Samviskusamur þjófur

10.3.2017 | 17:49

Fyrir fjórum áratugum rataði í fjölmiðla krúttleg frétt af þjófnaði í skemmtistaðnum Klúbbnum í Borgartúni í Reykjavík. Svo framarlega sem þjófnaður getur verið krúttlegur. Þannig var að í lok dansleiks uppgötvaði karlkynsgestur á skemmtistaðnum að seðlaveski hans var horfið. Sem betur fer voru ekki mikil verðmæti í því. Aðeins eitthvað sem á núvirði gæti verið 15 eða 20 þúsund kall.

Nokkrum dögum síðar fékk maðurinn seðlaverskið í pósti. Án penings. Þess í stað var handskrifað bréf. Þar stóð eitthvað á þessa leið:

Ég biðst fyrirgefningar á því að hafa stolið af þér veskinu. Ég var í vandræðum: Peningalaus og þurfti að taka leigubíl til Keflavíkur. Ég vona að þú virðir mér til vorkunnar að ég skili þér hér með veskinu - reyndar án peningsins. En með því að skila veskinu spara ég þér fyrirhöfn og kostnað við að endurnýja ökuskírteini, vegabréf, nafnskírteini og annað í veskinu. Strætómiðar og sundkort eru þarna.

Því má bæta við að eigandi veskisins var hinn ánægðasti með þessi endalok.

&nbsp;

	Þjófur skildi eftir skilaboð og peninga
Ábyrgðarmaður færslu Tilkynna um óviðeigandi tengingu við frétt

Meginflokkur: Löggæsla | Aukaflokkar: Fjármál, Lífstíll, Viðskipti og fjármál | Breytt 11.3.2017 kl. 17:34 | Facebook

Athugasemdir

Bankapakkið sem olli hruninu hér hefur aldrei beðið nokkurn fyrirgefningar mér vitanlega, enda er það ekki háttur siðleysingja.

Stefán (IP-tala skráð) 10.3.2017 kl. 20:16

æEg kann aðra svona "krúttlega" sögu Elli minn hafði týnt veskinu sínu við vinnu niður á höfn. Nokkrum dögum síðar hringir í hann maður sem er drykkjumaður, hann segir Ella að hann hafi svo mikið samviskubit yfir að hafa fundið veskið hans og tekið úr því peningana, en hent því svo í sjóinn. Hann segist ekki geta sofið á nóttunni fyrir samviskubiti. Allt í lagi sagði Elli ef þú skilar mér bara peningunum, eitthvað 10 - 15 þús. krónum. Já já sagði Þjófurinn, en ég er búin að eyða öllu nema fimm þúsund kalli, nú allt í lagi sagði Elli láttu mig þá hafa fimm þúsund kallinn.

Daginn eftir hringir svo þessi samviskusami maður í hann og segir honum farir sínar ekki sléttar, hann hefði nefnilega farið í ríkið og keypt bjór fyrir 5000 kallinn. Ella þótti reyndar vænt um að vita að veskið var alveg glatað með öllum skilríkjum, og svo hefur hann ennþá gaman af að segja þessa sögu.