Kallinn sem reddar

  Öll þekkjum við kallinn sem reddar málunum.  Þennan sem getur lagað alla hluti sem farið hafa úrskeiðis.  Einnig getur hann sett saman hluti af öllu tagi án þess að skoða leiðarvísi.  Sama hvort það eru IKEA innréttingar eða tölvur eða hvað sem er.  Hann getur meira að segja græjað sundlaug eins og hendi sé veifað.

  Einkenni reddarans er að hann sniðgengur fagurfræði hlutanna.  Hann er meira fyrir klastur;  að hluturinn virki.  Sjón er sögu ríkari.

  

Athugasemdir

[Stefán (IP-tala skráð) 5.2.2025 kl. 11:38]

Þessar myndir ríma alveg við það sem var t.d. rætt Í Bítið á Bylgjunni í morgun, þ.e. stórgallaðar nýbyggingar út og suður vegna handvammar, flýtigangs og græðgi verktaka sem spara með ódýru erlendu vinnuafli sem kann ekki til verka.  

[Jens Guð, 5.2.2025 kl. 11:40]

Stefán,  ég þarf að tékka á Bítinu.

[Jóhann Elíasson, 5.2.2025 kl. 12:08]

"Oft er kapp best með forsjá" eins og Stefán bendir svo vel á......

[Jens Guð, 5.2.2025 kl. 13:00]

Jóhann,  segðu!

[Ingólfur Sigurðsson, 5.2.2025 kl. 15:33]

Mér finnst að maður eigi ekki að hrósa sjálfum sér nema hóflega og því vil ég hérna segja að afi minn var fagmaður en ég er meira reddari, og þó bara fyrir mig og kunningja.

Ég hef voðalega gaman af að fikta í rafeindatækjum eins og útvörpum og segulböndum, og var kallaður takkaóður. Ég lærði ekki nema hálfan vetur rafeindavirkjun í Iðnskólanum haustið 1996, en samt get ég lagað ýmislegt sem er að útvörpum og hljómtækjum, því ég er búinn að grúska og stunda sjálfsnám.

Afi hinsvegar skammaði mig fyrir fráganginn á útvörpum og segulböndum, með takka út um allt sem eyðilögðu útlitið, en ég sagði að það væri til að bæta hljómgæðin.

Afi passaði uppá útlitið á því sem hann var að vinna við, og hann vissulega var eins og Stjáni meik, að gera fleira en aðrir gerðu, en hann var þó að vinna fyrir viðskiptavini og hefði tapað peningum og viðskiptum annars.

Þannig að hann hafði það fyrir sið að hringja í fólkið sem hann var að vinna fyrir, og fá leyfi fyrir öllu svona sem gat orkað tvímælis.

[Jens Guð, 5.2.2025 kl. 16:47]

Ingólfur,  takk fyrir skemmtilega frásögn.

[Stefán (IP-tala skráð) 5.2.2025 kl. 19:47]

,, Ég kýs ljótasta húsið í borginni og þú andar á það.

Húsið fýkur burt !  ,,

   Ólafur Haukur Símonarson

[Jens Guð, 5.2.2025 kl. 19:59]

Stefán,  ég kveiki ekki á perunni.

[Grímur Kjartansson, 5.2.2025 kl. 20:13]

Sumum tekst að sameina notagildi, gæði og fallega hönnun - en það kostar meira

Bang & Olufsen

[Jens Guð, 5.2.2025 kl. 20:56]

Grímur,  svo sannarlega rétt hjá þér. 

[Stefán (IP-tala skráð) 5.2.2025 kl. 20:59]

Já Jens, ég var að lesa ljóðabók eftir Ólaf Hauk og fannst þessi fyrripartur ljóðs hans eiga við í umræðunni, því að sum ný hús eru svo ljót að þau mættu fjúka burt, t.d. margbruðlaða Landsbankahúsið.

[Jens Guð, 6.2.2025 kl. 08:04]

Stefán,  Ólafur Haukur er flottur.

[Sigurður I B Guðmundsson, 6.2.2025 kl. 10:22]

Ætli kallinn sem reddar öllu sé ekki búinn að gefa bílaframleiðundum hugmynd að hafa síma innbyggða í stýrinu? Eða ætti hann ekki að sækja um einkaleyfi fyrir þessari snildarhugmynd??

[Jens Guð, 6.2.2025 kl. 10:28]

Sigurður I B,  hugmyndin er snilld - eins og margt annað hjá reddaranum.

[Bjarni (IP-tala skráð) 8.2.2025 kl. 02:29]

Þegar allt er komið í ógöngur og engin lausn í augsýni þá er ekki galið að leita til kafskeggjaða kallsins með einföldustu og ódýrustu lausnirnar

Kallar rúla, kellingar skúra.

[Jens Guð, 8.2.2025 kl. 08:57]

Bjarni,  sumt er til í þessu.  Eða þannig.