Gettu betur

  Ég var afskaplega sáttur með sigur Kvennaskóla Reykjavíkur í spurningakeppninni Gettu betur.  Tek samt fram að ég hef ekkert á móti Menntaskóla Reykjavíkur sem Kvennaskólinn lagði að velli.  Lengst af var Gettu betur leikvöllur drengja.  Nú brá svo við að sigurlið Kvennaskólans var skipað tveimur klárum stelpum og einum dreng. 

  Eitt olli mér undrun í keppninni:  Stuðningsmenn Kvennóliðsins,  samnemendur,  sungu gamlan bandarískan sveitaslagara um sveitavegi og bandaríska ferðamannastaði.  Ég átta mig ekki á tengingunni.  Ég hef ekkert á móti laginu né höfundi þess,  John heitnum Denver.  En flutningur skólasystkinanna á því kom eins og skratti úr sauðalegg.

 

                                                                                                                                                                                                                  

Athugasemdir

[Sigurður I B Guðmundsson, 20.3.2019 kl. 09:45]

Er að athuga hvaða CCR lag hefði átt betur við!!!

[Sigurður Bjarklind (IP-tala skráð) 20.3.2019 kl. 10:31]

Strákar-karlmenn eru eru ekki nema þriðjungur nemenda í framhalds- og háskólum landsins.

[Sigurður I B Guðmundsson, 20.3.2019 kl. 14:12]

 Hvað með: Proud Mary eða Long as I can see the light!!!!?

[Stefán (IP-tala skráð) 20.3.2019 kl. 20:07]

Kvennaskólinn í Reykjavík er vel að sigrinum kominn, enda telja margir skólann vera besta framhaldsskóla landsins. Vinsældir og umsóknafjöldi um skólavist á hverju ári sanna það. John Denver gerði mikið af góðri tónlist á sínum 50 árum og ofan nefnt lag varð hans vinsælasta, en mitt uppáhalds lag eftir hann er Rocky Mountain High af samnefndri plötu frá 1972. Þrátt fyrir gífurlega flugreynslu, hrapaði hann einkaflugvél sinni og lést.

[Halldór Egill Guðnason, 20.3.2019 kl. 23:56]

 Hvernig stendur á því að í dag skuli skóli fá að heita Kvennaskóli? Hvar er metoo og allt dæmið? Óska skólanum til hamingju með sigurinn, en er ekki kominn tími til að skipta um nafn á þessum skóla?

 Fulltrúum "Karlaskólans" væri ekki einu sinni boðin þátttaka í þessari keppni, væri hann til. Ástæðan.: "Kynjahalli". ;-)

 Góðar stundir, með kveðju að sunnan.

[Jens Guð, 21.3.2019 kl. 19:11]

Sigurður I B, þetta eru góðar tillögur á söngvavali.

[Jens Guð, 21.3.2019 kl. 19:48]

Sigurður Bjarklind,  ég hef tekið eftir því.  Á uppvaxtarárum mínum í útjaðri Hóla í Hjaltadal á sjöunda áratugnum voru kvennemendur í Bændaskólanum á Hólum aldrei fleiri en tvær.  Í dag hefur þetta snúist við.  Sama á við um skrautskriftarnámskeið mín.  Á níunda áratugnum voru flestir nemendur karlar.  Á síðustu árum eru konur yfirgnæfandi fleiri en karlar.  Ekkert nema gott mál að konur mennti sig.

[Jens Guð, 21.3.2019 kl. 19:57]

Stefán,  það er umhugsunarvert hvað margar bandarískar poppstjörnur hafa farist í flugslysum.

[Jens Guð, 21.3.2019 kl. 20:10]

Halldór Egill,  þetta er góð spurning.  Nafni Bændaskólans á Hólum var breytt í Háskólann á Hólum.  Oft samt kallaður Búnaðarháskólinn á Hólum.  

[Tobbi (IP-tala skráð) 21.3.2019 kl. 21:36]

John Denver fórst ekki í flugslysi. Hann fargaði sér á flugvél.  Hann var þekktur fyrir að fljúga út á haf rúmlega hálft flugþolið og athuga hvort hann kæmist til baka á bensíninu. Og þennan dag flaug hann vél sem hann þekkti ekki út á haf, með sáralítið bensín í tanknum sem stillt var á, vildi ekki bæta á hann og nánast ómögulegt var að skipta milli tanka á flugi. Því krassaði hann bensínlaus í hafið og fórst.

[Jens Guð, 22.3.2019 kl. 13:05]

Tobbi,  takk fyrir fróðleiksmolann.