Gleyminn arkítekt

  2007 varð uppi fótur og fit á bæjarráðsfundi Hvergerðisbæjar.  Ástæðan var sú að bænum barst óvænt reikningur upp á 6 milljónir króna.  Reikninginn sendi arkitekt sem gengur undir nafninu Dr. Maggi.  Hann var að rukka fyrir hönnunarvinnu sem innt var af hendi 26 árum áður.   

  Við athugun á bókhaldi kom í ljós að Maggi hafði aldrei rukkað fyrir vinnuna og því aldrei fengið greitt fyrir hana.  Vandamálið var að krafan var fyrnd fyrir löngu síðan lögum samkvæmt.  Bænum var ekki heimilt að borga reikning sem fyrningarlög voru búin að ómerka.  

  Þegar þetta allt lá fyrir komst bæjarráð samt að þeirri niðurstöðu að um sanngirnismál væri að ræða.  Á einhvern hátt yrði að borga kallinum fyrir sína vinnu.  Með nánu samráði við Ölfusinga tókst að finna einhverja leikfléttu til komast framhjá fyrningarlögum.  

  En hvers vegna rukkaði Maggi ekki sínar 6 milljónir í 26 ár?  Við erum að tala um upphæð sem er að minnsta kosti tvöfalt hærri á núvirði. Skýring hans var: "Ég gleymdi því."   

         

Athugasemdir

[Halldór Jónsson, 8.1.2021 kl. 02:41]

Göngum við í kring um einiberjarunn?  Getur enn borist reikningur fyrir þennan texta?

Eða "Heims um ból?"

Hvað neð þjóðsönginn:  "Ó Guðs vors lands? hans sr. Matthíasar?

Borgar Hveragerði?

[sigurður bjarklind (IP-tala skráð) 8.1.2021 kl. 06:28]

Egill Jónasson orti um samskipti sín við einn slíkan:

Ekki fékk ég undirtekt

Á því mína skoðun byggði

Að arkitekt með eftirtekt

Sé afar sjaldgæft fyrirbrigði

[Stefan (IP-tala skráð) 8.1.2021 kl. 10:40]

Mer skilst að Tryggingastofnun fari stundum illa með ellilifeyrisþega og oryrkja vegna ,, ofgreislu ,, sem svo kemur illilega aftan að folki sem hefur ur litlu sem engu að moða.

[Þorsteinn Briem, 8.1.2021 kl. 10:50]

3.5.2020:

Dr. Maggi er enn að teikna byggingar 83 ára gamall

[Sigurður I B Guðmundsson, 8.1.2021 kl. 10:54]

Gott að vera svo ríkur að maður gleymir svona "smá upphæð"!!

[Jens Guð, 8.1.2021 kl. 21:59]

Halldór,  verndaður höfundarréttur tónlistar nær til 70 ára eða svo.  Misjafnt eftir löndum.  En þessu sem næst.  Hitt er annað mál ef tiltekið bæjarfélag hefur pantað og keypt hönnunarverk.  Fyrningar er mun styttri í svoleiðis.  

[Jens Guð, 8.1.2021 kl. 22:00]

Sigurður Bjarklind,  takk fyrir skemmtilega stöku.

[Jens Guð, 8.1.2021 kl. 22:01]

Stefán,  ítrekað er allt í rugli hjá TR. 

[Jens Guð, 8.1.2021 kl. 22:03]

Þorsteinn Briem,  takk fyrir þessa skemmtilegu tilvísun.  Kallinn er sprækur. 

[Jens Guð, 8.1.2021 kl. 22:04]

Sigurður I B,  láttu mig þekkja það!

[Guðmundur Ásgeirsson, 10.1.2021 kl. 23:12]

Fyrningarlög banna alls ekki að neinn greiði fyrnda kröfu. Þau gera kröfuhafanum bara ókleift að knýja skuldarann til greiðslu með atbeina réttarkerfisins.

[Jens Guð, 11.1.2021 kl. 16:17]

Guðmundur,  takk fyrir upplýsingarnar.  Mér segir svo hugur að þetta hafi að einhverju leyti snúið að því að bæjarráðið hafi þurft umboð frá íbúum sveitarfélagsins til að borga fyrnda kröfu upp á þetta háa upphæð.  Eða eitthvað svoleiðis.  

[Guðmundur Ásgeirsson, 11.1.2021 kl. 16:25]

Sem útsvarsgreiðandi væri ég allavega ekki sáttur við að mínu útsvari yrði varið til greiðslu ólögvarinnar (fyrndrar) kröfu.

Ef ég væri á hinum enda kröfunnar þ.e. kröfuhafi, þá hefði ég hins vegar gætt þess að láta hana ekki fyrnast áður en ég innheimti hana.

[Jens Guð, 12.1.2021 kl. 23:30]

Guðmundur,  það er dáldið bratt að láta 6 milljón króna kröfu renna út á tíma.