Skemmtilegt námsefni

  Þetta eru skrýtnir tímar.  Við erum flestöll í sjálfskipaðri sóttkví.  Eða forðumst að minnsta kosti margmenni og óþarfa heimsóknir og ráp.  Þetta er einkar erfitt ástand fyrir börn.  Þá er gott að vita af kennslubókunum Lærum saman.  Þær eru fjórar saman í handhægri öskju ásamt spennandi verkefnabók, fjórum spilastokkum og lykilorði að hljóðbókum með öllum sögunum og níu myndböndum.

  Verkefnabókin inniheldur æfingar og fylgigögn; föndur, leiki og spil. 

  Pakkinn er miðaður við aldurshópinn 5 - 8 ára.  Sögubækurnar segja frá systkinum sem eru einmitt 5 - 8 ára.  Þau fást við ýmislegt áhugavert sem býr þau undir skólagönguna sem framundir er.  Uppskriftin er þannig að hún veki löngun og áhuga barna á að læra meira.

  Bækurnar eru ríkulega myndskreyttar af Brimrúnu Birtu Friðþjófsdóttur.  Höfundur efnisins er Kristín Arnardóttir.

  Nánar um þetta á www.laerumsaman.is 

 

Athugasemdir

[Þorsteinn Briem, 7.11.2020 kl. 15:44]

Lærum um tölur er rétta jólagjöfin handa Sjálfstæðisflokknum. 

[Þorsteinn Siglaugsson, 7.11.2020 kl. 16:49]

Myndefnið er vafasamt. Það er enginn með grímu. 

[Jens Guð, 7.11.2020 kl. 18:15]

Þorsteinn Briem,  góður að vanda!

[Jens Guð, 7.11.2020 kl. 18:16]

Þorsteinn Siglaugsson,  áreiðanlega var myndefnið afgreitt fyrir daga Covid.

[Sigurður I B Guðmundsson, 7.11.2020 kl. 21:31]

Svona á að læra stafina: Á: Ási og Ása. Ási sá Ásu og Ása sá Ása. Ási á Ásu. Ási og Ása mása og blása. Pása. Næsti stafur L: Lóa og Lalli. Lalli lá á Lóu. Lalli tók lilla. Sko lilla í lófa á Lalla sagði Lóa. Læt þetta duga núna. 

[Jens Guð, 7.11.2020 kl. 22:17]

Sigurður I B,  mig rámar í að hafa einmitt lært stafina svona. 

[Þorsteinn Siglaugsson, 7.11.2020 kl. 23:57]

Ég lærði gagn og gaman, ef ég man rétt. Og það virkaði ágætlega.

En grímurnar, ábyggilega ekki langt í að það verði skilgreint sem hatursáróður að setja fram námsefni þar sem börn eru ekki með grímur.

Hefur annars einhver velt því fyrir sér hvernig fer með félagsþroska barna ef þau sjá aldrei framan í hvert annað?

Erum við búin að missa vitið?

[Jens Guð, 8.11.2020 kl. 11:56]

Þorsteinn Siglaugsson,  ég hef misvísandi upplýsingar um grimur.  11 ára afadóttir min er með grímu í sínum skóla.  Ekki 8 ára bróðir hennar.  

[Ragnar (IP-tala skráð) 8.11.2020 kl. 21:59]

Ég hélt þetta væri umfjöllun um kristilega kvennafræðarann á www.laerinsaman.is

[Jens Guð, 9.11.2020 kl. 09:23]

Ragnar,  takk fyrir hnyttið komment!