Niðurlægður

  Ég átti erindi í Ikea.  Þar er veitingastaður.  Af mörgum ljúffengum réttum er lax girnilegastur.  Ekki skemmir fyrir að máltíðirnar eru á hóflegu verði í samanburði við aðra matsölustaði.  

   Mig langaði í laxinn.  Er ég tölti inn í veitingastaðinn fékk ég góða hugmynd.  Mér datt skyndilega í hug að losa mig við eitthvað af klinki sem hafði hlaðist upp í vösum mínum.  Til að tefja ekki röðina við afgreiðslukassann ákvað ég að vera tilbúinn með rétta upphæð.
   Ég seildist eftir klinki úr tveimur vösum og lagði það í lófa minn.  Þar taldi ég og sorteraði myntina.  Eitthvað vantaði upp á rétta upphæð;  ég seildist eftir fleiri krónum.  Þá vatt sér að mér ung kona.  Hún lagði 1000 kall í lófa minn.  Ég spurði í forundran:  "Hvað?  Var ég að missa þennan seðil í gólfið?"

  Hún svaraði:  "Nei,  ég er að gefa þér hann,  Ég sé að þú ert í vandræðum með að nurla saman fyrir máltíð."

  Ég leiðrétti hana.  Sagðist vera borgunarmaður fyrir mat;  ég ætlaði bara að losna við klink.  "En takk samt!"

  Ég rétti henni seðilinn.  Nærstaddir flissuðu.  Konan góða tók við honum niðurlút og sagði:  "Úps!  Sorry.  Þetta er virkilega vandræðalegt."

Athugasemdir

[Stefán (IP-tala skráð) 26.3.2025 kl. 10:05]

Þessi góðhjartaða kona hefur líklega haldið að þú værir útigangsmaður eða Jesús að nurla saman fyrir síðustu kvöldmáltíðinni. 

[Jens Guð, 26.3.2025 kl. 10:10]

Stefán,  sennilega hvorutveggja!

[Jóhann Elíasson, 26.3.2025 kl. 11:26]

"Það margt skrýtið í  kýrhausnum".........

[Jens Guð, 26.3.2025 kl. 13:38]

Jóhann,  heldur betur!

[Sigurður I B Guðmundsson, 26.3.2025 kl. 16:10]

Þarftu ekki bara að fara í klippingu og að raka þig!!!

[Jens Guð, 26.3.2025 kl. 17:47]

Sigurður,  þarna kemur þú með skýringuna!

[Stefán (IP-tala skráð) 26.3.2025 kl. 19:11]

Farðu bara varlega ef þú átt leið í Mjóddina Jens, krakkaskríllinn þar ku vera á pari við forhertan glæpalýð í sænskum bæjum. Sem fyrrum íbúi í Svíþjóð fylgist ég vel með sænskum fréttum. Ríkisútvarpinu þar telst til að a.m.k 40 innflutt fjölskylduglæpagengi séu ,, starfandi þar ,,. Við hér getum lært margt betra af svíum en að ala upp slík gengi hér. 

[Jens Guð, 26.3.2025 kl. 19:18]

Stefán (#7),  ég tek alltaf stóran sveig framhjá Mjóddinni. 

[Guðjón E. Hreinberg, 27.3.2025 kl. 16:55]

Maður á aldrei að láta sjást að maður eigi monning, og úlpan og bíllinn mega einungis sýna fátækt og örbirgð, sama hvað geymt er undir dýnnni. Annars kemur elítan eða nágranninn - eða eitthvert flagð - og hirðir afganginn.

[Jens Guð, 27.3.2025 kl. 17:46]

Guðjón,  takk fyrir góða ábendingu.

[Wilhelm Emilsson, 29.3.2025 kl. 00:34]

Ég ætlaði að koma með IKEA brandara en ég get ekki sett hann saman.

[Jens Guð, 29.3.2025 kl. 12:11]

Wilhelm,  góður!