Svívirðilegur áróður gegn Íslandi

  Á Norðurlöndunum er gríðarmikill áhugi fyrir því að sækja Ísland heim.  Ástæðurnar eru margar.  Þar á meðal að íslenska krónan er lágt skráð.  Einnig að Íslendingar hafa staðið sig sérlega vel í baráttunni gegn kórónaveiruna.  Þar að auki þykir íslensk tónlist ævintýraleg og flott,  sem og íslenskar kvikmyndir og sjónvarpsþættir.

  Ekki eru allir sáttir við þetta.  Norska dagblaðið VG hvetur fólk til að heimsækja EKKI Ísland.  Bent er á að Ísland þyki svalt og íbúarnir ennþá svalari.  Vandamálið sé yfirþyrmandi ferðamannafjöldi:  Sex ferðmenn á móti hverjum einum Íslendingi og það sé eins og allir ætli í Bláa lónið á sama tíma og þú.

  VG segir að til sé vænni valkostur.  Þar séu reyndar hvorki jöklar né eldfjöll.  Hinsvegar öðlast fólk þar sálarró og frið í afskekktum óspilltum sjávarþorpum og fordómaleysi. 

  Staðurinn sé óuppgötvaður eyjaklasi sem svo heppilega vill til að er landfræðilega nær Noregi en Ísland.  Hann heiti Færeyjar.  

 

 

 

  

 

 

Athugasemdir

[Þorsteinn Briem, 25.5.2020 kl. 00:51]

Ísland er 74 sinnum stærra en Færeyjar og þar af leiðandi er mun meira pláss fyrir erlenda ferðamenn hér en í Færeyjum.

Erlendir ferðamenn hér á Íslandi hafa síðastliðin ár verið um sex sinnum fleiri en þeir sem hér búa en erlendir ferðamenn í Færeyjum rúmlega þrisvar sinnum fleiri en þar búa.

Ísland er 227. þéttbýlasta land í heimi, næst á eftir Ástralíu, með um þrjá íbúa á hvern ferkílómetra og nóg pláss fyrir erlenda ferðamenn í báðum löndunum, enda þótt Miðflokkurinn sé að sjálfsögðu skíthræddur við útlendinga.

[Þorsteinn Briem, 25.5.2020 kl. 03:25]

Hér á Íslandi voru að meðaltali um 22 erlendir ferðamenn á hvern ferkílómetra árið 2017 en í Færeyjum um 114.

[FORNLEIFUR, 25.5.2020 kl. 05:23]

Þakka þér fyrir að benda á þessa tölulegu staðreynd, Breimi. Því verður að bæta við að þar sem láglendi er af svo skornum skammti í Færeyjum, eru í raun 450 erlendir ferðamenn á hvern nýtanlegan ferkílómetra í Færeyjum. Þar er eins og kunnugt er enginn almennilegur veitingastaður og einu bíóin eru missjónahús. Auðvitað eru færeyskar konur viljugri en þær íslenzku, en túristar fara ekki til Færeyja til að synda. Það er "fish og chippurinn" á Vaglinum sem trekkir flesta í að fara til Færeyja. Þetta vissu landnámsmenn Íslands. En þá er ekki þar með sagt að ég vilji fleiri Kínverja til Íslands. Þeir geta bara sent peninga til að borga fyrir síðustu sendingu.

[sigurður bjarklind (IP-tala skráð) 25.5.2020 kl. 06:40]

Færeyingar eru alls góðs maklegir. Þeir stóðu með okkur í kreppunni en það gerðu hinir ríku "frændur" okkar í Noregi ekki.

[Jósef Smári Ásmundsson (IP-tala skráð) 25.5.2020 kl. 10:41]

Rétt hjá Fornleifi. Norsararnir komu bara við í Færeyjum til að fá sér Fish and chips og héldu síðan ferðinni áfram til Íslands. Og þar lærði Snorri Sturluson skrautskrift svo hann gæti skrifað íslendingasögurnar. Norðmenn hafa aldrei getað neitt. Enda eru flestir norðmenn bara hollendingar sem yfirtóku landið á 13. eða 14. öld.

[Stefán (IP-tala skráð) 25.5.2020 kl. 12:45]

Versta heimsókn sem ég veit um frá Skandinavíu er þessi vonlausi forsetaframbjóðandi sem kom frá Danmörku og talar eins og Trump.

[Magnús Sigurðsson, 25.5.2020 kl. 15:15]

Frændur okkar í Færeyjum eru með þetta eins og fyrri daginn þurfa ekki fermetrana til, hjartalagið nægir.

[Jens Guð, 25.5.2020 kl. 21:21]

Steini,  bestu þakkir fyrir fróðleikinn.  Ég get launað þér hann með því að upplýsa að eigandi stærsta vinylplötufyrirtækis Evrópu er sveitungi þinn úr Svarfaðardal.  Nánar tiltekið frá Uppsölum. Guðmundur Ísfeld.  https://rpmrecords.dk/

[Jens Guð, 25.5.2020 kl. 21:25]

Fornleifur,  ég get ekki kvittað undir að skortur sé á góðum veitingstöðum í Færeyjum.  Þvert á móti.  Veitingastaðurinn Koks skartar 2 Michelin-stjörnum. 

[Jens Guð, 25.5.2020 kl. 21:27]

Sigurður Bjarklind,  svo sannarlega hafa Færeyingar sýnt Íslendingum betri hlýhug í orði og á borði en allir aðrir. 

[Jens Guð, 25.5.2020 kl. 21:30]

Jósef Smári,  ég þori að leggja undir að ég sé betri skrautritari en Snorri.  https://www.youtube.com/watch?v=MRo3EaoYXE4&t=16s

[Jens Guð, 25.5.2020 kl. 21:32]

Stefán,  er það ekki dálítið ruddalegt að líkja einhverjum við Dóna Trump?

[Jens Guð, 25.5.2020 kl. 21:33]

Magnús,  ég tek undir hvert orð.

[Stefán (IP-tala skráð) 26.5.2020 kl. 12:34]

Nei, þessi forsetaframbjóðandi virðist bæði hugsa og tala eins og Trump og hefur ekki bara orðið fjárhagslega gjaldþrota heldur virðist þetta framboð líka vera gjaldþrota. Ætlar kanski Miðflokkurinn að borga þessar 3 - 400 milljónir sem kosningarnar kosta þjóðina ?