Hafnarfirði.  Í sama húsi eru hlið við hlið bjórkráin Ölstofa Hafnarfjarðar og Útfararstofa Hafnarfjarðar.  Hagkvæmara getur það ekki verið.  Í sama húsi er matsölustaðurinn Burger-inn.  Ekki nóg með það.  Þessi snilldar samsetning leiddi rökrétt til þess að Félag aldraðra í Hafnarfirði er flutt í næsta hús við hliðina,  Flatahraun 3.  

Athugasemdir

[Ásthildur Cesil Þórðardóttir, 14.8.2016 kl. 14:27]

Sem sagt allt þrautskipulagt  Svona eiga sýslumenn að vera.  

[Erla Magna Alexandersdóttir, 14.8.2016 kl. 20:51]

ÞETTA ER FLOTT !! FARA Á BARINN - DREPAST- ÚTFARASTOFAN Í SAMA HÚSI- ÆTTINGJAR- EKKERT VESEN- BARA MÆTA Í ÚTFÖRINA MEÐ VASAKLÚTINN ! SEM FÆST ÖRUGGLEGA Í SAMA HÚSI ! HAFNFIRÐINGAR ERU GAMALL BÆR SEM KANN ÞETTA !! :)

[Ásthildur Cesil Þórðardóttir, 14.8.2016 kl. 21:40]

Hehehe já þetta kallast nú að vera með allt á hreinu 

[Jóhann Kristinsson, 15.8.2016 kl. 02:13]

Er sama verð á kvenkjöts og karlmannskjöts hamborgurum? Bara að passa að það sé jafnrétti í þessu, eins og öllu öðru.

Ekki þarf að leggja á flutningskostnað á kjötinu, eða hvað?

Kveðja frá Houston

[Halldór Egill Guðnason, 15.8.2016 kl. 03:18]

Hvar ætli hakkavélin sé staðsett?

[Hrólfur Þ Hraundal, 15.8.2016 kl. 11:43]

Konurnar í kringum mig elda bara feitt með sósu handa mér, en sjálfar borða þær bara nammi, enda sætar, en mitt nammi er súr hvalur. 

[Ásthildur Cesil Þórðardóttir, 15.8.2016 kl. 13:55]

Já hann er góður, líka harðfiskur, fékk til dæmis um daginn lúðurikling sem ég hef ekki séð í áraraðir.  Og svo blessuð skatan.  

[Jens Guð, 16.8.2016 kl. 05:48]

Ásthildur Cesil,  svo sannarlega!

[Jens Guð, 16.8.2016 kl. 05:49]

Erla Magna,  þeir kunna þetta upp á 10!

[Jens Guð, 16.8.2016 kl. 05:49]

Jóhann,  góður!

[Jens Guð, 16.8.2016 kl. 05:50]

Halldór Egill,  góð spurning!

[Jens Guð, 16.8.2016 kl. 05:51]

Hrólfur,  þar er ég sammála.  Fátt betra.  Nema skatan, eins og Ásthildur nefnir.