Sænska Nóbelsakademían áttar sig ekki á Bob Dylan

  Bandaríska söngvaskáldið Bob Dylan hefur aldrei verið fyrirsjáanlegt.  Hann kom fram á sjónbarsviðið á fyrri hluta sjöunda áratugarins.  Hann var til að byrja með Woody Guthrie jukebox.  Síðan sjálfur öflugt söngvaskáld í hans anda.  Söngtextarnir óvenju ljóðrænir.  Þá mátti túlka sem þjóðfélagsgagnrýni.  Einkum í samhengi við aðra sem hann var í slagtogi við í þjóðlagasenunni í New York.  

  Umfram marga í henni var og er Dylan mjög góður lagahöfundur.  Framan af ferli urðu lög hans ofurvinsæl í flutningi annarra:  The Byrds,  Peter, Paul & Mary,  Manfred Mann,  Sonny & Cher, Joan Baez og margra annarra sem ég man ekki eftir í augnablikinu.   

  Dylan varð kóngur bandarísku þjóðlagasenunnar.  Kærasta hans,  Joan Baez var drottningin.  1965 slátraði Dylan þeim titli sínum.  Hann mætti á stærstu árlega þjóðlagahátíðina með rokksveit. Háværa með rafmagnshljóðfærum.  Allt varð brjálað. Dylan var púaður niður.

  Sagan segir að þetta hafi komið honum í opna skjöldu.  Hann kom inn á markaðinn fyrir daga Bítlaæðisins.  Hann heillaðist af bresku Bítlunum og ekki síður af bandarísku Bítlunum,  The Byrds.  Hann samdi fyrsta smáskífulag The Byrds,  "Mr.  Tambourine Man".  Honum þótti rökrétt skref að rokkast.

  Þegar hippabylgjan skall á var Dylan ekki að öllu leyti samstíga.  Og þó.  Samt.  Ekki í háværri gagnrýni á hernað Bandaríkjanna í Víetnam.  En í músík og jákvæðri afstöu til vímuefna.  

  Gamlir samherjar kvörtuðu sáran undan því að Dylan tæki ekki þátt í andófi gegn Víetnamstríðinu.  Síðar upplýsti Dylan að hann hafi tekið meðvitaða ákvörðun um að verða ekki sá hippaleiðtogi sem kallað var eftir. Hann vildi ekki vera leiðtogi.  Hann vildi bara vera tónlistarmaður.  Söngvahöfundur án leiðtogahlutverks.

  Foreldrar Dylans eru gyðingar. Biblíutilvitnanir urðu snemma áberandi í textum hans. Á áttunda áratugnum snérist hann til kristni. Varð mjög upptekinn af því.  Afgreiddi þrjár plötur sem boðberi kristni.  Síðar rjátlaðist sá ákafi af honum.

  Dylan heldur stöðugt áfram að koma á óvart.  Söngrödd hans hefur alltaf verið fagurfræðilega vond.  Á síðustu árum hefur skrækt hæsi bæst við mikla nefmælgi og sérkennilegar áherslur.  Hann var á sínum tíma fyrsti frægi söngvari sem söng illa.  Að auki lélegur gítarleikari og falskur munnhörpublásari.  En bara flott.  

  Fyrir nokkrum árum kom Dylan á óvart með jólaplötu.  Söng (töluvert illa) þekkt gömul jólalög.  Næst kom hann á óvart með plötu sem inniheldur gamla Frank Sinatra slagara. 

  Dylan hefur sjaldnast gefið upp afstöðu til forseta- og alþingiskosninga í Bandaríkjunum.  Undantekningu gerði hann með stuðningi við forsetaframboð Husseins Obama. 

  Nú hefur Dylan verið heiðraður með bókmenntaverðlaunum Nóbels.  Þetta eru frægustu og hæst skrifuðu bókmenntaverðlaun heims.  Svo bregður við að Dylan hefur ekki sýnt nein viðbrögð.  Hann á ekki snjallsíma og er ekkert á samfélagsmiðlum á netinu.  Einu viðbrögð - sem óvíst er hvernig á að túlka - er að fréttatilkynning um verðlaunin birtust á heimasíðu Dylans en var fjarlægð skömmu síðar.    

  Til gamans má geta að þegar Dylan spilaði í fyrra skipti á Íslandi þá reykti hann yfir sig af hassi á Hótel Nordica áður.  Stal reiðhjóli sem hann mætti á í Laugardalshöll (nánast næsta hús). Var illa skakkur og skrækur í fyrstu lögum.       

    

Sakar Dylan um hroka og dónaskap

Athugasemdir

[Guðmundur Óli (IP-tala skráð) 22.10.2016 kl. 20:55]

Þetta er flott hjá þeim Sænsku...og þessi snillingur Bob Dylan hefur breytt ljóða og textagerð í Bandaríkunum...sem er þetta afrek sem hann fær verðlaunin fyrir. Ég sendi honum einmitt hamingjuóskir á Útvarpi Sögu á fimmtudaginn var og söng fyrir hann brot úr laginu...Mr.  Tambourine Man".  Ég held að hann hafi verið að hlusta,

[Wilhelm Emilsson, 23.10.2016 kl. 06:56]

Takk fyrir fínan pistil. Það eru reyndar opinberar Facebook og Twitter síður fyrir Dylan, þótt mér þyki mjóg ósennilegt að hann nenni að stússast í því sjálfur. Það sem er heillandi við hann er að þó hann fari sínar egin leiðir hefur hann alltaf "taken care of business." 

[Bubbi (IP-tala skráð) 23.10.2016 kl. 14:54]

Dylan er frábær kassagítarleikari mjög góður plokkari frábær munnhörpuleikari spilaði inn á plötu fyrir Hary bella 1963 sæmilegur rafgítarleikari og með frábæra söngrödd framanf ferlinum og stórkostlegur túlkandi bara svo við höldum því til haga.:-)

[Jens Guð, 23.10.2016 kl. 17:41]

Guðmundurt Óli,  gott hjá þér.  

[Jens Guð, 23.10.2016 kl. 17:53]

Wilhelm,  ég hafði ekki rænu á að skoða síðurnar hans áður en ég bloggaði.  Át bara hrátt upp eftir öllum músíknetmiðlunum sem ég er áskrifandi að.  Nú skoðaði ég dæmið betur.  Á Fésbók eru margar síður á hans nafni.  Ein þeirra er vottuð af stjórnendum Fésbókar sem síða er hann stofnaði sjálfur.  Eflaust er samt einhver umboðsskrifstofa hans sem skráir þar inn hljómleikabókanir og þess háttar.  https://www.facebook.com/bobdylan/?fref=ts    

[Jens Guð, 23.10.2016 kl. 17:53]

Bubbi,  ég er búinn að skrá hann í Idol.  

[Wilhelm Emilsson, 24.10.2016 kl. 01:34]

Takk fyrir svarið, Jens.

Fínt að fá innleg frá Bubba um Dylan.