Misgóð plötuumslög

  Breskur netmiðill heitir Loudersound.com.  Hann gerir þungu rokki af ýmsu tagi góð skil.  Á dögunum birti hann samantekt á misvel heppnuðum plötuumslögum.  Greinin heitir "Crap 80s Metal Art is our new favourite thing".  Það má hafa gaman af þessu.  Þungarokkið var í krísu á 8unni (níunda áratugnum).  Nýbylgjan fór mikinn,  einkum nýrómantíkin (sítt að aftan).  Í Bandaríkjunum börðust Verndarsamtök foreldra af hörku gegn þungarokki - meeð töluverðum árangri. 

  Útvarpsstöðvar veigruðu sér við að spila þungarokk af ótta við Vrndarsamtökin. 

  Þungarokksplötuumslög voru mörg hver heimagerð.  Drátthagur vinur eða vandamaður var fenginn til að henda saman umslagi - án þess að hann hefði skilning á "semilógíu" (táknmáli myndefnis).  Engu skárri var þekking og skilningur á leturfræði.  Útkoman var tilræði við dómgreind plötukaupandans.  Það var talað niður til hans eins og krakkakjána. 

 

 

 

 

 

 

 

 

 

 

 

 

Hér er nafnið Sound vægast sagt illa og hallærislega handteiknað.  Að auki eru teiknuðu fígúrurnar litlu skárri.

 

 

 

 

 

 

 

 

 

 

 

 

Nafn flytjandans er illlæsilegt og óþungarokkslegt.  Mér sýnist það vera Zarpa.  Myndin á að vekja óhug og tákna að hér sé "brútal" þungarokk á ferð.  Til þess ar hún aftur á móti alltof of aulaleg.  

 

 

 

 

 

 

 

 

 

 

 

 

Önnur teikning sem á að vekja óhug og tákna grimmt þungarokk en er einungis barnalega kjánalegt.

 

 

 

 

 

 

 

 

 

 

 

 

Teikningin er þokkaleg en gerir illt verra fyrir þungarokk.  Hún á heima í teiknimyndablaði fyrir krakka. 

 

 

 

 

 

 

 

 

 

 

 

 

Teikningin er ekki vond.  Bara asnaleg.

 

 

 

 

 

 

 

 

 

 

 

 

Teikningin er svo hrópandi and-þungarokksleg að það er vandræðalegt. 

Athugasemdir

[Sigurður I B Guðmundsson, 11.9.2020 kl. 10:05]

Ætli Þjóðkirkjan bregðist ekki hratt við og láti Jesús allan útataðan í tattói í þungarokkshljómsveit ásamt Gabriel, Jakopi, Simoni, Júdasi og María Mey verður þar aðal söngkonan. Já, Þjóðkirkjan er svo nútímaleg. 

[Stefán (IP-tala skráð) 11.9.2020 kl. 12:46]

Þessi hópur sem þú nefnir Sigurður væri flottur í leddaragöllum Judas Priest. Það er nú svo sem gott að Þjóðkirkjan sé að færast í nútímann, væntanlega nokkrum öldum á undan Kaþólsku kirkjunni.

[Jens Guð, 11.9.2020 kl. 17:22]

Sigurður.  þú hittir naglann á höfuðið að venju!

[Jens Guð, 11.9.2020 kl. 17:24]

Stefán,  færast í humátt að nútímanum.

[Ásgrímur Hartmannsson, 12.9.2020 kl. 17:40]

Hvaða, þetta er allt frábært, á sinn hallærislega hátt.
Það eina slæma er egar ekki er hægt að lesa textann.  Það er böggandi.  Mjög algengt í black-metal senunni.  Öll bondin heita bara "mynda af runnaflækju."

[Jens Guð, 13.9.2020 kl. 13:27]

Ásgrímur,  ég tek undir hvert orð.