Bestu hljómplötur allra tíma

  Bandaríski netmiðillinn Consequence hefur tekið saman og birt lista yfir bestu hljómplötur allra tíma.  Listinn ber þess að nokkru merki að vera tekinn saman af Bandaríkjamönnum.  Ég er alveg sáttur við valið á plötunum.  Aftur á móti er ég ekki eins sammála röðinni á þeim.  Til að mynda set ég "Abbey Road" í toppsætið. "London Calling" með The Clash set ég ofar "Rumours". Gaman væri að heyra álit ykkar.

  Svona er listinn:

1  Prince - Purple Rain 

2  Fleetwood Mac - Rumours

3  Bítlarnir - Abbey Road

4  The Clash - London Calling

5  Joni Mitchell - Blue

6  The Beach Boys - Pet Sounds

7  Kendrick Lamar - To Pimp a Butterfly

8  Radiohead - OK Computer

9  Marvin Gaye - What´s Going On

10 Nirvana - Nevermind

11 Lauryn Hill - The Miseducation of Lauryn Hill

12 Bob Dylan - Blonde on Blonde

13 The Velvet Underground - The Velvet Underground & Nico

14 Bítlarnir - Sgt, Pepper´s Lonely Hearts Club Band

15 David Bowie - The Rise and Fall of Ziggy Stardust

16 Bruce Springsteen - Born to Run

17 Patti Smith - Horses

18 Beyoncé - Lemonade

19 Talking Heads - Remain in Light

20 Kate Bush - Hounds of Love

21 Led Zeppelin - IV

22 Stevie Wonder - Songs in the Key of Life

23 Rolling Stones - Let it Bleed

24 Black Sabbath - Paranoid

25 Public Enemy - It takes a Nation of Millions to Hold Us Back


« Síðasta færsla | Næsta færsla »

Athugasemdir

1 Smámynd: Jóhann Elíasson

Yfirleitt finnst mér þessir "LISTAR" svolítið hjákátlegir og endurspegla þeir í best falli tónlistarsmekk þess sem tekur þá saman, MEIRA GERA ÞEIR EKKI AÐ MÍNU MATI og sýnist mér að við séum nokkuð sammála að þessu leiti Jens.  Það er kannski ekki alveg að marka það en ég er mikill Bítlamaður og finnst mér hlutur Bítlanna mjög rýr á þessum lista svo og hlutur Pink Floyd, Led Zeppelin og fleiri aðila, en þetta er bara minn smekkur eins og sagt er.......

Jóhann Elíasson, 18.9.2022 kl. 10:46

2 identicon

Í September árið 2020 tók Rolling Stone saman 500 bestu platna lista og var hann bandarískari en fyrri listar þeirra, t.d. voru 15 af 25 efstu plötunum bandarískar og á þessum lista er hlutfallið nokkuð svipað. Auðvitað má endalaust deila um niðurröðun á svona lista og bara gaman fyrir fólk að velta slíku sín á milli. Ég á 20 af þeim 25 plötum sem þarna eru á listanum svo að hann fellur nokkuð vel að mínum tónlistarsmekk. Það er svo bara spurning um niðurröðun og ég gæti haft 13 af þessum plötum á mínum topp 25 lista. Ég hlusta oftar á London Calling en Rumours vegna þess að mér finnst tónlistin þar meira spennandi. Rumours er frábær plata með frábærum tónsmíðum, en er þó ekki uppáhalds Fleetwood Mac platan mín vegna þess að eldri blues plötur þeirra falla betur að mínum tónlistarsmekk. Af þeim tugum hljómleika sem ég sá þegar ég bjó erlendis voru hljómleikar Fleetwood Mac líklega í efri kantinum tónlistarlega séð og ég náði að heilsa aðeins upp á Mick Fleetwood og Stevie Nicks.

Stefán (IP-tala skráð) 18.9.2022 kl. 11:27

3 identicon

Galinn listi... 

Guðmundur (IP-tala skráð) 18.9.2022 kl. 11:59

4 identicon

Purple rain í 1. Sæti!  Yeh right.

Bjarni (IP-tala skráð) 18.9.2022 kl. 13:14

5 Smámynd: Ingólfur Sigurðsson

Ég held að þessi nýi listi yfir beztu plötur allra tíma lýsi kynslóðaskiptum. Ég man eftir því að Bítlarnir og Bob Dylan vermdu oft efstu sætin þegar ég var að alast upp. Prince var hins vegar að gefa út Purple Rain þegar ég var unglingur. Fólkið með áhrif og völd finnst bezt það sem það ólst upp við. Ég er undantekning, mér finnst Bítlatímabilið einfaldlega betra en önnur tímabil. Þau tímabil sem mér finnst koma til greina sem beztu tónlistartímabilin væru þá á undan, jazztímabilið og millistríðsáratímabilin koma sterkt til greina, þegar blúsinn varð til og þjóðlagatónlistin mótuðustu, festust í sessi.

Björgvin Halldórsson lýsti þessu bezt í viðtali fyrir 20 árum eða svo: "Fólk hlustar ekki lengur á tónlist, það HORFIR á tónlist", (myndböndin, netið). 

Þetta snýst allt um ásýnd og almannatengla nú til dags. Ég efast um að Prince hafi breytt tónlistarsögunni eins og Bítlarnir. Munu plötur hans seljast jafn vel og plötur Bítlanna eftir 20 ár?

Ingólfur Sigurðsson, 18.9.2022 kl. 13:39

6 Smámynd: Jens Guð

Jóhann,  ég er sammála þínum orðum.  Besta Led Zeppelin platan,  IV,  er þarna í 21. sæti en mætti vera ofar. 

Jens Guð, 18.9.2022 kl. 13:41

7 Smámynd: Jens Guð

Stefán,  þegar ég segi listann bera þess merki að vera tekinn saman af Bandaríkjamönnum þá á ég við að á hann vanti breskar perlur á borð við Sex Pistols,  Who...

Jens Guð, 18.9.2022 kl. 13:46

8 Smámynd: Jens Guð

Guðmundur,  kannski ekki galinn en við myndum raða honum öðruvísi. 

Jens Guð, 18.9.2022 kl. 13:47

9 Smámynd: Jens Guð

Ingólfur,  þú ert með góða punkta þarna.  Listinn ber merki kynslóðabils.  Alveg klárt að eftir 20 ár verða Bítlaplötur ofar Prince, 

Jens Guð, 18.9.2022 kl. 13:50

10 Smámynd: Jens Guð

Bjarni,  það er dáldið bratt.  Samt góð plata.  En ekki best allra platna.

Jens Guð, 18.9.2022 kl. 17:06

11 Smámynd: Guðjón E. Hreinberg

EGÓ - Geislavirkir.

Hrmpf.

Guðjón E. Hreinberg, 23.9.2022 kl. 14:42

12 Smámynd: Jens Guð

Guðjón,  platan Geislavirkir er með Utangarðsmönnum. 

Jens Guð, 24.9.2022 kl. 12:49

13 Smámynd: Guðjón E. Hreinberg

Fólk er sko alltaf að misskilja mig. :)

Guðjón E. Hreinberg, 25.9.2022 kl. 19:49

14 Smámynd: Jens Guð

Guðjón,  mig líka.

Jens Guð, 26.9.2022 kl. 07:52

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband