Herkænska

  Ég skrapp í Ikea.  Keypti mér þar skæri og hélt síðan á veitingasvæðið.  Þar fékk ég mér lax.  Á næsta borði sátu nokkur ungmenni.  Kannski um tvítug.  Ég fylgdist ekkert með þeim þangað til sími pípti hjá einum drengnum.  Hann kíkti á sms skilaboð,  dæsti og sagði:  "Æ andskotinn.  Framkvæmdastjórinn boðar mig á fund í fyrramálið."

  - Hvað er í gangi? spurði annar.

  - Ég held að hann ætli að reka mig.  Hann hefur hótað því,  útskýrði drengurinn og hélt svo áfram:  Ég ætla að byrja fundinn á því að rétta honum uppsagnarbréf.  Reka hann áður en hann rekur mig.  Hann getur ekki rekið mig ef hann er ekki lengur framkvæmdastjóri!

  - Getur þú rekið hann?  

  - Ég læt allavega reyna á það!

  

Athugasemdir

[Jóhann Elíasson, 22.8.2025 kl. 11:50]

Auðvitað getur "strákurinn" sagt framkvæmdastjóranum upp (rekið hann) sem sinn framkvæmdastóra.......

[Jens Guð, 22.8.2025 kl. 11:59]

Jóhann,  góður punktur!

[Guðjón E. Hreinberg, 22.8.2025 kl. 12:18]

Lax, Ikea. Úr hvaða á?

Hvar er Íkea?

[Jens Guð, 22.8.2025 kl. 12:55]

Guðjón,  ég veit ekki uppruna laxins.  Vonandi er þetta ekki sjókvíalax.  Norðlendingar halda að Í Kea sé verslun undir hatti Kea.  Hið rétta er að Ikea er sænskt fyrirtæki með útibú í Kauptúni í Garðabæ.  

[Stefán (IP-tala skráð) 23.8.2025 kl. 15:49]

Ég er í nettu áfalli eftir að Herdís Fjelsted henti út þættinum Djúpið af X inu, þar sem Sigurjón og Addi hafa farið á kostum í umfjöllunum um merkt tónlistarfólk.  Ekki hvað síst í þáttunum fjórum um meistara, meistara, meistara, meistara David Bowie. Ég var dyggur hlustandi allra þessara þátta sem auðvitað er hægt að finna og hlusta á. Ég sem er nýlega búinn að kaupa íþróttapakka áskrift hjá Sýn veit ekki hversu lengi ég verð áskrifandi þar eftir þessi ósköp. Hvers lags ,, herkænska ,, er þetta eiginlega ?

[Jens Guð, 23.8.2025 kl. 19:30]

Stefán,  ég er sömuleiðis afar ósáttur við uppsagnir X-ins.  Addi hefur jafnan farið á kostum og náð jafnframt hærri hæðim með Sigurjóni.  Ég óttast að X-ið verði plötusnúða daggskrá án talmáls og fróðleiksmola.

[Stefán (IP-tala skráð) 24.8.2025 kl. 19:17]

Hvað í ósköpunum vilja Magga Stína og No Borderds ? Takmarkalausan innflutning á albönskum glæpalýð, múslimskum kvenhöturum betlandi tataralýð ???