Smá smásaga

  Í vor fæddist stór og myndarlegur drengur.  Honum var gefið nafnið Jónas.  Hann var 1,90 á hæð og þrekvaxinn eftir því.  Stærðin er ekki hið eina einkennilega við strákinn.  Aldur hans vekur undrun.  Hann fæddist 27 ára.

  Fæðingar eru svo sem af ýmsu tagi.  Kona nokkur fæddi frosk.  Önnur eignaðist eingetið barn.  Sumir eiga erfitt með að trúa þessu.  Jónas fæddisst 2023.  Samt er kennitala hans 080596.  Hann er jafn gamall og Janis Joplin, Jim Morrison,  Jimi Hendrix og Brian Jones voru er þau féllu frá.  Öll með J sem upphafsstaf í fornafni eða eftirnafni.  Eða hvorutveggja.  Kurt Cobain er undantekning af því að hann féll fyrir eigin hendi.  Upphafsstafur hans er næsti stafur á eftir J.

  Jónas hefur lokið námi í lögfræði.  Prófskírteini hans vottar það.  Einkunnirnar eru frekar lélegar. 

  Þrátt fyrir stærðina hefur hann engan skugga.  Sama hvort ljós,  sól eða önnur birta fellur á hann.  Kannski er hann bara skugginn af sjálfum sér. 

Athugasemdir

[Stefán (IP-tala skráð) 10.9.2023 kl. 14:20]

Þetta er jafn óskiljalegt og ríkisstjórn Íslands, sem er bara skugginn af sjálfri sér. 

[Jens Guð, 10.9.2023 kl. 14:47]

Stefán,  þetta er furðusaga - eins og sjórnin.  

[Sigurður I B Guðmundsson, 10.9.2023 kl. 16:44]

Þetta er skuggaleg smá smásaga sérstaklega að hann væri lögfræðingur og gæti þá alltaf falið sig á bak við sannleikann!!

[Jens Guð, 10.9.2023 kl. 16:58]

Sigurður I B,  vel mælt!

[Jóhann Elíasson, 11.9.2023 kl. 10:54]

Skírteini virðast ekki vera NEIN SÖNNUN fyrir því að menn hafi tekið einhver viss próf.  Ég var loksins að lesa bók sem var gefin út 2021 og er eftir "SAGNFRÆÐING".  Etir að hafa lesið þessa bók, sem er full af rangfærslum, hvergi er vísað í heimildir og engin heimildaskrá er í bókinni.  Ég velti því fyrir mér hvort þessi "sagnfræðingur " hafi fengið "SAGNFRÆÐIPRÓFIÐ" sitt í Cheerios-pakka???????

[Sigurður Kristján Hjaltested, 11.9.2023 kl. 12:25]

Veit um einn sem heitir Dagur og er borgarstjóri.

Allt sem frá honum kemur er bara myrkur.

Hann ætti kannski frekar að heita Nótt.

[Jens Guð, 11.9.2023 kl. 15:41]

Jóhann,  og þó að menn veifi prófskírteini þá sannar það ekki að viðkomandi kunni fagið.  Ég þekki þannig dæmi.  Gaurinn las bara af svindlmiða. 

[Jens Guð, 11.9.2023 kl. 15:41]

Sigurður Kristján,  góður!