Einkennilegt mál skekur Færeyjar

  Glæpir eru fátíðir í Færeyjum.  Helst að Íslendingar og aðrir útlendingar séu til vandræða þar.  Sömuleiðis eru Færeyingar óspilltasta þjóð Evrópu.  Að auki fer lítið fyrir eiturlyfjaneyslu.  Í einhverjum tilfellum laumast ungir Færeyingar til að heimsækja Kristjaníu í Kaupmannahafnarferð og fikta við kannabis.  Einstaka maður.   

  Í ljósi þessa er stórundarlegt mál komið upp í Færeyjum.  Það snýr að virtum þingmanni, sveitarstjórnarmanni í Tvöreyri og lögregluþjóni.  Sá heitir Bjarni Hammer.  Hann hefur nú sagt af sér embættum.  Ástæðan er sú að hann reyndi að selja ungum stúlkum hass.

  Bjarni var lögþingsmaður Jafnaðarmannaflokksins.  Önnur stúlkan er formaður ungliðahreyfingar Þjóðveldisflokksins.  Hin i Framsóknarflokknum.  Þær geymdu upptöku af samskiptunum.

  Í Færeyjum er gefið út eitt dagblað.  Það heitir Sósialurin.  Ritstjóri er hin ofurfagra Barbara Hólm.  Hún er gift forsprakka pönksveitarinnar 200, sem á fjölmarga aðdáendur á Íslandi og hefur margoft spilað hér.  Barbara er fyrrverandi formaður ungliðahreyfingar Þjóðveldisflokksins.  Hún frétti af málinu frá fyrstu hendi.  Stormaði umsvifalaust með upptökuna til lögreglunnar og upplýsti málið í Sósíalnum.

  Almenningur fékk áfall.  Viðbrögð flokkssystkina Bjarna eru þau að fullyrða að málið sé pólitískt.  Ósvífnir pólitískir andstæðingar Jafnaðarmanna hafi með slóttugheitum gómað hrekklaust góðmenni í gildru.  Misnotað rómaðan velvilja manns sem leggur sig fram um að hjálpa og greiða götu allra.  

  Vinur Bjarna hefur stigið fram og lýst því yfir að hann hafi komið í heimsókn til sín 2014.  Þar var fleira fólk.  Vinurinn kallar á konu sína til vitnis um að í það skiptið hafi Bjarni hvorki gefið né selt vímuefni.

  Annað þessu skylt; um væntanlega útgáfu ríkisins á vest-norrænni söngbók.  Smella HÉR   

 

Athugasemdir

[Stefán (IP-tala skráð) 8.3.2018 kl. 20:54]

Þrátt fyrir augljósa galla, þá ætla ég þó manninn almennt heiðarlegri og óspilltari en meðal íslenskan stjórnmálamann. 

[Anna Sigríður Guðmundsdóttir (IP-tala skráð) 8.3.2018 kl. 23:15]

Jens minn. Ekki dettur mér í hug að fólk í Færeyjum sé almennt á siðblindu-ruglvegferðinni, sem öll önnur ríki Vest-Norrænna ruglara eru raunverulega á.

Mér finnst nauðsynlegt að krefjast þess að Guðjón Brjánsson læknir, og alþingismaður á alþingi Íslands í dag, upplýsi almenning á Íslandi um hversu margir Færeyja búar koma til Íslands í alls konar aðgerðir á Landsspítalann, með tilheyrandi háum meðgjafar-fjárhæðum með hverjum sjúklingi frá Færeyjum?

Færeyjar borga nefnilega mjög háar upphæðir með sjúklingum frá Færeyjum, í skurðaðgerðir á Íslandi.

Guðjón Brjánsson, alþingismaður og læknir, skrifaði forsíðufrétt í Fréttablaðið í dag, og kvartaði yfir því hvað það kostar mikið fyrir skattsjóð Íslands að senda Íslands búa í aðgerðir til EES ríkja?

Á ekki jafn-réttlætið að virka í báðar áttir?

Er ekki rétt að alþingismaðurinn og læknirinn Guðjón Brjánsson taki nú lagið, á pantaða og Vest-Norræna vísu, og hafi meðfylgjandi upplýsingatexta í Vest-Norrænu vísnasöngvunum nýlega pöntuðu úr alþingispontunni, um það hvað Ísland fær borgað frá Færeyjum fyrir hvern Færeyskan sjúkling? Færeyskan sjúkling sem þorir að hleypa að sér glæpastýrðu hnífasetti mafíu-yfirlækna-sjúkrahússins: Landsspítala Íslands? 

Mér finnst ég hvorki ósanngjörn né frek, að krefjast heiðarlegra, kjarnyrta, og réttra svara frá lækninum Guðjóni Brjánssyni á alþingi Íslands, sem kvartaði í dag yfir biðlistum Íslands búa, á liðskipta aðgerðum á Landsspítalanum á Íslandi?

M.b.kv.

[Jens Guð, 9.3.2018 kl. 08:54]

Stefán, ég tel það vera fullvíst.

[Jens Guð, 9.3.2018 kl. 08:55]

Anna Sigríður, ég tek undir kröfu þína.

[Tobbi (IP-tala skráð) 9.3.2018 kl. 20:50]

Er ekki lágmark að þegar fimbulfambað er fari menn rétt með. Guðjón Brjánsson er EKKI læknir og hefur aldrei verið læknir. Guðjón Brjánsson hefur engan aðgang að upplýsingum um Færeyinga í aðgerðum á Landsspítalanum umfram aðra. Hitt er svo annað mál að komi Færeyingar, eða aðrir útlendingar, í aðgerð á Landsspítalanum er greidd jafnhá upphæð fyrir þá úr færeyska ríkiskassanum og greidd er úr þeim íslenska ef þeir væru Íslendingar. 

En auðvitað er ósanngjarnt að krefjast þess að rétt sé farið með í fimbulfambi. Þá væri það ekki fimbulfamb. En til að upplýsa hlutaðeigandi: Guðjón Brjánsson hefur próf í félagsráðgjöf. Þá hefur hann pungapróf.

[Stefán (IP-tala skráð) 10.3.2018 kl. 13:00]

En líklega var þessi ekki sérvalinn af Guði. Slíkt tíðkast bara fyrir borgarstjórnarkosningar í Reykjavik, eða ...

[Jens Guð, 10.3.2018 kl. 18:23]

Tobbi,  takk fyrir upplýsingarnar.

[Jens Guð, 10.3.2018 kl. 18:30]

Stefán,  Omega-predikarinn Guðmundur (bróðir Kjartans Ragnarssonar leikara) getur áreiðanlega staðfest það.  Eða borið til baka.

[Stefán (IP-tala skráð) 10.3.2018 kl. 19:31]

Æi, aumingja Kjartan Ragnarsson ... Er Guðmundur kanski líka leikari / feikari ? 

[Jens Guð, 12.3.2018 kl. 18:10]

Stefán,  á sínum tíma var Guðmundur starfandi ríkiskirkjuprestur.  Þá sagði Kjartan í léttum dúr að þeir bræður væru báðir leikarar.  Annar í Þjóðleikhúsinu og hinn í kirkjunni.