Áhrifarík plata

 - Titill:  Sameinaðar sálir

 - Flytjandi:  Guðmundur R. Gíslason

 - Einkunn: ****

  Mér telst til að þetta sé þriðja sólóplata Guðmundar Rafnkels Gíslasonar.  Hann er einnig þekktur fyrir að hafa verið söngvari hljómsveitarinnar Sú Ellen í Norðfirði. Söngstíll hans er snyrtilegur, mildur og notalegur.  Engin öskur eða læti.  Sama má segja um lög hans, sem og Guðmundar Jónssonar og Jóns Ólafssonar.  Þau eru snotur, söngræn og hafa eiginleika til að lifa lengi (verða sígild).

  Textar Guðmundar vega þungt.  Þeir vekja til umhugsunar.  Eru blúsaðir.  Þeir fjalla margir hverjir um sársaukafullar aðstæður:  Eiturlyfjafíkn, dauðsföll, alzheimer og aðra erfiða lífsreynslu.  Margt er það haganlega ort.  Innihalda gullkorn á borð við:

"Ég veit þú ræður ekki yfir þér;

þú meinar ekki hvert orð.

 Menn geta drepið

þótt þeir fremji ekki morð!"

  Sérkennilegt er að á milli laga bregður fyrir talbútum.  Fyrst hélt ég að þeir myndu eldast illa.  Svo er þó ekki.  Þvert á móti.  Þeir dýpka heildarsvip plötunnar og gera mikið fyrir stemmninguna þegar á reynir.

  Útsetningar eru látlausar og smekklegar.  Músíkin er fjölbreytt nett nýbylgjukennt popp-rokk.   Mestu skiptir að platan er öll hin áheyrilegasta.   

Athugasemdir

[Sigurður I B Guðmundsson, 8.5.2020 kl. 10:07]

Til hamingju með daginn. 

[Ásdís Ösp Pétursdóttir, 8.5.2020 kl. 11:24]

gg

[Guðmundur Rafnkell Gíslason, 8.5.2020 kl. 11:59]

Takk fyrir góðan dóm og til hamingju með afmælið Jens 

[Jens Guð, 8.5.2020 kl. 16:39]

Sigurður I B,  takk fyrir það. 

[Jens Guð, 8.5.2020 kl. 16:40]

Ásdís Ösp,  eða grg.

[Jens Guð, 8.5.2020 kl. 16:41]

Guðmundur Rafnkell,  takk fyrir skemmtilega plötu og afmæliskveðju!

[Jósef Smári Ásmundsson (IP-tala skráð) 8.5.2020 kl. 17:51]

Tl hamingju með daginn.

[Jens Guð, 9.5.2020 kl. 07:00]

Jósef Smári,  bestu þakkir.