Flugbílar að detta inn á markað

  Lengst af hafa bílar þróast hægt og breyst lítið í áranna rás.  Það er að segja grunngerðin er alltaf sú sama.  Þessa dagana er hinsvegar sitthvað að gerast.  Sjálfvirkni eykst hröðum skrefum.  Í gær var viðtal í útvarpinu við ökumann vörubíls.  Hann varð fyrir því að bíll svínaði gróflega á honum á Sæbraut.  Skynjarar vörubílsins tóku samstundis við sér: Bíllinn snarhemlaði á punktinum, flautaði og blikkaði ljósum.  Forðuðu þar með árekstri.

  Sífellt heyrast fréttir af sjálfkeyrandi bílum.  Þeir eru að hellast yfir markaðinn.  Nú hefur leigubílafyrirtækið Uber tilkynnt um komu flugbíla.  Fyrirtækið hefur þróað uppskriftina í samvinnu við geimferðastofnunina Nasa.  Það setur flugbílana í umferð 2020.  Pældu í því.  Eftir aðeins 3 ár.  Við lifum á spennandi tímum.

   

Athugasemdir

[Sigurður I B Guðmundsson, 15.11.2017 kl. 12:25]

Bíð eftir flughúsum!!!

[Jens Guð, 16.11.2017 kl. 07:47]

Ég líka!

[Halldór Egill Guðnason, 22.11.2017 kl. 20:49]

 Það verður bæði subbulegt og ljótt, ef þeir detta inn á markaðinn.  Pant ekki vera um borð. Nei takk. Má ég þá frekar byðja um fimm, átta, átta, fimm, fimm, tveir, tveir áfram.

 Góðar stundir, með kveðju að sunnan.

[Jens Guð, 24.11.2017 kl. 07:49]

Halldór Egill,  ég er dálítið hræddur við þessa flugbíla.  Þeir verða að vera hlaðnir allskonar skynjurum til að rekast ekki hver á annan, á hús eða rafmagnslínur og þess háttar.  Spurning hvernig þeir spjara sig í ofsaroki, glórulausri norðanhríð og brunagaddi.