Nýtt framboð og kosningasvindl

  Gríðarmikill áhugi er fyrir því á meðal stuðningsmanna Sigmundar Davíðs Gunnlaugssonar að hann stofni nýjan Framsóknarflokk.  Bjóði fram í komandi alþingiskosningum og snúi þannig aftur sem sigurvegari.  Hann hefur aldrei kynnst því að vera "lúser".  Alltaf verið sigurvegari.  Þangað til á flokksþingi Framsóknarflokksins um helgina.  Niðurstaðan var svo óvænt, ný og brött að hann kunni ekki að höndla niðurlæginguna: Að vera "lúser".  Hann klappaði ekki fyrir sigurvegaranum.  Þess í stað tók hann á sprett út af flokksþinginu og hljóp í felur.  Fór í fýlu.

  Illar tungur herma að hann skorti kjark til að bjóða fram undir nafni nýs flokks.  Hann velji alltaf öruggu leiðina:  Að þiggja 1. sæti Framsóknarflokksins í NA-kjördæmi og kyngi niðurlægingunni á flokksþinginu.

  Sveinn Hjörtur Guðfinnsson forseti Framsóknarfélags Reykjavíkur og fleiri játa að svindlað hafi veri gróflega í formannskjörinu.  Samt dugði það ekki til.  Sigmundur Davíð tapaði.  Vigdís Hauksdóttir sakar Litlu gulu hænuna um að hafa skreytt sig með stolnum fjöðrum.  Tími til kominn að flett sé ofan af illfyglinu.

  Nýtt framboð Sigmundar Davíðs og stuðningsmanna hans er spennandi hugmynd.  Það er þörf á Nýja Framsóknarflokknum.  Eða eitthvað svoleiðis.        

„Þekkjum ekki taparann Sigmund Davíð“

Athugasemdir

[Eyjólfur Jónsson, 4.10.2016 kl. 00:02]

Þetta kallast víst Rússnesk kosning ef ég man rétt og ef hún er komin hingað til að vera er það samasem að Bananalíðveldis flokkur hafi verið kosinn!

[Wilhelm Emilsson, 4.10.2016 kl. 07:56]

Eins og skáldið sagði:

 

Að sigra heiminn er eins og að spila á spil
með spekingslegum svip og taka í nefið.

 

(Og allt með glöðu geði
er gjarna sett að veði.)

 

Og þótt þú tapir, það gerir ekkert til,
því það er nefnilega vitlaust gefið.

[Jens Guð, 4.10.2016 kl. 16:25]

Eyjólfur,  hann fékk rússneska kosningu í leiðtogasæti á eyðibýli í NV-kjördææmi.  

[Jens Guð, 4.10.2016 kl. 16:25]

Wilhelm,  Steinn Steinarr hitti naglann á höfuðið.  

[Jens Guð, 4.10.2016 kl. 16:32]

Í #3 "kommenti" ðátti að standa NA-kjördæmi.

[thin (IP-tala skráð) 4.10.2016 kl. 18:28]

Takk fyrir góðan pistil.

[Sigurður I B Guðmundsson, 4.10.2016 kl. 19:19]

Ætli Haukur Ingibertsson hafi talið atkvæðin!!! 

[Jens Guð, 5.10.2016 kl. 04:29]

Sigurður I B,  það hlýtur að vera.  Hann er sá eini í hópnum sem kann það.