Harðfisksúpa víðar en á Íslandi

  Harðfisksúpa Baldurs Garðarssonar hefur vakið verðskuldaða athygli.  Ekki síst eftir að hún sigraði með glæsibrag í hugmyndasamkeppninni Þjóðlegir réttir á okkar veg.  Atti harðfisksúpan þar kappi við 106 aðra rétti. 

  Svo skemmtilega vill til að harðfisksúpa er elduð víðar.  Heimsþekktur og margrómaður færeyskur sjávarréttakokkur,  Birgir Enni,  hefur til margra ára lagað harðfisksúpu.  Ég hef gætt mér á henni.  Hún er góð. 

 

Athugasemdir

[Stefán (IP-tala skráð) 30.5.2018 kl. 07:29]

Er þessi súpa eitthvað sem gæti bjargað deyjandi ferðamannaiðnaði á Íslandi ?  

[Sigurður I B Guðmundsson, 30.5.2018 kl. 19:23]

 Var þetta steinbíts, þorsk eða ýsu harðfisksúpa!!?!!

[Sigurður Bjarklind (IP-tala skráð) 31.5.2018 kl. 18:22]

Var ekki skreið flutt til Nígeríu á sínum tíma?

Mér skilst að herti fiskurinn hafi verið settur í heilu lagi í potta og mauksoðinn með roði og beinum.

Er það ekki harðfisksúpa sneisafull af próteinum?

Hver finnur upp hjólið?

[Jens Guð, 31.5.2018 kl. 19:48]

Stefán,  vonandi.

[Jens Guð, 31.5.2018 kl. 19:54]

Sigurður I B,  ýsa var það heillin.

[Jens Guð, 31.5.2018 kl. 20:01]

Sigurður Bjarklind,  ég man eftir þvi þegar maðkétin skreið var send í tonnatali til Nígeríu.  Þarlendir suðu hana með hrísgrjónum.  Þannig sást ekki munur á lirfunum og hrísgrjónunum.  Strangt til getið er hægt að kalla þetta harðfisksúpu.

[Sigurður Bjarklind (IP-tala skráð) 1.6.2018 kl. 19:04]

Einmitt.

Eldri menn en ég hafa sagt að maðkétinn harðfiskur hafi unaðslegan sætukeim. Lirfur eru líka góður próteingjafi.