Hnuplað með húð og hári

  1965 sungu Ellý Vilhjálms og Ragnar Bjarnason - við fjörlegan undirleik hljómsveitar Svavars Gests - fjölmörg lög í hljóðveri Ríkisútvarpsins á Skúlagötu.  Þau komu út á þremur fjögurra laga plötum,  svokölluðum Ep.  Öll nutu mikilla vinsælda í óskalagaþáttum útvarpsins til margra ára.  

  Eitt þessara laga heitir "Sveitin milli sanda".  Höfundur er Magnús Blöndal Jóhannsson.  Testinn er nettur og auðlærður.  Hann er nokkur "Aaaaaa". 

  Næst bar til tíðinda að ég hlustaði á þýska listamenn syngja og leika.  Hraut þar um lag sem kallast "Die Liebe ist ein Raubtier" með Nik Page.  Það hljómar kunnuglegt við fyrstu hlustun.  Gott ef þarna hefur ekki verið hnuplað í heilu lagi "Sveitinni milli sanda".  Ætli STEF viti af þessu?

Athugasemdir

[Sigurður I B Guðmundsson, 23.2.2017 kl. 12:00]

Þykist þessi náungi vera höfundurinn???

[Jens Guð, 23.2.2017 kl. 12:50]

Sigurður I B,  ég reyndi að finna eitthvað um það.  Án árangurs.  En hann notar meira en laglínuna.  Hann notar flutning hljómsveitar Svavars Gests og Ellýjar í heilu lagi.  Svo bara raular hann smávegis ofan á hann.  

[Jósef Smári Ásmundsson, 23.2.2017 kl. 18:12]

Það er af og frá að þetta sé lagið Sveitin milli sanda, heldur er þetta þýskt lag sem heitir Land zwischen Sand og er eftir þjóðverjann Magnus Liedermacher. Það er engin samlíking með þessu lagi og lagi Magnúsa Blöndal. Og hafiði það.

[Jens Guð, 23.2.2017 kl. 18:55]

Jósef Smári,  þegar þú bendir á það augljósa þá blasir þetta við.

[Stefán (IP-tala skráð) 23.2.2017 kl. 22:30]

Einstaka sinnum þegar ég hlusta á nýtt lag, finnst mér ég hafi heyrt það áður. Þannig er mað með nýtt lag sem Sigurður Guðmundsson syngur, að mér finnst það hljíma ansi líkt gömlu lagi með Pónik ,, Jón á líkbörunum ".

[Ómar Ragnarsson, 24.2.2017 kl. 00:14]

Ef einhver tvö lög eru í raun sama lagið eru það þessi tvö. Það munar aðéins einni nótu, annars hver einasta nóta eins. Hvort lagið varð til á undan hinu? 

Einu sinn þegar ég steig út úr Fokker á sunnudagsmorgni á Reykjavíkurflugvelli heyrði ég erlendan strokkvartett spila sömu nótnalínuna og er í fyrst fjórum töktum lagsins "Ísland er land þitt.

En síðan skildu leiðir.  

[Björgvin Gíslason (IP-tala skráð) 24.2.2017 kl. 03:47]

Ef lagið er skoðað á Youtube, er skráður réttur höfundur, Magnús Blöndal Jóhannsson.

[Sigurður I B Guðmundsson, 24.2.2017 kl. 08:09]

Hver samdi lagið "Dóminó"? Var það Sigfús Halldórsson eða einhver Fransmaður??

[Jens Guð, 24.2.2017 kl. 09:58]

Stefán,  ég á eftir að heyra það lag. 

[Jens Guð, 24.2.2017 kl. 10:01]

Ómar,  ég hef líka heyrt svoleiðis.  Reyndar ekki með strokkvartett.

[Jens Guð, 24.2.2017 kl. 10:06]

Bjöggi,  takk fyrir ábendinguna.  Ég spilaði lagið ekki beint af þútúpunni heldur af músíksíðu sem geymir myndbönd af henni og fleiri síðum.  Mér láðist að skoða hvaða upplýsingar fylgja með laginu á sjálfri þútúpunni.  Gott að höfundur sé rétt skráður. 

[Jens Guð, 24.2.2017 kl. 10:07]

Sigurður I B, þegar stórt er spurt...