Þannig sleppur þú við sumarpláguna

 

 

 

 

 

 

 

 

  Eins skemmtilegt og sumarið getur verið þá fylgja því einnig ókostir.  Ekki margir.  Aðeins örfáir.  Sá versti er frjókornaofnæmi.  Verra er að þeim fjölgar stöðugt sem þjást af þessu ofnæmi - eins og flestum öðrum ofnæmum.  Margir vita ekki af þessu.  Þeir skilgreina einkennin sem flensu.  Tala um bölvaða sumarflensuna.  Sífellda nefrennslið, rauð augu,  særindi í hálsi, hnerri...

  Góðu fréttirnar eru þær að auðveldlega má verjast frjókornunum.  Meðal annars þannig:

- Forðist garðslátt og heyvinnu.

- Halda sig sem mest innandyra.

- Loka öllum gluggum rækilega.

- Ekki þerra þvott utandyra. 

- Fjarlægja öll gólfteppi úr húsinu.

- Losa sig við alla loðfeldi.

- Skúra öll gólf daglega.

- Ryksuga sófasett og önnur húsgögn sem mögulega geta hýst frjókorn.

- Vera með sólgleraugu.  Einkum þar sem hætta er á sólarljósi.

- Fara í sturtu eða bað fyrir háttinn.  Mikilvægt að þvo hár og skegg rækilega.

- Skola nasir og augu með léttsöltuðu vatni.

- Vera með súrefnisgrímu utandyra.

Athugasemdir

[Stefán (IP-tala skráð) 27.5.2017 kl. 18:46]

Svona ofnæmisviðbrögð brjótast fram hjá mér þegar ég sé og heyri þingmenn Framsóknarflokksins tjá sig á skjánum og mér þykir bara vænt um frjókorn miðað við þau ósköp.

[Jens Guð, 31.5.2017 kl. 03:11]

Skiljanlega!