Ástæðulaust að veikjast eða deyja af völdum svitalyktareyðis

30.3.2017 | 10:06

Ástæðulaust að veikjast eða deyja af völdum svitalyktareyðis

Fólk veikist af völdum svitalyktareyðis. Fólk deyr af völdum svitalyktareyðis. Það er óþarfi. Hefðbundinn svitalyktareyðir er óþverri. Hann inniheldur álklóríð. Það fer inn í svitaholurnar og gerir þær óvirkar í skamma stund. Svitalyktareyðir inniheldur líka lyktarefni og spíra. Lyktarefnið getur verið ertandi fyrir viðkvæma handkrikahúð. Sérstaklega ef hár eru rökuð burt. Spírinn þurrkar húðina.

Handakrikinn er einn af helstu hreinsunarleiðum líkamans. Út um svitaholur hans losar líkaminn sig við ýmis óæskileg eiturefni. Þegar þessi hreinsunarleið er gerð óvirk brýtur líkaminn sér nýja hreinsunarleið. Það veldur bólum á baki og áreiti á viðkvæma eitla í brjóstum. Afleiðingin getur leitt til brjóstakrabbameins.

Heppilegasta verkfærið til varnar svitalykt er alnáttúrulegur saltkristall. Honum er strokið um blautan handakrika. Bleytan leysir upp steinefnablöndu sem kemur í veg fyrir að lyktarbakteríur kvikni. Fólk svitnar eftir sem áður en það er lyktarlaus sviti.

Áríðandi er að saltkristallinn sé merktur aluminium frír. Fjöldi deo-kristala á markaðnum er álmengaður.

Deo-kristalar fást út um allt. Álfríir fást í Austurbæjarapóteki, Reykjavíkurapóteki og Urðarapóteki og eflaust víðar.

	Lést af völdum svitalyktareyðis
Ábyrgðarmaður færslu Tilkynna um óviðeigandi tengingu við frétt

Meginflokkur: Heilbrigðismál | Aukaflokkar: Lífstíll, Viðskipti og fjármál, Vísindi og fræði | Breytt 22.4.2017 kl. 16:01 | Facebook

Athugasemdir

Svitnaði örlítið hinum megin þegar ég las þetta en ætla ekki að gera neina athugasemd en bíð bara rólegur eftir næsta bloggi frá þér!!

Sigurður I B Guðmundsson, 30.3.2017 kl. 13:17

Best er að nærast eingöngu á kanilsnúðum. Þá verður svitalyktin af manni ... kanill. En það verður að vera eingöngu snúðar. Það má ekki vera að gúffa í sig súrsuðum hákarli og lauk milli mála.

Það er bara óhollt.

Ásgrímur Hartmannsson, 30.3.2017 kl. 20:41