Sérkennilegur vinsældalisti

 

  Fyrir nokkrum árum - nánar tiltekið fyrir 61 ári - gerðist undarlegur hlutur vestur í Bandaríkjum Norður-Ameríku.  Þetta var á vordögum 1964.  Ensk unglingahljómsveit naut óvænt vinsælda og virðingar þarna vesturfrá.  Slíkt hafði aldrei áður gerst.  Þótti óhugsandi. Bandaríski vinsældalistinn varð ólíkur því sem tónlistarunnendur áttu að venjast.  Skoðum hvaða lög röðuðu sér í 5 efstu sæti vinsældalistans:

  Í 1. sætinu var lagið "Can´t Buy Ne Love" með Bítlunum (The Beatles).  Lagið kom fyrst inn á vinsældalistann í marslok og klifraði síðan hratt upp í toppsætið.

  Í 2. sætinu var "Twist And Shout" með Bítlunum.  Það fór í 2. sætið í tveimur stökkum.

  Í 3. sæti var "She Loves You" með Bítlunum.  Lagið var áður í 1. sæti.

  Í 4. sæti var "I Want To Hold Your Hand" með Bítlunum.  Það var áður í 1. sæti.

  Í 5. sæti var "Please Please Me" með Bítlunum.  Það náði hæst í 3. sæti - vegna þess að sæti 1 og 2 voru blokkeruð af öðrum Bítlalögum. 

  Samtals áttu Bítlarnir 12 lög samtímis á bandaríska vinsældalistanum um þessar mundir.  Nokkuð sérstakt vegna þess að hljómsveitin hafði aðeins sent frá sér 2 plötur.  Þetta vakti heimsathygli.   

Athugasemdir

[Jóhann Elíasson, 9.4.2025 kl. 09:36]

það er nokkuð víst að önnur eins hljómsveit á ALDREI eftir að koma fram aftur.  Margir hafa komið fram og sagt að Bítlarnir hafi einungis orðið svona "STÓRIR" vegna Johns og Paul.  Ég er alls ekki sammála þessu Bítlarnir samanstóðu af fjórum einstaklingum John, Paul ,Georg og Ringo, sem allir voru hluti af þeirri heild sem voru Bítlarnir.  Vissulega var hlutur hvers og eins misjafnlega stór en hver og einn þeirra skipti máli í þessari heild.......

[Stefán (IP-tala skráð) 9.4.2025 kl. 13:53]

Ég tek algjörlega undir það sem þú skrifar Jóhann. Almennt held ég að Bítlunum hafi verið vel tekið í USA fyrir utan rugludalla í biblíubeltinu sem létu John slá sig út af laginu og fóru að brenna bítlavarning. Rugludallar í Vestmannaeyjum tóku líka upp á á því að brenna nokkur hundruð geisladiska árið 1995. Fámennur hópur þar á ferð og og forsprakkinn alræmdur fyrir fordóma og þröngsýni. Það var líka vegna fordóma og þröngsýni sem bandarískir gagnrýnendur tóku illa á móti Led Zeppeklin og Black Sabbath, en almenningur hunsaði bullið í þeim og fögnuðu þeim fersku vindum sem fylgdu þessum frábæru ensku hljómsveitum.  

[Jens Guð, 9.4.2025 kl. 15:53]

Jóhann,  ég tek undir hvert orð hjá þér!

[Jens Guð, 9.4.2025 kl. 15:54]

Stefán,  vel mælt!

[Ingólfur Sigurðsson, 9.4.2025 kl. 16:47]

Bítlarnir eru og voru einstakir. Þeir sameinuðu að vera fyrsta flokks hljóðfæraleikarar, lagahöfundar, heillandi fyrir unglingsstelpurnar, og lögin þeirra voru meira grípandi en lögin sem aðrar hljómsveitir voru með, en ef maður skoðar þeirra lög, voru þau sjaldan eftir hljómsveitarmeðlimi, annaðhvort gamlir slagarar endurnýttir 10-20 sinnum eða þá samið af Tin Pan Alley, lagasmiðum og textahöfundum sem voru með þá atvinnu að semja fyrir aðra.

Bítlarnir voru snöggir að semja, og sérstaklega 1963-1965 sömdu þeir fyrir aðra. Fyrstu 2-3 Bítlaplöturnar hefðu getað verið betri ef þeir hefðu haft öll lögin eftir sig. Bókstaflega frábær lög sem Cilla Black fékk og hellingur af öðrum tónlistarmönnum frá Bítlunum á þeim árum. Ég fann eitt sinn Youtube rás með fleiri en 10 lögum eftir Bítlana í annarra flutningi sem ég hafði aldrei heyrt áður, og hvert einasta lag var frábært! 

Á mínu æskuheimili frá 5-10 ára aldurs voru til Bítlaplötur og plötur með Elvis. Ég man ekki hvað ég var gamall þegar ég heyrði fyrst í Bítlunum, en þetta var eitt af því sem ég gerði í staðinn fyrir að stunda heimanámið, að spila fullorðinsplötur og barnaplötur í bland, mér fannst það allt jafn skemmtilegt og gerði engan greinarmun á þessu.

En ég man að ég fékk eiginlega martraðir þegar ég spilaði Strawberry Fields Forever sem krakki. Það var eins og fótunum væri kippt undan manni og undarlegur, fljótandi hljóðheimur kæmi þar, án undirstöðu. Mér fannst það opna dyr inní undarlega hryllingsveröld og sá sýnir. Fyrstu árin þá hélt ég mest uppá lögin frá 1962-1966. Seinna skildi ég snilldina við Sgt Pepper og fleiri slíkar.

[Jens Guð, 9.4.2025 kl. 17:31]

Ingólfur,  bestu þakkir fyrir frábæra samantekt1

[jósef Ásmundsson (IP-tala skráð) 10.4.2025 kl. 13:56]

Það er töluverður munur á vinsælarlistum og listum yfir bestu plöturnar. Munurinn er sá að vinsældarlistinn segir til um almenningsálitið burtséð frá gæðum. Listinn yfir bestu plöturnar er hinsvegar mismunandi eftir því hver setur saman listann og hvaða smekk hann hefur á tónlist og hvaða rökstuðning hann setur fyrir valinu. Fyrir mér er þetta allt saman prump. Ég vel tónlist sem hæfir mínum smekk og gæðum. Allt annað er val annarra en mín.

[Jens Guð, 10.4.2025 kl. 16:03]

Jósef,  vinsældalistar og listar yfir bestu plötur eru ágætir samkvæmisleikir.

[Jóhann Elíasson, 11.4.2025 kl. 20:28]

Ég er alltaf jafn hrifinn af því hvað þú svarar öllum athugasemdum vel Jens, hvort sem þér líkar athugasemdin eða ekki, þá svarar þú þannig að allir ganga sáttir frá borði.  Til þess að svo sé þarf sérstaka hæfileika og þá hefur þú......