Allir góðir saman!

  Fyrir nokkrum árum stálpuðust barnabörn mín.  Þau lærðu að lesa og lásu mikið;  allskonar blöð,  tímarit, bækur og netmiðla.  Gaman var að fylgjast með því.  Nema að mér varð ljóst að margt í fjölmiðlum er ekki til fyrirmyndar.  Þá datt mér í hug að setja sjálfum mér reglu:  Að skrifa og segja aldrei neitt neikvætt og ljótt um neina manneskju.

  Þetta var U-beygja til góðs.  Það er miklu skemmtilegra að vakna og sofna jákvæður og glaður heldur en velta sér upp úr leiðindum.  Til viðbótar ákvað ég að hrósa einhverjum eða einhverju á hverjum degi.  Svoleiðis er smitandi og gerir öllum gott.

        

Athugasemdir

[Sigurður I B Guðmundsson, 13.3.2024 kl. 10:39]

Gott ráð ég byrja núna. Ég ætla að byrja á að hrósa þér!

[Jens Guð, 13.3.2024 kl. 11:03]

Sigurður I B,  þú ert frábær!

[Stefán (IP-tala skráð) 13.3.2024 kl. 11:15]

Ég ætla að byrja á því að hrósa meistara Björgvini Gíslasyni fyrir frábært ævistarf sem tónlistarmaður. Ég á fullt af tónlist hans í tónlistarsafni mínu og nóg er líka að finna með honum á Spotify. Ég minnist einnig margra tónleika með honum þar sem hann fór á þvílíkum kostum sem gítarsnillingur að aldrei gleymist  - Blessuð sé minning Björgvins Gíslasonar. 

[Jens Guð, 13.3.2024 kl. 11:21]

Stefán,  ég tek undir hvert orð!

[Jóhann Elíasson, 13.3.2024 kl. 12:15]

Já satt er það Björgvin Gíslason vr einn af þessum STÓRU.  Fyrir utan það að vera alveg stórkostlegur gítarleikari þá kom mér mjög á óvart hversu hann var góður  píanóleikari og hann spilaði á mörg hljóðfæri og það sem flestir hljóta að vita þá spilaði hann á Indverskan Sítar og er ógleymanlegt þegar hann kom  í sjónvarpssal með sítarinn og spilaði lagið "Hani, Krummi, Hundur, Svín" á og með honum var Áskell Másson (ég man ekki á hvaða hljóðfæri Áskell spilaði).  Mest fannst mér til um framlag Björgvins til "Bluestónlistar".  Svo er annað sem hann var alveg snillingur við en færri kannast við, en hann var alveg gríðarlega flinkur flugveiðimaður og mér hefur verið sagt að  flugur sem hann hnýtt hafi verið svo listrænar og flottar að menn hafa ekki TÍMT að bleyta þær og setja í box sem aldrei er tekið með í veiði...... 

[Jens Guð, 13.3.2024 kl. 12:23]

Jóhann,  takk fyrir fróðleikinn.  Mig minnir að Áskell hafi spilað á indverska handtrommu,  tabla.