Blessun

  Ég er alltaf kallaður Jens Guð.  Þess vegna er ég í símaskránni skráður Jens Guð - að frumkvæði símaskráarinnar.  Eða hvort að þetta heitir 1819 eða 1919 í dag?  Í morgun hringdi í mig barnung stúlka.  Kannski 5, 6 ára.  Hún sagðist heita Emilía og eiga heima í Keflavík.  Hún spurði hvort ég væri Jens Guð.  Ég játaði því.  Hún spurði hvort ég væri til í að blessa hana.  Ég svaraði:  "Alveg sjálfsagt.  Strax eftir þetta símtal skal ég blessa þig."  Hún þakkaði fyrir og þar með lauk símtalinu.  Ég stóð við minn hluta samkomulagsins.  Sendi henni að auki í huganum sálm með þýsku pönkdrottningunni Nínu Hagen.  Hún er mér töluvert uppteknari af trúmálum. 

 

Athugasemdir

[Sigurður I B Guðmundsson, 17.7.2019 kl. 09:19]

Hvað tekur þú fyrir kraftaverk!!!

[Júlíus Valsson, 17.7.2019 kl. 10:39]

Í guðanna bænum Jens Guð blessaðu nú þessa andsk. ríkisstjórn áður en hún selur loftið, vatnið, landið, eldfjöllin, fólkið  og orku fallvatnanna. 

[Sigurður Bjarklind (IP-tala skráð) 17.7.2019 kl. 15:30]

Mikill er máttur þinn. Amen.

[Jens Guð, 18.7.2019 kl. 12:48]

Sigurður I B,  þau er á sumarútsölu um þessar mundir og seld eftir vigt.

[Jens Guð, 18.7.2019 kl. 12:48]

Júlíus,  ég harðneita að blessa ríkisstjórnina!

[Jens Guð, 18.7.2019 kl. 12:49]

Sigurður Bjarklind,  og mætti hann þó gjarnan vera meiri!

[Sigurður I B Guðmundsson, 18.7.2019 kl. 18:39]

Góður! Og amen!!!

[Stefán (IP-tala skráð) 18.7.2019 kl. 19:43]

,, Guð blessi Ísland ,, sagði maðurinn um árið þegar hann var búinn að tæma þjóðarbankann. Kanski átti hann við Jens Guð ?

[Jens Guð, 18.7.2019 kl. 22:00]

Sigurður I B,  takk fyrir það.

[Jens Guð, 18.7.2019 kl. 22:02]

Stefán,  ég gekk út frá því sem vísu - og var snöggur að blessa Ísland.

[Þorsteinn Siglaugsson, 18.7.2019 kl. 23:08]

Guð minn góður! segi ég nú bara.

[Jens Guð, 19.7.2019 kl. 18:06]

Þorsteinn,  takk fyyrir það!