Bestu plötur ársins 2017

 

 

 

 

 

 

 

 

  Þegar ég fer til útlanda þá kúpla ég mig algjörlega frá Íslandi.  Tek hvorki með mér tölvu né síma.  Það er góð hvíld í því.  Staddur í Manchester á Englandi yfir jól og áramót veit ég ekkert hvernig íslenskir fjölmiðlar afgreiddu uppgjör á bestu plötum ársins 2017.  

  Ég fylgdist grannt með uppgjöri bresku dagblaðanna.  Hér fyrir neðan er niðurstaða götublaðsins the Sun.  Ég er einna sáttastur við þeirra uppgjör.  Í fremri sviga er staða sömu plötu hjá the Independet.  Það setti plötu Loyle Carner "Yesterday´s Gone" í 1. sætið.  Sú plata átti ekki upp á pallborðið hjá öðrum fjölmiðlum.  Í seinni sviga er staða sömu plötu hjá the Gardian.  

  Á árum áður voru áramótauppgjör fjölmiðla mun samstilltari en nú.  Það er einhver losarabragur á þessu öllu.  Kannski vegna þess að aldursbil plötugagnrýnenda er breiðara en á síðustu öld.  Kannski vegna þess að músíkstílum fjölgar stöðugt.  Kannski vegna þess að músíkmötun kemur úr fleiri áttum en áður með tilkomu netsins og fjölgun útvarps- og sjónvarpsstöðva.

1 (2)(4) LORDE - Melodrama (einnig í 1. sæti hjá tónlistarblaðinu NME)

2 (-)(-) LIAM GALLAGHER - As You Were

3 (-)(14) THE HORRORS - V

4 (-)(-) ROBERT PLANT - Carry Fire

5 (-)(-) MARGO PRICE - All American Made

6 (17)(-) QUEENS OF THE STONE AGE - Vilains

7 (-)(-) U2 - Songs of Experience

8 (21)(-) LANA DEL REY - Lust for Life

9 (-)(16) FATHER JOHN MISTY - Pure Comedy (gaurinn úr Fleet Foxes)

10 (-)(2) KENDRICK LAMAR - Damn

11 (-)(6) LCD SOUNDSYSTEM - American Dream

12 (28)(7) THE WAR ON DRUGS - A Deeper Understanding

13 (13)(18) STORMZY - Gong Sign & Prayer

14 (-)(36) RHIANNON GIDDENS - Freedom Highway

15 (-)(-) GORILLAZ - Humanz

16 (-)(-) FOO FIGHTERS - Concrete & Gold

17 ((-)(-) BECK - Colors

18 (-)(-) ED SHEERAN - Divide

19 (-)(12) WOLF ALICE - Visions of Life

20 (-)(-) THE FLAMING LIPS - Oczy Mlody

21 (4)(5) PERFUME GENIUS - No Shape

22 (14)(1) ST VINCENT - Masseduction

23 (-)(-) ELBOW - Little Fiction

24 (12)(-) KING KRULE - The Oaz

25 (-)(-) BJÖRK - Utopia

  Plata Bjarkar kom út "of seint" á árinu (í nóvemberlok).  Plötugagnrýnendur voru flestir að skila inn sínum lista þegar hún kom út - og áttu þar með eftir að hlusta á hana. Þumalputtareglan er sú að plata þurfi að koma út í síðasta lagi í fyrri hluta október til að komast inn í áramótauppgjör.

VERSTU PLÖTUR ÁRSINS

  Tímaritið Entertainment Weekly valdi verstu plöturnar.  Auðvelt er að vera sammála niðurstöðunni:

1.  CHRIS BROWN - Heartbreak on a Full Moon

2.  KID ROCK - Sweat Southern Sugar

3.  THE CHAINSMOKERS - Memories...Do Not Open

  Annað úr annarri átt:  Í sjónvarpsþættinum Útsvari var tiltekið lag sagt vera eftir the Hollies.  Hið rétta er að lagið er eftir Albert Hammond.   

Athugasemdir

[Jón Steinar Ragnarsson, 14.1.2018 kl. 12:27]

Björk höfðar ekki til mín. Finnst hún soldið tilgerðarleg og artsy fartsy. Human behaviour er besta lagið hennar.

[Sigurður I B Guðmundsson, 14.1.2018 kl. 12:33]

Er ég að missa af einhverju???

[Stefán (IP-tala skráð) 14.1.2018 kl. 12:34]

Meistari Robert Plant er þarna verðugur fulltrúi eldri borgara. Fyndið að stórsöngvarinn segir í dag, að hann skammist sín fyrir rödd sína eins og hún hljómar á fyrstu plötum Led Zeppelin. Þar er hann væntanlega einn á móti öllum með þær skoðanir. Robert Plant er gífurlega metnaðarfullur tónlistarmaður sem sendir frá sér frábærar plötur ár eftir ár. Queens Of the Stone Age og The Flaming Lips eru alltaf í uppáhaldi hjá mér, að ógleymdri Björk okkar.

[Jón Steinar Ragnarsson, 14.1.2018 kl. 12:34]

Avant Garde tónlist er kannski kategoría fyrir hana. Einskonar Andy Warhol tónlistarinnar.

Einhverf tónlist, huggunarheimur innan úr höfði barns sem flýr frá vægðarlausum heimi. Fantasía. Eitthvað sem síar fantana úr tilverunni. :)

[Jón Steinar Ragnarsson, 14.1.2018 kl. 12:38]

Kannski má kalla tónlist Bjarkar andpönk, því hún er í raun andhverfa þeirrar tónlistarstefnu sem mótaði hana.

[Jens Guð, 14.1.2018 kl. 18:27]

Jón Steinar,  Björk er ólíkindatól.  Hún afgreiðir allt frá pönki (Declare Independence https://youtu.be/4P5xSntVWQE) til djass (https://youtu.be/htobTBlCvUU).  Mín uppáhaldsplata með henni er Medúlla.  Plata án hljóðfæraleiks (https://youtu.be/bfVVsPiJc5U).  Mjög djarft uppátæki. 

[Jens Guð, 14.1.2018 kl. 18:29]

Sigurður I B, nei, þú missir ekki af neinu á meðan þú fylgist með blogginu mínu.  

[Jens Guð, 14.1.2018 kl. 18:40]

Stefán,  Plant er frábær söngvari á öllum plötum Led Zeppelin.  Líka á seinni tíma plötum.  Ekki síst á dúettplötunni með Allison Krauss.  Þar afgreiða þau meðal annars lipurlega tvö Gene Clark (the Byrds) lög:   https://youtu.be/AZjVCsSI0OM

[Jens Guð, 14.1.2018 kl. 22:25]

Jón Steinar (#4), á wikipdíu er músæikstíll Bjarkar sagður vera:  Art pop, avant-garde, electronic,  experiment. Ég er sáttur við það en gæti þó bætt við fleiri stílum.