Sparaðu! - Tvöfalt sparnaðarráð

  Nú þegar við erum að svífa inn í kreppu af fullum þunga er nauðsynlegt að landsmenn standi saman og deili sparnaðarráðum sem aldrei fyrr.  Forsætisráðherrann hefur gengið á undan með góðu fordæmi.  Hann leggur til að fólk spari í stað þess að eyða.  Ég læt ekki mitt eftir liggja og kem hér með tvöfalt sparnaðarráð:

   - Nota frídaga til að drífa sig á sólarstrendur þar sem bjór og annað áfengi er ódýrt.  Það er með ólíkindum hvað hægt er að spara mikið með því að taka á honum stóra sínum á sólarströndum.  Oftast dugir að vera á sundskýlunni einni fata.  Við það sparast slit á jakkafötum.  Eða dragt. 

  - Á mörgum sólarströndum er hvítur sandur.  Í lok sólarferðarinnar er upplagt að fylla nokkra plastpoka af sandinum.  Heima á Íslandi má drýgja sykurinn í sykurkarinu á eldhúsborðinu og saltið í saltstauknum með því að blanda sandinum saman við.  Það er óhætt að blanda sandinum allt upp í 10%,  sem þýðir að tíunda hvert sykurkar og saltstaukur sparast.

  Á sumum sólarströndum er sandurinn með brúnleitum blæ (beisaður).  Það er hentugra að blanda honum saman við kanilsykurinn út á hrísgrjónagraut. 

  Hér eru fleiri og ekki síður góð sparnaðarráð:

http://jensgud.blog.is/blog/jensgud/entry/537968

http://jensgud.blog.is/blog/jensgud/entry/501251

http://jensgud.blog.is/blog/jensgud/entry/530712

  Bætið endilega í púkkið.  Þau eru aldrei of mörg sparnaðarráðin.  

Athugasemdir

[Jenný Anna Baldursdóttir, 11.8.2008 kl. 14:21]

Svona talar hin sanna fyllibytta.  Muhahaha

[Gulli litli, 11.8.2008 kl. 14:38]

Áfengi er hættulegt.....drekkum það allt...

[Jens Guð, 11.8.2008 kl. 14:38]

Skál fyrir því!

[Stefán (IP-tala skráð) 11.8.2008 kl. 14:42]

Það væri líka hægt að senda borgarstjórann á sólarströnd, velta honum vel upp úr sandi ( spara raspið ) og steikja hann svo hægt og bítandi í sólinni. Það myndi létta okkur borgarbúum lífið verulega í öllum þrengingunum og væntanlega spara stórfé til lengri tíma litið.

[Þorsteinn Briem, 11.8.2008 kl. 15:04]

Spókar sig og sparar,
sprækar dömur karar,
þar í stautar,
þykkir grautar,
veldur ei sá er varar.

[Lára Hanna Einarsdóttir, 11.8.2008 kl. 15:29]

Mig langar að vita hver Stefán er... ef þetta er alltaf sami Stefán sem ég les komment eftir finnst mér alveg tilvalið að hann fari að blogga sjálfur. Líst vel á skoðanir kauða... 

[Stefán (IP-tala skráð) 11.8.2008 kl. 15:51]

Takk Lára Hanna, þú ert alveg ágæt sjálf 

[Lára Hanna Einarsdóttir, 11.8.2008 kl. 15:57]

En þetta er ójafn leikur, Stefán...  þú veist hver ég er en ég hef ekki hugmynd um hver þú ert! Líst vel á þig engu að síður... 

[Stefán (IP-tala skráð) 11.8.2008 kl. 15:59]

... samt skemmtilegur leikur ...

[Ómar Ingi, 11.8.2008 kl. 16:00]

MUHA LOL

[Jón Ragnarsson, 11.8.2008 kl. 16:25]

Ekki gleyma að hafa réttann þrýsting í 38" dekkjunum, þá sparast bensín.

[...désú (IP-tala skráð) 11.8.2008 kl. 17:51]

Oss fannst þetta svo fallega gjört af yður að vér ákváðum að feta í fótspor yðar með vor eigin sparnaðarráðum...

[Gulli litli, 11.8.2008 kl. 19:05]

Svo er hægt að spara með að drekka Odin í staðin fyrir Carlsberg..

[Magnús Geir Guðmundsson, 11.8.2008 kl. 19:54]

Byrja nú á að mótmæla harðlega því sem Brynja augljóslega bjórhífaða Dögg segir, að bjórinn sé betri en vatnið, útilokað!

En ýmislegt má spara já, til dæmis krónurnar meðan þær eru enn einhvers virði, ekki henda klinkinu heldur safna því saman og geyma til þess er harðnar enn í ári. Fúk- og stóryrði mega menn svo líka spara, að ég tali nú ekki um dylgjur og djöfulgang í garð náungans, getur aftur kostað mann seðlafjöld og sparaða klinkið líka ef menn passa sig ekki.

Daður, ksjall og gullhamra má hins vegar eyða ótæpilega, brosum blikki og fallegum kveðjum, allt of mikill sparnaður í þeim flokkum!

[Unnur H.Guðmundsdóttir (IP-tala skráð) 11.8.2008 kl. 22:21]

 Ég skil ekki hvað fólk er með andstyggilegar og dónalegar athugasemdir um borgarstjórann hann er einmitt að gera hluti sem ég er ánægð með eins og þrífa götur bæjarins og hefur svifryk í gluggakistum mínum snarminnkað og væntanlega magn svifryks í lungum mínum þó eg geti ekki séð það.

[...désú (IP-tala skráð) 11.8.2008 kl. 23:06]

Ekki veit ég hvaða borg fyrri lesandi býr í en mín borg er illa hirt og sóðaleg.  Ég fékk mér göngutúr frá Grafarvogi vestur í bæ nýverið í veðurblíðunni og mér hreinlega blöskraði ástandið á borginni... en líklega lítur það ágætlega út í fréttunum og er eflaust hið prýðilegasta sparnaðarráð að leggja alla sína orku í að mála yfir eitthvað krass í 101 og vera ekkert að stressa sig á rest og rusl.