Ofbeldi upphafið

  Ég horfi stundum á sjónvarp.  Í Sjónvarpi Símans hafa árum saman verið endursýndir bandarískir grínþættir sem kallast The king of Queens.  Sömu þættirnir sýndir aftur og aftur.  Það er í góðu lagi.  Ein aðalstjarnan í þáttunum er virkilega vel heppnuð og fyndin. Þar er um að ræða geðillan og kjaftforan náunga sem kallast Arthur.  Leikarinn heitir Jerry Stiller.  Hann ku vera faðir íslandsvinarins Bens Stillers.  

  Arthur býr heima hjá dóttur sinni og tengdasyni.  Eins og algengt er í svona gamanþáttum þá er konan fögur, grönn og gáfuð.  Kall hennar er feitur, undirförull og heimskur. Allt er þetta með ágætum ef frá er talið að ofbeldi er fegrað sem brandarar.  Hjónin eiga til að hrinda hvort öðru;  konan snýr upp á geirvörtur kauða og kýlir hann með hnefa í bringuna.  Þetta er ekki til eftirbreytni og ber að fordæma.     

Athugasemdir

[Sigurður (IP-tala skráð) 25.10.2021 kl. 07:53]

Fátt er svo með öllu illt. Margan eftirmiðdaginn hef ég legið á stofugólfinu og gert magaæfingar um leið og ég horfi á þennan þátt. Doug hvetur mig óbeint áfram. En svakalega býr hann til girnilegar samlokur.

[Jens Guð, 25.10.2021 kl. 08:50]

Sigurður, samlokurnar hans eru rómaðar.   

[Jóhann Elíasson, 25.10.2021 kl. 10:43]

"Öfgar" ættu að taka þetta fyrir en sennilega hefur Doug, sem þolandi ekki haft samband við þær, þær sögðu það á Útvarpi Sögu að' þær hefðust ekkert að nema í samráði við þolendur........

[Jens Guð, 25.10.2021 kl. 10:46]

Jóhann,  tekk fyrir fróðleiksmolann. 

[Sigurður I B Guðmundsson, 25.10.2021 kl. 17:20]

Hlýtur samt að vera skrítið að hafa atvinnu að setja inn hlátur i þættina!!

[Jens Guð, 25.10.2021 kl. 18:18]

Sigurður I B, vissulega er það skrítið en virðist þurfa til að áhorfandinn viti hvenær á að hlæja.   

[Stefán (IP-tala skráð) 29.10.2021 kl. 21:17]

Það er verið að slátra íslenskum leikara ( eða miklu frekar EKKI leikara ) fyrir lélega frammistöðu í leynilöggumynd. Það má kanski flokka sem ofbeldi að tefla fram hæfileikalitlum manni í stórt hlutverk, eða hvað ? 

[Jens Guð, 30.10.2021 kl. 12:53]

Stefán,  hver skrifaði um hvern?  

[Stefán (IP-tala skráð) 30.10.2021 kl. 13:22]

Jú, það er verið að tala og skrifa þetta um Audda.

[Guðjón E. Hreinberg, 30.10.2021 kl. 23:59]

hehe það er aðalástæðan fyrir áhorfinu á þættina að yhún lemur hann (blíðlega og af ástríki).

[Jens Guð, 31.10.2021 kl. 07:54]

Stefán (# 9),  það er ekki gaman fyrir Skagfirðing eins og mig að frétta þetta um Sauðkrækinginn.

[Jens Guð, 31.10.2021 kl. 07:55]

Guðjón,  þarna komstu með það!