Augnlæknir Johns Lennons

 

 Nú logar friðarsúla Johns Lennons skært í Viðey.  Sendir góða strauma og jákvæðar kveðjur út um allan heim.  Boðskapurinn er:  "Gefum friðnum tækifæri!" og "Allt sem þarf er kærleikur!"

  Unglingurinn John Lennon fylgdi ekki boðskap eldri Lennons.  Unglingurinn var árásargjarn og ofbeldishneigður.  Það rjátlaðist af honum. 

  Á áttunda áratugnum flutti John frá æskustöðvum sínum á Englandi til Bandaríkjanna - nokkru eftir að hann leysti upp frægustu hljómsveit allra tíma,  Bítlana.  

  Ég hef lesið ótal bækur um John Lennon.  Lengst af hefur vantað bók eftir augnlækni hans.  Sá rak gleraugnaverslun í New York,  steinsnar frá heimili Lennons.    

  Einn góðan veðurdag 1975 límdust tvö andlit við búðargluggann án þess að hann veitti því eftirtekt.  Blómasali í næsta húsi upplýsti undanbragðalaust að þar hafi John og Yoko verið á ferð.  Það var svo gott sem staðfest næsta dag.  Um það bil sem versluninni var lokað laumuðust John og Yoko inn í hana.  

  Afgreiðsludaman var frá Gana.  Hún vissi ekkert hvaða fólk þetta var.  Hún vissi heldur ekki í hvaða heimsálfu hún var stödd. Hún vissi ekki einu sinni að til væru heimsálfur.   Hún gaf þeim tíma.  Hann - sjónfræðingurinn - fór hinsvegar á taugum.  Óttaðist að klúðra öllu og lenda í fyrirsögnum slúðurblaða um augnlækni sem greindi blindan Bítil ranglega.  

  Allt gekk vel og John valdi nokkrar keimlíkar umgjarðir.  Allar í "ömmugleraugnastíl".  Er sjónglerjafræðingurinn bað um símanúmer til að láta vita þegar gleraugun væru tilbúin fór John í baklás.  En tók gleði sína á ný er hann bauð John að skrifa númerið í kóða við pöntunina. 

  Næstu ár kom John af og til í verslunina.  Ýmist til að uppfæra gleraugun eða láta laga umgjörð þeirra.  Þegar Yoko var með í för var kappinn slakur.  Hún hafði róandi áhrif á hann.  Margir fleiri hafa vottað það.  Hún stóð alltaf í bakgrunni,  hljóðlát og kurteis.  Það var sláttur á kauða er hann var einn á ferð.

  Dag einn kom John með Julian son sinn í búðina.  Hann vildi að strákurinn fengi ömmugleraugu.  Sá var ekki til í það.  Hann valdi hermannagleraugu. 

  Öðru sinni kom John með Sean son sinn í bakpoka. 

  Augnlæknirinn spurði John aldrei út í Bítlana.  Honum lærðist snemma að John væri af verkalýðsstétt og kynni því vel við stéttlausa New York.  Sem að vísu var rangt.  John var af millistétt en, jú,  skilgreindi sig alltaf til verkalýðsstéttar.  Fósturmamma hans hamraði á því við hann alla ævi að hann væri af millistétt.  Hann var hinsvegar svo svo harður á því að vera í verkalýðsstétt að hann samdi um það lagið "Working Class Hero".  Í Bretlandi skiptir stéttskipting risamiklu áli.  Það eiginlega gerist ekki að einhver felli sig niður um stétt.  Þess í stað rembast margir við að hækka sig um stétt þegar munur er lítill á efri verkalýðsstétt eða neðri miðstétt.  

  Eitt sinn lét sjónfræðingurinn liggja frammi bókina "A Spanian in Work" eftir John,  vonandi að hann myndi bjóðast til að árita hana.  John brást glaður við en bauðst aldrei til að árita hana.  Í annað sinn var John í heimsókn og spurði upprifinn:  "Er þetta Paul?"  Sjónfræðingurinn hafði ekki veitt því athygli að í útvarpinu hljómaði lag með Paul.  Í annað sinn gaf Lennon viðskiptavini ráð við val á gleraugum. Þóttist vera augnlæknir.

  Svo var hann myrtur 1980,  nánast í hlaðvarpa gleraugnabúðarinnar.  

Athugasemdir

[Jósef Smári Ásmundsson (IP-tala skráð) 27.11.2020 kl. 20:50]

Þetta er kallað vasaljósið af öllum sem ég þekki. Og sýnir hversu mikil virðing er borin fyrir þessari "friðarsúlu".

[Þorsteinn Briem, 27.11.2020 kl. 21:32]

Undirritaður þekkir einungis fólk sem ber mikla virðingu fyrir Friðarsúlunni.

"The Imagine Peace Tower consists of 15 searchlights with prisms that act as mirrors, reflecting the column of light vertically into the sky from a 10-metre wide wishing well.

It often reaches cloudbase and indeed can be seen penetrating the cloud cover.

On a clear night it appears to reach an altitude of at least 4000 m.

It uses approximately 75 kW of power." 

[Sigurður I B Guðmundsson, 27.11.2020 kl. 21:58]

Flott saga hjá þér nema endirinn!!

[Jens Guð, 28.11.2020 kl. 00:13]

Jósef Smári,  ef þú slærð inn á gúgul friðarsúluna þá spretta upp 34 milljarð síðna.  Berðu það saman við Bifvfélaverkstæði á Sleitustð í Skagafirði. 

[Jens Guð, 28.11.2020 kl. 09:58]

Steini,  takk fyrir þetta.

[Jens Guð, 28.11.2020 kl. 10:08]

Sigurður I B,  ég gæfi mikið fyrir betri endi.

[Þórhallur I Sigurjónsson, 28.11.2020 kl. 13:07]

Í mínum augum var hann sá besti.Hef lesið mikið um Lennon en ekki heyrt þessa sögu,takk fyrir þetta Jens.Samdi reyndar lag um hann Yoko og friðarsúluna.Linkurinn er hér fyrir neðan.

Kveðja 

Þórhallur Ingi

 https://youtu.be/Re25Zd01b0c

[Jósef Smári Ásmundsson (IP-tala skráð) 28.11.2020 kl. 14:12]

Þegar ég gúggla þá kemur bara þetta:"Sýnir niðurstöður fyrir Bifvélaverkstæði á Leitarstöð

Engar niðurstöður fundust fyrir Bifvfélaverkstæði á Sleitustð"  Ertu viss um að þetta sé rétt skrifað?

[Jens Guð, 28.11.2020 kl. 14:22]

Þórhallur Ingi,  takk fyrir þetta ljúfa og snotra lag.    Ég set það umsvifalaust í umferð á Facebook. 

[Anton Skúlason (IP-tala skráð) 28.11.2020 kl. 14:40]

Ég er nokkuð viss um að margt sé rétt í þessari færslu hjá Jens. Það vanta aðeins inn í

umfjöllunina hvað Lennon var mikið fyrir vælutónlist. Vældi og vældi sum lögin með kollegum sínum í Bítlununum.

[Jens Guð, 28.11.2020 kl. 15:18]

Jósef Smári,  ég er viss um aÐ þetta er rangt skrifað. 

[Jens Guð, 28.11.2020 kl. 15:25]

Anton,  Bítlarnir voru dáldið mikið í vælugírnum.  Einkum framan af.  Og John síðar á sólóferli.  

[Stefán (IP-tala skráð) 29.11.2020 kl. 12:09]

Flugstjórinn í Stella í Orlofi bar nafnið Anton Skúlason og söngvarinn í hljómsveitinni Saur bar líka sama nafn. Veit ekki hvaða Anton Skúlason skrifar hér að ofan um væl, en bendi þeim Antoni jafnframt á að enginn tónlistarmaður getur talist hafa átt fullkominn tónlistarferil, meira að segja Beethoven, Mozart og sjálfsagt líka Bach sömdu slæma tónlist inn á milli. Svo má líka benda á það, að það sem einum finnst væl finnst öðrum frábært. 

[Jósef Smári Ásmundsson (IP-tala skráð) 29.11.2020 kl. 12:21]

Rétt hjá þér Stefán. Þau eru mörg lögin bítlanna sem eru hrein meistarastykki. Svo kemur smekkurinn inn í dæmið .Ég hef t.d. aldrei fundist Mozart neitt merkilegur en það er nú bara ég. Sennilega kemur það líka við sögu þegar ég hlusta á nútímatónlist bæði í popp og klassíska geiranum.Ég heyri bara enga tónlist þar. Sennilega er engin tónlist í mér.

[Stefán (IP-tala skráð) 29.11.2020 kl. 12:40]

Þú segir nokkuð Jósef Smári, en ég hef heyrt Jón Gnarr segja frá því að hann kunni yfirhöfuð ekki að meta tónlist. Samt reyndi hann af veikum mætti að spila á bassa með pönkbandinu Nefrennsli. 

[Jens Guð, 29.11.2020 kl. 14:57]

Stefán (# 13),  væl er ekki neikvætt lýsingarorð,  samanber eitt best lag Hvíta albúmsins,  "Væl my guitar gently weeps".  https://youtu.be/YEMEAxlYL04

[Jens Guð, 29.11.2020 kl. 15:00]

Jósef Smári (# 14) það gutla alltaf Jethro Tull og EL & Palmer í þér.  kæri skólabróðir.

[Jens Guð, 29.11.2020 kl. 15:13]

Stfán (# 15),  ég var svo heppinn að vera á hljómleikum á vegum Útideildar Reykjavíkur.  Ég veit ekki hað varð af því frábæra fyrirbæri.  Þetta var hópur sem hélt utan um útigangsunglinga. Þetta var ekki fjölmennt batterí.  Kannski 20 starfsmenn og 30 skjóstæðingazr.  Starfsmenn röltu á milli Hlemms og Austurstrætis;  gáfu súpu og eitthvað svoleiðis.  Þarna áttu hljómsveitir á borð við Sjálfsfróu, Vonbrigði og Q4U athvarf.  Í vesturporti Útideildarinnar spilaði pönksveitin Nefrennsli.  Jón Gnarr var á bassa. Hann hefur lýst franggöngu sinni verr en mitt minni vottar.