Fólk kann ekki handaþvott

17.7.2018 | 06:18

Fólk kann ekki handaþvott

Bandaríska landbúnaðarráðuneytið stóð á dögunum fyrir vandaðri rannsókn á handaþvotti. Fylgst var leynilega með 393 manns matreiða kalkúnaborgara og salat. 97% kokkanna fengu falleinkunn. Af helstu klúðrum var að þvo aðeins fremsta hluta fingra en ekki á milli þeirra. Annað algengt klúður var að þvo ekki hendur eftir að hafa fiktað í nefi eða öðrum andlitshlutum né eftir að hafa hóstað eða hnerrað í lófa. Þriðja algenga klúðrið var að skola puttana aðeins lauslega í alltof stutta stund. Fjórða klúðrið er að sniðganga þumalinn. Vegna sóðaskapar starfsmanna á veitingastöðum fá margir illt í magann eftir heimsókn þangað.

Svona á að þvo hendur:

- Fyrst skal bleyta hendurnar rækilega í vatni og nugga þær fram og til baka. Klúður er að byrja á því að sápa þær. Sápan dreifist aldrei nógu vel þannig.

- Nugga sápu og vatni vel yfir báðar hendur. Gæta sérlega vel að því að þvo á milli fingra.

- Stóra málið er að gleyma ekki að sápa og þvo þumalinn.

Meginflokkur: Matur og drykkur | Aukaflokkar: Heilbrigðismál, Lífstíll, Vísindi og fræði | Breytt s.d. kl. 19:15 | Facebook

Athugasemdir

Sæll Jens. Þessi rannsókn fjallar ekki um almenning heldur sérþjálfað starfsfólk á veitingastöðum þannig að fyrirsögnin er villandi. Þar fyrir utan er hollt og gott að vera hæfilega skítugur til að styrkja ónæmiskerfið.

Sigurður Bjarklind (IP-tala skráð) 17.7.2018 kl. 06:38

Mikið er ég heppinn að vera ekki almenningur!!!

Sigurður I B Guðmundsson, 17.7.2018 kl. 09:10

Sigiurður Bjarklind, takk fyrir ábendinguna. Ég breyti fyrirsögninni.

Jens Guð, 17.7.2018 kl. 15:41

Sigurður I B, þú ert lukkunnar pamfíll!

Jens Guð, 17.7.2018 kl. 15:43

Þar fór athugasemdin mín!!!

Sigurður I B Guðmundsson, 17.7.2018 kl. 21:54

Sigurður I B, lesendur þessarar bloggsíðu er glöggir og klárir. Þegar þeir lesa "kommentinn" fatta þeir strax að ég skipti út orðinu "almenningur" fyrir orðið "fólk".

Jens Guð, 18.7.2018 kl. 17:49