Fólkið sem reddar sér

  Fjórar fjölskyldur í Essex á Englandi urðu heimilislausar eftir að íbúðir þeirra brunnu til kaldra kola.  Þetta atvikaðist þannig að húsbóndinn á einu heimilinu tók eftir því að útimálningin var farin að flagna af.  Honum hraus hugur við að þurfa að eyða sólríkum degi í að skafa málninguna af.  Til að spara sér puð brá hann á ráð:  Hann úðaði bensíni yfir húsið og kveikti í.  Málningin fuðraði upp eins og dögg fyrir sólu.  Líka húsið og nálæg hús.

  Orkuboltinum Christina Lamb í Cornwall á Englandi datt í hug að reisa verönd við hús sitt.  Hún hófst þegar handa við að grafa grunn.  Í ákafa tókst henni að höggva í sundur gasleiðslu bæjarins sem stóð eftir í ljósum loga.

  Mike Howel í Bristol á Englandi var ekkert að æsa sig yfir því að festa fingur í smíðabekk sínum.  Fingurinn var pikkfastur.  En hann var svo sem ekki að fara neitt.  Mike hafði fátt betra að gera þann daginnn en rölta með fingurinn og smíðabekkinn 3ja kílómetraleið á sjúkrahús.  Það tók aðeins 8 klukkutíma.  Hefði tekið styttri tíma ef vegfarendur hefðu ekki stöðugt verið að stoppa og spyrja út í dæmið.  

       

Athugasemdir

[Stefán (IP-tala skráð) 30.4.2023 kl. 21:50]

,, Hold tight, wait till the party s over,

   Hold tight, we are in for nasty weather,

   There has got to be a way,

   Burning down the House ,, 

David Byrne, Talking Heads 

[Jens Guð, 1.5.2023 kl. 05:07]

Stefán,  David Byrne klikkar ekku.

[Jóhann Elíasson, 1.5.2023 kl. 08:55]

Gamla góða máltækið sannar sig: "BEST ER KAPP MEÐ FORSJÁ"...

[Jens Guð, 1.5.2023 kl. 09:39]

Jóhann,  það er sífellt að sanna sig!

[Sigurður I B Guðmundsson, 1.5.2023 kl. 10:31]

Eldibrandur Funi Logason brunavörður hjá eldvarnareftirlitinu er alfarið á móti sinubruna og fikt við eld á útivistastöðum yfirleitt!!!

[Jens Guð, 1.5.2023 kl. 10:34]

Sigurður I B,  góður að venju!

[Þorsteinn Siglaugsson, 1.5.2023 kl. 12:58]

Merkilegt að eitthvert fólk skuli vera eftir þarna á Englandi, en ekki allt brunnið inni, sprungið í loft upp, nú eða þá fast við hefilbekki á vegum úti.

[Jens Guð, 1.5.2023 kl. 14:20]

Þorsteinn,  það er stórundarlegt!

[Stefán (IP-tala skráð) 1.5.2023 kl. 20:53]

Bill Ward trommuleikari Black Sabbath drakk ótæpilega á þeim árum sem hann túraði með þeim. Gítarleikaranum Tony Iommi datt eitt sinn í hug að væta Bill duglega að utan líka, hellti áfengi yfir hann og bar eld að með þeim árangri að trommarinn stóð í ljósum logum. Það tókst að slökkva í karli og rífa utan af honum brunna fataleppana áður en sjúkrabíll flutti hann á sjúkrahús þar sem hann lá um tíma áður en hann sneri aftur í spilamennsku með félgum sínum, soldið slappur á trommunum á meðan sárin voru að gróa.

[Jens Guð, 2.5.2023 kl. 06:55]

Stefán (#9),  takk fyrir skemmtilega sögu!

[Eggert Guðmundsson, 3.5.2023 kl. 08:15]

Hvað gerðist með 4. fjōlskylduna?

[Jens Guð, 3.5.2023 kl. 14:46]

Eggert, ég man það ekki.