Gáfaðasti forsetinn

  Heimsbyggðin hefur á undanförnum mánuðum kynnst mæta vel ljúfmenninu Dóna Trump.  Hann er eins og vinalegur og velkominn heimilisvinur.  Mætir daglega í heimsókn í öllum fréttatímum,  hvort heldur sem er í útvarpsfréttum eða á sjónvarpsskjá inni í stofu eða á forsíðum dagblaða sem og á samfélagsmiðlum,  til að mynda á Fésbók, Twitter og bloggi.  

  Það er gaman að fylgjast með þessum litríka náunga.  Litríka í bókstaflegri merkingu.  Nú er hann orðinn fyrsti appelsínuguli forseti Bandaríkja Norður-Ameríku.  Jafnframt sá gáfaðasti í því embætti.  Hann er bráðgáfaður.  Yfirburðargáfaður.  Hann hefur sjálfur sagt það.  Margoft.

Íslendingar gætu verið í vanda

Athugasemdir

[Hörður Þormar, 30.1.2017 kl. 17:04]

Sammála! Afi hans var víst trillukarl frá Tungu á Suðureyjum, þar er víst töluð Gelíska. Við getum verið stolt af því að hann er frændi okkar, en hann er líka frændi Færeyinga.

[Stefán (IP-tala skráð) 31.1.2017 kl. 14:02]

Eru Jón Magnússon og Hallur Hallsson trumpistar ?

[Jens Guð, 31.1.2017 kl. 18:41]

Hörður,  er það ekki einhvernveginn þannig að Trump og trillukarlinn frá Tungu séu frændur í 25. lið?

[Jens Guð, 31.1.2017 kl. 18:41]

Stefán,  ég hef misst af því.  Er það á ÍNN sjónvarpsstöðinni?

[Stefán (IP-tala skráð) 31.1.2017 kl. 19:27]

Veit ekki með ÍNN, nenni bara að horfa á Hvíta Tjaldið á þeirri stoð.

[Hörður Þormar (IP-tala skráð) 31.1.2017 kl. 22:02]

Samkv. ættartölu sem Oddur Helgason, ættfræðingur, hefur látið frá sér fara, þá eru Guðni og Donald Trump skyldir í 25. lið. Báðir komnir af Hákoni V. Noregskonungi. Allir (ættbornir) Íslendingar munu vera komnir af Gottskálki grimma, sem var norskur.

Hitt er svo annað mál að fjöldi íslenskra landnámsmanna kom við í Suðureyjum á leið sinni hingað til lands og dvöldu þar lengri eða skemmri tíma. Sumir, komu líka við í Færeyjum, t.d. Auður Djúpúðga, sem er ættmóðir Færeyinga.

Þetta með trillukarlinn er komið frá Yngva Hrafni, sem mér þykir ótrúlega líkur Trump, þyrfti bara að láta vaxa meira hár í hnakkanum.

[Jens Guð, 1.2.2017 kl. 17:15]

Stefán,  ég veit ekki hvað Hvíta Tjaldið á ÍNN er.  Gafst upp á þeirri stöð fyrir mörgum árum.  Nú hafa Björn Ingi/Framsókn keypt stöðina.  Kannski vænkast þá hagur Strympu.  Eða ekki.     

[Jens Guð, 1.2.2017 kl. 17:23]

Hörður,  gaman að þú skulir þekkja til ættmóður Færeyinga.  Skammarlegt er að íslensk skólabörn séu ekki frædd um það.  Um daginn var í sjónvarpsþættinum Útsvari spurt um færeyska landnámsmanninn á Íslandi,  Náttodd.  Enginn kunni skil á honum.       

Í færeysku ber Auður skemmtilega viðurnefnið "hin djúphugaða".  Hún var amma færeysku sjálfstæðishetjunnar Þrándar í Götu.  Hann er í hávegum í Færeyjum.  Haldnar eru veglegar  minningarhátíðir honum til heiðurs.  Í Götu er stór og glæsileg stytta af honum.  Þar stendur hann bísperrtur láréttur út í loftið.  Þannig túlka Færeyingar hversu þrár og fastur hann var fyrir gegn skattheimtu Noregskonungs og kristnitöku.