Fólk er fíklar

  Allir eru að fá sér.  Allir eru fíklar.  Munurinn liggur í því hver fíknin er.  Sumir eru nikótínfíklar.  Aðrir eru matarfíklar,  spilafíklar,  alkar,  athyglissjúkir,  ástarfíklar,  dansfífl eða eitthvað allt annað.  

  Séra Óli sleikur er kattþrifinn sleikifíkill.  Hann má ekki sjá ósleikta konukinn án þess að stökkva á hana og sleikja.  Vegna jafnaðarhugsjónar er honum óstætt á að sleikja aðeins aðra kinn.  Hann finnur sig knúinn til að sleikja báðar kinnar.  Líka eyru og háls ef tími gefst til.

  Samkvæmt úrskurðarhópi og úrskurðarnefnd fagaðila og amatöra ríkiskirkjunnar er sleikiþörf embættismannsins eðlilegt embættisverk.  Óhreinar kinnar skulu sleiktar uns þær verða hreinar.  Þetta er eins og að skírast upp úr heilögu kranavatni.

  Fundið hefur verið að því að séra Óli sleikur ríghaldi konum föstum á meðan hann sleikir á þeim báðar kinnar, eyru og háls. Þessu ber að sýna skilning.  Ef konurnar væru að hlaupa út um allt á meðan séra Óli sleikur sleikir á þeim kinnar þá er næsta víst að sleikur myndi misfarast að hluta.  Jafnvel lenda aftan á hálsi eða baki.  Ekki vill ríkiskirkjan það.  Því síður mælir hún með því af sama krafti og umskurði.  

 

Athugasemdir

[Stefán (IP-tala skráð) 3.3.2018 kl. 10:46]

Mér sýnist biskup sleikja sig upp við mishæfa presta, en ulla framan í þjóðina um leið og fólk yfirgefur Þjóðkirkjuna.

[Sigurður I B Guðmundsson, 3.3.2018 kl. 16:23]

Séra Óli kemur sterkur inn sem "pottasleikir" á næstu litlu jólum !!!!!

[Stefán (IP-tala skráð) 3.3.2018 kl. 18:49]

Hva, er svo einhver gamall prestur á Omega að sleikja upp eitthvað borgarstjórnar framboð ? 

[Jón Steinar Ragnarsson, 3.3.2018 kl. 21:50]

Allir eru að sleikja sér upp við alla. Frú Norma og Soknarnefndarkerlingarnar sleikja sér upp við prestinn og presturinn geldur líku líkt.

Business as usual. Hversvegna þennan æsing?

[Jens Guð, 4.3.2018 kl. 17:15]

Stefán,  mér sýnist það líka.

[Jens Guð, 4.3.2018 kl. 17:16]

Sigurður I B,  svo sannarlega!

[Jens Guð, 4.3.2018 kl. 17:18]

Stefán (#3),  ég sá klippu af því.  Hitt er annað mál að Omega-menn hafa aldrei spáð rétt fyrir um kosningaúrslit.  Aldrei.

[Jens Guð, 4.3.2018 kl. 17:19]

Jón Steinar, vel mælt!

[Stefán (IP-tala skráð) 5.3.2018 kl. 07:02]

Ég veit svo sem ekkert um þessa Omega stöð, nema að ég heyri fólk almennt dæma hana sem öfgatrúarstöð, sem ekkert mark sé takandi á.

[Jens Guð, 8.3.2018 kl. 04:39]

Stefán (#9),  Omega býður upp á kröftugra skemmtiefni en flestar aðra sjónvarpsstöðvar.  Meiriháttar grín og gaman.