Galdrar Bítlanna

 

  Breska hljómsveitin Bítlarnir (The Beatles) átti skamman feril á sjöunda áratugnum.  Plötuferill hennar spannaði sex ár.  Á þeim tíma sló hún hvert metið á fætur öðru.  Svo rækilega að um tíma átti hún samtímis sex vinsælustu lög á bandaríska vinsældalistanum.

  Hljómsveitin hafði á að skipa tveimur bestu lagah0fundum sögunnar.  Áður en yfir lauk var sá þriðji kominn í hópinn.  Allir ágætir textahöfundar.  Þar af einn sá allra besti,  John Lennon.  Þarna voru líka saman komnir tveir af bestu rokksöngvurum sögunnar.

  Bítlarnir voru leikmenn;  sjálflærðir amatörar.  Þeir kunnu ekki tónfræði né nótnalestur.  Samt stóðust þeir samanburð við hvaða hljómsveitir sem var. Eða réttara sagt:  skákuðu öllum hljómsveitum.

  Þó að enginn Bítill hafi lært á hljóðfæri þá léku þau í höndum þeirra.  Allir spiluðu þeir á gítar,  hljómborð,  trommur og allskonar.  Einn spilaði listavel á munnhörpu.  Annar á indverskan sítar.  Þannig mætti áfram telja.  

  Upptökustjóri Bítlanna,  George Martin,  var sprenglærður í klassískri tónlist.  Af og til benti hann Bítlunum á að eitthvað sem þeir voru að gera stangaðist á við tónfræðina.  Jafnóðum varð hann að bakka því það sem Bítlarnir gerðu "rangt" hljómaði betur.  

  Einn af mörgum kostum Bítlanna var að þeir þekktu hvern annan svo vel að þeir gátu gengið í hlutverk hvers annars.  Til að mynda þegar John Lennon spilaði gítarsóló í laginu "Get Back" þá fór hann í hlutverkaleik.  Þóttist vera George Harrison.  Síðar sagði George að hann hefði spilað sólóið alveg eins og John.  

  Hér fyrir ofan er síðasta lag sem Bítlarnir spiluðu saman,  "The End" á plötunni Abbey Road.  Í lokakafla lagsins taka John,  Paul og George gítarsóló.  Þetta er óæfður spuni.  Eitt rennsli og dæmið steinlá.  

  Fyrir neðan eru gítarsólóin aðgreind:  Paul til vinstri,  George til Hægri,  John fyrir neðan. 

Athugasemdir

[Stefán (IP-tala skráð) 25.6.2023 kl. 16:55]

Mikið rétt allt saman og þvílík hljómsveit sem The Beatles var. Myndbandið með þremur gítarleikurum er greinilega sviðsett seinna. Það er enginn örfhentur gítarleikari þar. Líklega kemst David Bowie næstur þeim félögum hvað áhrifamátt á tisku og tónlistarstrauma / tónlistarþróun varðar.

[Bjarni (IP-tala skráð) 25.6.2023 kl. 17:58]

Kjaftasagan, sem alltaf lýgur, segir að Paul hafi alltaf horft á Yoko þegar hann söng "get back to wher you once belong, get back jojo"

[Jens Guð, 25.6.2023 kl. 19:06]

Stefán,  myndbandið er sviðsett til að sýna hver spilaði hvað.  Vissulega hefði túlkun verið betri með gítar Pauls örvhentan.  Ég tel vera rétt hjá þér með Bowie. 

[Jens Guð, 25.6.2023 kl. 19:22]

Bjarni,  það var John sem seinna meir ásakaði Paul um að hafa beint orðum að Yoko.  Myndbandið staðfestir það ekki.  Diplóinn Paul hefði aldrei leyft sér slíkt.  Upphaflegur vinnutexti Pauls ávarpaði Pakistana sem á þessum tíma fjölmenntu til Bretlands.  Það var ekki illa meint heldur stríðni við George Harrison sem studdi heilshugar leit Pakistana að betra lífi.  Textinn þróaðist út í bull sem auðvelt er að snúa út úr í allar áttir.     

