Keypti í ógáti 28 bíla

  Eldri Þjóðverji hugðist uppfæra heimilisbílinn;  skipta gamla bensínsvolgraranum út fyrir lipran rafmagnsbíl.  Hann hélt sig innanhúss vegna Covid-19.  Nógur tími var aflögu til að kynna sér hver væru heppilegustu kaup.  Þegar hann var kominn með niðurstöðu vatt hann sér í að panta bílinn á netinu.  

  Tölvukunnátta er ekki sterkasta hlið karlsins.  Allt gekk þó vel til að byrja með.  En þegar kom að því að smella á "kaupa" gerðist ekkert.  Í taugaveiklun margsmellti hann.  Að lokum tókst þetta.  Eiginlega of vel.  Hann fékk staðfestingu á að hann væri búinn að kaupa bíl.  Ekki aðeins einn bíl heldur 28.  1,4 milljónir evra (220 milljónir ísl. kr.) voru straujaðar af kortinu hans.  

  Eðlilega hafði kauði ekkert að gera við 28 bíla.  Bílaumboðið sýndi því skilning og féllst á að endurgreiða honum verð 27 bíla.  Tók hann þá gleði sína á ný og staðan á korti hans hrökk í betra hrof.  

 

Athugasemdir

[Þorsteinn Briem, 8.7.2020 kl. 23:20]

Þjóðverjar fara létt með að kaupa Teslu, enda með peningavit og evruna.

Gengi mörlensku krónunnar hefur hins vegar hrunið einn ganginn enn og nú kostar evran 16% fleiri mörlenskar krónur en um síðustu áramót.

Og það finnst mörlenskum öfgahægrikörlum sniðugt.

Gengi dönsku krónunnar er hins vegar bundið gengi evrunnar og færeyska krónan er jafngild þeirri dönsku, enda eru Færeyingar danskir ríkisborgarar.

[sigurður bjarklind (IP-tala skráð) 9.7.2020 kl. 05:57]

Andskoti átti karlinn mikið inni á kortinu.

[Kolbrún Hilmars, 9.7.2020 kl. 12:33]

Þetta gæti komið fyrir alla - eins gott að hafa kortaheimildina hóflega...  :)

[Sigurður I B Guðmundsson, 9.7.2020 kl. 14:42]

Var hann ekki bara fullur????????

[Jens Guð, 9.7.2020 kl. 15:20]

Steini,  ég hrökk í kút er ég uppgötvaði að færeyska krónan (danska) væri að nálgast 22 kr.  Fyrir fáum árum var hún um 10 kall.  

[Jens Guð, 9.7.2020 kl. 15:22]

Sigurður Bjarklind, eða hvort kortið hans er ekki með neina hámarks úttekt. 

[Jens Guð, 9.7.2020 kl. 15:22]

Kolbrún,  ég tek undir það.

[Jens Guð, 9.7.2020 kl. 15:23]

Sigurður I B,  áreiðanlega hefur hann verið sauðdrukkinn í bland!