Dauðateygjur sekkjapípunnar

  Hljóðfærið sekkjapípa á sér langa og flókna sögu.  Hún nær aftur um aldir.  Í dag er hún einskonar þjóðarhljóðfæri Skota.  Skotar eru um hálf sjötta milljón.  Aðeins sex þúsund þeirra kann að spila á sekkjapípu.  Þeim fækkar hratt.  Svo hratt að reiknað hefur verið út að eftir örfáa áratugi heyri sekkjapípan sögunni til.  Til að viðhalda þekkingu á sekkjapípuspili þurfi 350 þúsund manns að kunna á hljóðfærið og kenna komandi kynslóðum á það.  

  Skotar geta tekið Grænlendinga sér til fyrirmyndar.  Fyrir nokkrum áratugum kunni aðeins einn Grænlendingur grænlenska trommudansinn.  Hann var sendur þvers og kruss um Grænland til að endurvekja trommudansinn.  Með einstaklega góðum árangri.  Áhugi grænlenskra barna var til staðar.  Í dag blómstrar grænlenski trommudansinn.   

Athugasemdir

[Sigurður Bjarklind (IP-tala skráð) 23.1.2020 kl. 08:30]

Ég tengi sekkjapípu við heiður, gleði, sorg og Sean Connery.

[Jósef Smári Ásmundsson (IP-tala skráð) 23.1.2020 kl. 09:20]

Eigum við ekki að gera 1. Febrúar að degi sekkjapípunnar ?

[Sigurður I B Guðmundsson, 23.1.2020 kl. 13:10]

Hvað ætli margir Íslendingar kunni að spila á sög og langspil??

[Ómar Ragnarsson, 23.1.2020 kl. 16:21]

Síðastliðið haust dvaldi ég í nokkra daga á evrópskri ráðstefnu í Baskabænum Candás, sem er gamall, lítill útgerðarbær á norðurströnd Spánar. 

Þar kom fram á stórri samkomu um það bil 40 manna sekkjapípuhljómsveit, sem blés mikinn með feikilegu hljómafli.  

[Þorsteinn Siglaugsson, 24.1.2020 kl. 19:47]

Ég er ekki sannfærður um að dauðahryglur þessa apparats, sem líklega er réttara að kalla vopn en hljóðfæri, muni hljóma neitt verr en veinin úr því í fullu fjöri 

[Jens Guð, 25.1.2020 kl. 11:53]

Sigurður Bjarklind, ég tek undir það.

[Jens Guð, 25.1.2020 kl. 11:53]

Jósef Smári,  ég tek þig á orðinu!

[Jens Guð, 25.1.2020 kl. 12:12]

Sigurður I B,  fáir og fækkar.  Faðir minn heitinn glamraði stundum á sög.  Fyrir nokkrum árum var færeyska hljómsveitin Yggdrasil með hljómleika á Rósenberg.  Íslendingur - ég man ekki nafnið - slóst í hópinn og spilaði ljómandi vel á sög.

[Jens Guð, 25.1.2020 kl. 12:17]

Ómar,  þetta hefur verið góð skemmtun.

[Jens Guð, 25.1.2020 kl. 12:18]

Þorsteinn,  góður!