Skammir

  Ég var staddur í matvöruverslun.  Þar var kona að skamma ungan dreng,  á að giska fimm eða sex ára.  Ég hlustaði ekki á skammirnar og veit ekki út á hvað þær gengu.  Þó heyrði ég að konan lauk skömmunum með því að hreyta í drenginn:  "Þú hlustar aldrei á mig!"

  Hún gat ekki varist hlátri - fremur en viðstaddir - þegar strákurinn svaraði hátt, snjallt og reiðilega:  "Stundum finnst mér nú eins og ég hlusti of mikið á þig!"

 

Athugasemdir

[Halldór Egill Guðnason, 21.11.2019 kl. 02:35]

Óborganlega góður!;-)

[Sigurður Bjarklind (IP-tala skráð) 21.11.2019 kl. 06:25]

Best að pabbi fari með hann í næstu verslunarferð.

[Stefán Guðmundsson (IP-tala skráð) 21.11.2019 kl. 08:02]

Þjóðin skammar ríkisstjórnir fyrir að taka ekki af alvöru á spillingarmálum, en í Alþingishúsinu er aldrei hlustað á þjóðina. Kanski myndi samt núverandi forsætisráðherra svara þjóðinni alveg eins og strákurinn í sögunni. Líklegra er samt að strákurinn ungi hafi meira til síns máls.  

[Sigurður I B Guðmundsson, 21.11.2019 kl. 10:05]

Eitthvað kannast ég við þetta og ekki orð um það meir!!!

[Jens Guð, 22.11.2019 kl. 10:18]

Halldór Egill, ég tek undir það.

[Jens Guð, 22.11.2019 kl. 10:18]

Sigurður Njarklind,  ég mæli með því.

[Jens Guð, 22.11.2019 kl. 10:19]

Stefán, góður!

[Jens Guð, 22.11.2019 kl. 10:19]

Sigurður I B,  segjum tveir!