Áhrifaríkt sönglag um barnsmorð

  Á sjötta áratugnum var 14 ára blökkudrengur laminn í klessu af tveimur fullorðnum hvítum karlmönnum.  Svo var hann skutu þeir hann og drápu.  Þetta gerðist í Mississippi.   Forsagan er sú að 21. árs kærasta annars mannsins laug því að gamni sínu að strákurinn hefði daðrað við sig.

  Morðið hafði enga eftirmála fyrir morðingjana.

  Kynþáttahatur hefur löngum verið landlægt í Mississippi.  Eins og í Alabama.  Þessi tvö ríki liggja saman.  Frá Alabama kemur ein þekktasta og merkasta söngkona og söngvaskáld Bandaríkjanna,  Emmylou Harris.  Kynþáttafordómar hafa alltaf verið eitur í hennar beinum.

  2011 sendi hún frá sér plötuna "Hard Bargain".  Á henni er að finna áhrifaríkt sönglag,  "My name is Emmett Till".  Þar syngur hún í orðastað myrta barnsins.  Hún vill ekki að saga hans og nafn gleymist.  Hugsanlega á lagið einhvern þátt í því að dómsmálaráðuneyti Bandaríkjanna hefur opnað málið að nýju.  

63 ára morðmál enduropnað

Athugasemdir

[Stefán (IP-tala skráð) 12.7.2018 kl. 20:22]

Það væri þá með ólíkindum að þetta mál yrði tekið upp að nýju á meðan appalsínuguli trúðurinn ræður ríkjum í USA. En burt séð frá því, þá á Emmylou Harris stórt pláss í hjarta mínu fyrir samstarfið með Gram Parsons á meistaraverkinu Grievous Angel.

[Jens Guð, 12.7.2018 kl. 22:08]

Stefán,  jú,  dómsmálaráðuneytið hefur sent frá sér yfirlýsingu um að málið verði tekið upp að nýju.  Þau Emma og Gram voru frábær dúett.  Og sálufélagar.  En ekki elskendur - sem margir héldu að þau væru.  Hún hefur reyndar upplýst að hún hafi verið ástfangin af honum.  En gerði ekkert í þaim málum af tilliti við konu hans.  Þau áttu sameiginlega andúð á kynþáttafordómum komandi bæði frá kynþáttahaturs Suðurríkjunum.  Hann frá Flórída, sem á einnig landamæri suður af Alabama.  Gram gekk svo langt að hætta í the Byrds - frægustu bítlahljómsveit Bandaríkjanna - þegar hljómsveitin féllst á að spila fyrir aðgreinda kynþætti í S-Afríku.  Allir aðrir í the Byrds voru þó antí-rasistar.  En sættu sig við að spila fyrir aðgreinda kynþætti.  Töldu það gefa þeim tækifæri til að tala gegn rasisma.  Gram tók hinsvegar harðlínu afstöðu með sniðgöngu gegn rasistaríki. 

[Jens Guð, 12.7.2018 kl. 22:12]

Emma, eins og við aðdáendur Emmylou Harris köllum hana hefur átt marga glæsta hápunkta á ferlinum.  Ég er heillaður af túlkun hennar á "May This be Love":  https://youtu.be/dTgcwHRcxD8

[Stefán (IP-tala skráð) 13.7.2018 kl. 21:28]

Keith Richards og Mick Jagger kvöttu Gram Parsons til að fara ekki með The Byrds til Suður Afríku. Parsons fluttist þá inn á Keith í Englandi og urðu þeir miklir vinir. Gram hafði m.a. þau áhrif á Keith að hann fór að semja countrylög og tókst það vel sem kunnugt er. Þeir félagar Keith og Gram ætluðu að gera saman duetplötu og er ekki að efa að sú plata hefði orðið frábær hefði ætlunarverkið tekist. Þegar Stones tóku upp meistaraverkið Exile On Main Street í Frakklandi, þá bjó Gram heima hjá Keith og Anitu Pallenberg, en í kjallaranum hjá þeim var platan tekin upp. Anita bað svo Gram að yfirgefa svæðið og Mick vildi líka koma honum út þaðan, þar sem honum fannst Gram hafa truflandi áhrif á Keith, en báðir voru þeir þá forfallnir heroinneytendur.

[Jens Guð, 15.7.2018 kl. 06:21]

Stefán,  alveg rétt er að Keith lagði hart að Gram að stræka á að spila með the Byrds á hljómleikum aðskilinna kynþátta í S-Afríku. Gram var þeim sammála.  Hann hataði kynþáttafordómana sem hann ólst upp við í Suðurríkjunum.