[Stefán (IP-tala skráð) 25.6.2023 kl. 19:54]

Ég er að googla: ,, Who is the most influental musician of all time ,, Í ítarlegu svari segir m.a. ... David Bowie easily tops our list of the most influental musicians of all time. His influence will be felt for generations to come ,,. Þá googla ég: Most influental bands and musicians, þá bætist við 30 artists who changed music forever ,, 1.David Bowie 2.The Beatles 3.Jimi Hendrix 4.Led Zeppelin 5.Pink Floyd o.s.frv. 

[Jens Guð, 25.6.2023 kl. 20:08]

Stefán (#5),  ég get ekki kvittað undir að Bowie sé ofar Bítlunum á sv ona lista.

[Ingólfur Sigurðsson, 26.6.2023 kl. 01:27]

Bob Dylan er ekki meðal 5 efstu á þessum lista Stefáns. Það finnst mér undarlegt. Þó telja menn hann hafa búið til trúbadoramenninguna ásamt Woody Guthrie og nokkrum öðrum og hafa átt einhvern þátt í hippamenningunni með súrealískum textum á "Blonde on Blonde" frá 1966. Bob Dylan hafði áhrif á Bítlana, Stones og Beach Boys jafnvel með súrealískum textum 1965, á "Bringing It All Back Home". "Pet Sounds" (Beach Boys) frá 1966 og "Revolver" (Bítlarnir) frá 1966, eru án efa svar þeirra við Bob Dylan, sem þá var álitinn mesta skáld popptónlistarinnar, og eiginlega gúrú eins og indversku gúrúarnir.

Þessi listi Stefáns er góður, og allt góðir tónlistarmenn sem þar eru í 5 efstu sætunum, en hann er ekki endanlegur. Um þetta hefur lengi verið deilt. 

David Bowie hafði held ég enn meiri áhrif á tízku og uppreisnarviðhorf hjá jaðarhópum heldur en sem tónlistarmaður. Hann þótti aldrei melódískur, en plata eins og "Young Americans" frá 1975 finnst mér mjög góð með honum.

Bob Dylan og Bítlarnir höfðu áhrif á alla, ekki bara jaðarhópa. Sérstaklega þó Bítlarnir, sem voru langáhrifamestir. Bob Dylan meira fyrir menntamenn.

Auk þess er ég sammála því sem Jens segir í pistlinum, að hæfileikar Bítlanna voru jafnir og margir, lagahöfundar, textahöfundar, flytjendur, heillandi framkoma á sviði, sviðsframkoma, sem áhrifavaldar og fyrirmyndir, vinnusemi, ofl.

Ég skil ekki hvernig fræðingar vilja alltaf endurskrifa söguna. David Bowie er efstur á þessum lista núna því það passar við tíðarandann, og uppreisnarandann sem fylgdi honum. Það held ég að verði ekki niðurstaða komandi kynslóða. 

Bob Dylan kenndi popptónlistarmönnum að búa til eigin lög í staðinn fyrir að nota slagara eða lög frá "Tin Pan Alley" (atvinnulagahöfundum).

Bítlarnir ásamt Dylan höfðu þessu sömu áhrif, enda sömdu þeir næstum allt sitt efni sjálfir, nema alveg í byrjun.

[Stefán (IP-tala skráð) 26.6.2023 kl. 02:42]

Googlaði listann aftur og finn meistara Bob Dylan í 11 sæti þar. Ég persónulega elska tónlist hans rétt eins og tónlist Bítlanna og Bowie. Það er mikil gæfa fyrir mannkynið að hafa aðgang að slíkri tónlist, rétt eins og meistaraverkum eftir Bach, Mozart og Beethoven.

[Jens Guð, 26.6.2023 kl. 08:59]

Ingólfur,  takk fyrir þínar áhugaverðu vangaveltur.

[Jens Guð, 26.6.2023 kl. 09:04]

Stefán (# 8),  ég tek undir með Ingólfi að Dylan er of neðarlega á listanum. 

[Jóhann Elíasson, 26.6.2023 kl. 09:27]

Ég hef löngum sagt það að "LISTAR" segja síður en svo ALLA söguna og að sjálfsögðu gera þeir lítið annað en að lýsa SKOÐUN þess aðila sem tekur viðkomandi "LISTA" saman.  Minn listi myndi sennilega ekki verið samskonar og sá listi sem Jens setur saman en ég er ekki í minnsta vafa um að fólk tæki MUN MEIRA mark á listanum frá Jens...... 

[Jens Guð, 26.6.2023 kl. 09:33]

Jóhann,  góður að venju!