Ódýrt flug til Kína

 

  Það er margt um að vera í Kína þessa dagana.  Nú er lag að skella sér þangað - áður en landið verður of vestrænt.  Reyndar er gott fyrir íbúa landsins að það verði vestrænt.  Hinsvegar er ekkert gaman fyrir vestræna ferðamenn í Kína að rölta á milli McDonalds og Burger King.  Það geta þeir gert heima hjá sér.  Nema á Íslandi.  Íslendingar taka þorramat framyfir.

  Seint á síðustu öld hélt breska hljómsveitin Wham! hljómleika í Kína.  Skömmu síðar fylgdu Stuðmenn í kjölfarið - undir dulnefninu Strax.  Þetta voru fyrstu kynni Kínverja af vestrænni poppmúsík.  

  Til gamans má geta að nokkru áður komst kínverskur barnakór yfir lag eftir Gísla Helgason.  Barnakórinn fór með lagið inn á Topp 10 kínverska vinsældalistann.  Svo illa vildi til að á þeim tímapunkti höfðu Kínverjar ekki gengið til liðs við alþjóðleg höfundarréttarsamtök.  Annars væri Gísli auðmaður.  Aðeins munaði örfáum árum.

  Í dag tröllríður vestræn dægurmúsík Kína.  Rapp, teknó, píkupopp,  alt-rokk og bara nefndu það. 

  Svo skemmtilega vill til að um þessar mundir er verð á flugi til og frá Kína í lágmarki.  Hægt er að skjótast þangað í menningarreisu fyrir aðeins 88 þúsund kall (flug fram og til baka) og gæða sér á djúpsteiktum rottum. 

Athugasemdir

[Sigurður I B Guðmundsson, 4.2.2020 kl. 11:03]

Og soðnum leðurblökum og í eftirrétt.....þori ekki að segja það!!!

[sigurður bjarklind (IP-tala skráð) 4.2.2020 kl. 13:15]

Hverjum er ekki sama hvað þeir borða heima hjá sér. En þegar þeir koma til Íslands þá mega þeir gjarnan smakka hrútspunga og hákarl svo að ég tali nú ekki um saltkjöt og baunir. Það gerir flestum gott og er matur sem stendur með manni.

[Jósef Smári Ásmundsson (IP-tala skráð) 4.2.2020 kl. 20:12]

Ertu nú ekki að kóróna vitleysuna?

[Erla Magna Alexandersdóttir, 4.2.2020 kl. 20:43]

Sjálfur herra utanrikisráðherra vill endilega koma Kinverjum hingað sem fyrst. Hann er kannski hrifinn af kórónarottum og leðurblökum ??

[Jens Guð, 5.2.2020 kl. 09:15]

  Sigurður I B,  ég er forvitinn um eftirréttinn.

[Jens Guð, 5.2.2020 kl. 09:15]

Sigurður Bjarklind,  ég kvitta undir hvert orð!

[Jens Guð, 5.2.2020 kl. 09:16]

Jósef Smári,  jú. 

[Jens Guð, 5.2.2020 kl. 09:17]

Erla Magna,  það mætti segja mér það.

[Sigurður I B Guðmundsson, 5.2.2020 kl. 11:55]

Eftirrétturinn eru Freyju kattartungur!!!

[Jens Guð, 5.2.2020 kl. 16:33]

Sigurður I B,  góður að vanda!