Raunverulegt skrímsli

  Víða um heim er að finna fræg vatnaskrímsli.  Reyndar er erfitt að finna þau.  Ennþá erfiðara er að ná af þeim trúverðugum ljósmyndum eða myndböndum.  Sama hvort um er að ræða Lagarfljótsorminn eða Loch Ness skrímslið í Skotlandi.  Svo er það Kleppsskrímslið í Rogalandi í Noregi.  Í aldir hafa sögusagnir varað fólk við því að busla í Kleppsvatninu.  Þar búi langur og þykkur ormur með hringlaga munn alsettan oddhvössum tönnum. 

  Margir afskrifa sögurnar sem óáreiðanlegar þjóðsögur.  En ekki lengur.  Á dögunum voru tvær ungar vinkonur á rölti um Boresströndina.  Þær voru að viðra hund.  Hann fann skrímslið dautt;  meterslangan hryggleysingja,  5 punda.  Samkvæmt prófessor í sjávarlíffræði er þetta sníkjudýr.  Það sýgur sig fast á önnur dýr,  sýgur úr þeim blóð og hold.  Óhugnanlegt skrímsli.  Eins gott að hundurinn var ekki að busla í vatninu.

  Ef smellt er á myndina sést kvikindið betur.  

  

Athugasemdir

[Helgi Bjarnason (IP-tala skráð) 17.7.2022 kl. 10:41]

Hvur fjárinn!! Skrímslið lítur út eins og framsóknarmaður!

[Sigurður I B Guðmundsson, 17.7.2022 kl. 10:46]

En á Íslandi erum við með skrímsli á þurri landi og þau heita: Sægreifaskrímsli. 

[Jens Guð, 17.7.2022 kl. 11:30]

Helgi, góður!

[Jens Guð, 17.7.2022 kl. 11:30]

Sigurður I B,  þú hittir naglann á höfuðið!

[Stefán (IP-tala skráð) 17.7.2022 kl. 11:50]

Sigurður I B er með þetta: Sægreifaskrímsli og þau eru því og miður alfriðuð udir stjórn Katrínar Jakobsdóttur, enda er þröngsýnn örflokkur hennar að breytast í skrímslaflokk.

[Jens Guð, 17.7.2022 kl. 13:29]

Stefán,  eins og þú orðar þetta,  já. 

[Ingibjörg (IP-tala skráð) 17.7.2022 kl. 14:02]

Merkilegt! Ekki allar gamlar þjóðsögur vitleysa, þarf bara að rannsaka málið. Þetta er nú rétt við hafið, sé ég. Kvikindið hefur kannski borist með hafstraumum og fjölgar sér svo þarna.

[Jóhann Elíasson, 17.7.2022 kl. 22:20]

Móðurafi minn bjó á Heiðarhöfn á Langanesi og það eru skjalfestar frásagnir til af því að hann skaut og særði, sennilega til ólífis, sjóskrímsli þarna (það er til rituð frásögn af þessum atburði, þetta hefur verið eftir 1955, því Bandaríski herinn blandaðist eitthvað í þetta mál).  Nokkrum dögum eftir þetta rak dauða torkennilega skepnu á land en því miður var ekkert aðhafst í þessu máli meira og er þetta enn óupplýst.  Það voru teknar myndir af þessari skepnu en þetta var látið liggja í fjörunni og hvarf svo smám saman og nú er bara sagan eftir..............

[Jens Guð, 18.7.2022 kl. 08:32]

Ingibjörg,  stundum er fótur fyrir þjóðsögunum. 

[Jens Guð, 18.7.2022 kl. 08:33]

Jóhann,  takk fyrir áhugaverða sögu.