Dæmalausir fordómar

12.6.2020 | 23:32

Ég veit ekki hvort ég fari rétt með orð Andreu Jónsdóttur; hún sagði eitthvað á þá leið að fordómar væru í lagi en ekki miklir fordómar. Allir hafa fordóma. Ég hef fordóma gegn skallapoppi, harmónikkumúsík, kórsöng og ýmsu öðru músíktengdu. Ég hugsa til þess með hryllingi að fara á elliheimili eftir 3 ár og sitja þar undir sömu músík og vistmenn þess í dag. Ekkert Slayer. Ekkert Dead Kennedys. Ekkert Pantera. Ekki einu sinni Skálmöld né Sólstafir.

Á elliheimilinu get ég væntanlega flúið inn á mitt herbergi og blastað í heyrnartólum Sepultura, Mínusi og I Adapt. Málið er að hæg líkamsstarfsemi aldraðra harmónerar ekki við hart og hratt rokk.

Verri eru fordómar gegn hörundslit, menningarmun, hárlit og appelsínugulum sjálfbrúnkulit.

Alltaf er gott að við sljóir hvítir eldri karlar fái olnbogaörskot og séu vaktir upp af værukærum svefni. Ritskoðun á rasisma er hið besta mál. Sérstaklega þegar hún beinist gegn styttum. Þær eru út í hött. Kannski. Nú hefur gríni Fawlty Towers verið úthýst af netveitum ásamst Gone with the Wind (Á hvervandi hveli).

Meginflokkur: Menning og listir | Aukaflokkar: Lífstíll, Spaugilegt, Spil og leikir | Breytt 13.6.2020 kl. 18:47 | Facebook

Athugasemdir

Hvar í andskotanum endar þessi fordómafulla ritskoðunarstefna. Takk fyrir mig John Cleese! Vona að Laddi sé ósnertanlegur en hver veit hver er næstur?

sigurður bjarklind (IP-tala skráð) 13.6.2020 kl. 07:27

Fínn pistill í dag fyrir bjálfana í Miðflokknum og aðra mörlenska aftaníossa Trumps:

Löngu tímabært uppgjör við hvíta kynþáttahyggju

Þorsteinn Briem, 13.6.2020 kl. 14:05

Harmonikka er merkilegt hljóðfæri og persónulega hef ég gaman af því að hlusta á virkilega flinka harmonikkuleikara, en hér á landi virðast þeir flestir vera fastir í gömlu dansa formúlunni. Það er formúla sem væntanlega dregur fólk á elliheimilum helst út á dansgólfið í dag og fátt er nú betra en góð hreyfing. Kórasöngur lifir góðu lífi hér á landi og heldur uppi félagslífi til sveita og bæja sem er gott, en skemmtilegast finnst mér að hlusta á góða kóra flytja meistaraverk eftir, Bach, Handel og Vivaldi. Fólk sem nú er um sjötugt og er að fara inn á öldrunarheimili hlýtur að fara að dansa við tónlist Beatles, Rolling Stones og Kinks. Það væri a.m.k. eðlileg þróun. Svo kemur Andrea og slíkir snillingar ( sem eru vissulega mjög fáir ) með Janis Joplin, Deep Purple og Led Zeppelin. Andrea tilheyrir nefninlega svona 3 prósentum mannkyns sem geta talist music lovers. Það merkir að 97 prósentum er nokk sama um hvernig tónlist þeir dilla sér við eða hlusta á. Þess vegna myndi ég t.d. sjaldan eða aldrei fá að velja tónlist til hlustunar ef ég fer á öldrunarheimili. Varðandi fordóma og rasisma, þá hef ég vissulega ákveðna fordóma gagnvart Miðflokknum, Donald Trump og ,, hliðarsjálfi hans ,, Guðmundi Franklín. Svo hef ég mína fordóma gagnvart fasisma, rasisma, bókstafstrúarfólki og sértrúarsöfnuðum, sem pirra mig meira en geitungar, rottur og leiðinleg tónlist.

Stefán (IP-tala skráð) 13.6.2020 kl. 18:26