Fékk sér sushi og missti hönd

  Suður-kóreskur gutti slapp í sushi á dögunum.  Skipti engum togum að í kjölfarið mynduðust stórar blöðrur á annarri hendi hans.  Þær voru fylltar blóði.  Læknar stungu á blöðrurnar og hleyptu blóðinu úr þeim.  Þá bættust við stór opin sár.  Þeim fjölgaði jafnt og þétt upp höndina án þess að hægt væri að stöðva sýkinguna.  Neyðarráðstöfun var að fjarlægja höndina af til að bjarga öðrum hluta líkamans.

  Hrár fiskur er varasamur.  Hrái fiskurinn í sushi inniheldur iðulega bakteríur og orma.  Það gerir heilsuhraustum ekki mein að ráði.  Í mesta lagi smávægileg magaóþægindi í einn eða tvo daga.  Verra er þegar um heilsulitla er að ræða.  Eins og í þessu tilfelli.  Maðurinn er með léleg nýru og sykursýki 2.  Þar að auki er hann á áttræðisaldri og hlustar á Bee Gees.   

Athugasemdir

[Sigurður Bjarklind (IP-tala skráð) 7.9.2018 kl. 06:54]

Þetta með Bee Gees gerði útslagið. Honum hefði verið nær að hlusta á Skálmöld og Tý.

[DoctorE (IP-tala skráð) 7.9.2018 kl. 09:14]

Burn it with fire... hugsið um öll eggin puke
https://www.youtube.com/watch?v=c9xOf4Ku39E

[Sigurður I B Guðmundsson, 7.9.2018 kl. 09:48]

Þess vegna hlusta ég á CCR og borða önd til að fá ekki illt í hönd!!!

[Stefán (IP-tala skráð) 7.9.2018 kl. 20:25]

Held að Árni Johnsen sé með jafnvel enn bólgnari hendur ( sem hann hefur líka kallað sjálfvirkan sleppibúnað ) í dag en þessi kappi og telur að eitrað hafi verið fyrir sér. Útvarpsstöðvar hafa stundum eitrað fyrir mér með því að spila Bee Gees, en ég næ alltaf að skipta um stöð áður en vandræði hljótast af. M an hins vegar eftir því að hafa fengið ælupesti eftir að hafa hlustað á lag með Yoko Ono.

[Jens Guð, 8.9.2018 kl. 10:56]

Sigurður Bjarklind,  það hefði forðað honum frá þessum ósköpum.

[Jens Guð, 8.9.2018 kl. 11:06]

DoctorE,  takka fyrir svakalegt myndband.

[Jens Guð, 8.9.2018 kl. 11:14]

Sigurður I B,  þú ert skotheldur.

[Jens Guð, 8.9.2018 kl. 11:58]

Stefán,  það er ekki vondur titill að vera með stærstu hrammana á Íslandi.  Eða að minnsta kosti í Vestmannaeyjum.

[Stefán (IP-tala skráð) 8.9.2018 kl. 13:40]

En ég vil allavega alls ekki Arnarlax í mitt sushi !

[Jens Guð, 8.9.2018 kl. 18:17]

Stefán,  ástæða er til að sniðganga Arnarlax hvort heldur sem er þegar lax er steiktur á pönnu,  soðinn,  reyktur,  grafinn eða troðið í sushi.  

[Stefán (IP-tala skráð) 8.9.2018 kl. 18:26]

Meira að segja laxinn skammast sín hjá Arnarlaxi og flýr í stórum stíl úr eldiskvíunum.

[Jens Guð, 14.9.2018 kl. 05:27]

Það er allt í rugli hjá Arnarlaxi.  Þar á bæ fara menn ekki eftir lögum og reglum.