Einföld og auðveld aðferð til að laga rjómabollur

 

 

 

 

 

 

 

 

  Á morgun,  mánudag,  er bolludagurinn haldinn hátíðlegur um land allt.  Líka í útlöndum.  Einkenni hátíðarhaldanna eru rjómabollur. Allar bragðvondar sykurklessur nema svokallaðar vatnsdeigsbollur.  Þær sleppa.  Annað vandamál rjómabollunnar er hvað hún er asnaleg í laginu:  Eins og hálfur bolti.  Skelfilegt á að horfa.    

  Góðu fréttirnar eru að auðvelt er að laga útlit hennar snöfurlega.  Það eina sem þarf til er straujárn og álpappír.  Straujárnið er stillt á hæsta styrk.  Álpappír er lagður yfir bolluna (vel að merkja áður en troðið er í hana sultu og rjóma og ofan á hana glassúri). Síðan er straujárninu haldið þéttingsfast ofan á álpappírinn/bolluna í 83 sek.      

  Árangurinn er sá að rjómabollan verður skemmtilega lík samloku.

   

Athugasemdir

[Sigurður I B Guðmundsson, 26.2.2017 kl. 22:02]

Það er ekki að sökum að spyrja alltaf hefur þú það!!!

[Sigurður Bjarklind (IP-tala skráð) 27.2.2017 kl. 06:26]

Góðan daginn.

Margir kvarta yfir lögun rjómabolla. Á mínu heimili eru bakaðar dásamlegar vatnsdeigsbollur en stærð þeirra miðast við að hægt sé að gleypa þær í einum munnbita. Ég gleypi iðulega 10-15 stykki í einum rykk.Ummm.

Skarfurinn.

[Flower, 27.2.2017 kl. 12:49]

Hvað með að borða þær bara með gaffli?

[Jens Guð, 27.2.2017 kl. 14:05]

Sigurður I B,  kallinn reddar þessu!

[Jens Guð, 27.2.2017 kl. 14:06]

Skarfurinn,  það er snjallt.

[Jens Guð, 27.2.2017 kl. 14:06]

Flower,  með gaffli og hníf.