Fórnarlamb nauðgunar gert tortryggilegt

  Það er sama hvað er til umræðu;  hvort rætt er um barnaníðinga,  morðingja,  eiturlyfjasmyglara,  nauðgara,  handrukkara eða aðra glæpamenn af þessu tagi;  alltaf koma einhverjir óþokkanum til varnar og teygja sig langt í að afsaka hann og hvítþvo af glæpnum.  Oft með þeirri aðferð að reyna með öllum ráðum að gera fórnarlambið tortryggilegt og stilla hlutum þannig upp að fórnarlambið geti sjálfu sér um kennt að hafa lent í þessari aðstöðu.

  Þannig hafa sumir dregið fram og hneykslast á því að barnið sem handrukkarinn nauðgaði á Hellisandi við annan mann hafi verið á dansleik og farið í partý.  Sú staðreynd kemur glæpnum hinsvegar ekkert við.  Fullorðnir menn mega ekki nauðga barni undir neinum kringumstæðum.  Aldrei.  Engar aðstæður breyta neinu þar um.

  Það er svo önnur saga að víða úti á landi er dansleikur og partý allt annað fyrirbæri en á höfuðborgarsvæðinu.  Á mínum uppvaxtarárum í Skagafirði voru dansleikir haldnir á Hólum í Hjaltadal.  Þar var ekkert aldurstakmark.  12 - 13 ára börn sóttu dansleikina til jafns við fullorðna fólkið.  Þarna var ekki vínveitingasala en fullorðna fólkið drakk af stút og lét pelann ganga.

  Ég þekki ekki til Hellissands.  Mér segir svo hugur að þar hafi dansleikjahald verið með líku sniði.  Vinsælasti unglingabókahöfundur landsins fyrr og ekki síður síðar,  Eðvarð Ingólfsson prestur á Akranesi,  er frá Hellissandi.   Gagnrýnendur af höfuðborgarsvæðinu fettu fingur út í lýsingu Eðvarðs á unglingapartýum í bókunum.  Í þeim drukku unglingarnir heitt súkkulaði og mauluðu rjómatertur með.  Eðvarð þekkti eðlilega bara partý eins og þau fóru fram á Hellissandi.     

www.aflid.muna.is

www.stigamot.is     

Athugasemdir

[Ragnheiður , 26.9.2008 kl. 14:16]

Fínt innlegg hjá þér Jens ! Nákvæmlega!

(kaus þarna í könnun í leiðinni fyrst ég var hér )

[Fyodor (IP-tala skráð) 26.9.2008 kl. 14:33]

"Fullorðnir menn mega ekki nauðga barni undir neinum kringumstæðum. " Ég tek undir það en það á einfaldlega enginn að nauðga nokkrum einasta einstaklingi, burt séð frá aldri.

[halkatla, 26.9.2008 kl. 14:38]

Þegar einfaldar staðreyndir verða flóknar...

flott færsla. 

[dóra (IP-tala skráð) 26.9.2008 kl. 14:52]

vel mælt og þörf umræða um mál sem of margir geta ekki skilið. eins er þegar menn og konur gera "tæknileg mistök eða verða fyrir því að framkvæma". 

stundum er bara allt að fara til fjandans

kv d

[Helga Magnúsdóttir, 26.9.2008 kl. 15:53]

Það er það undarlega að glæpamaðurinn fær alltaf að njóta vafans ef mögulegt er að finna einhvern flöt á málinu sem býður upp á vafa. Fórnarlambið getur svo bara átt sig. 

[Auðun Gíslason, 26.9.2008 kl. 16:04]

Það er samt svolítiðeinkennilegt, að barnið skrifaði og sendi nauðgara sínum ástarbréf í tukthúsið!  Auðvitað var þetta hið skelfilegt mál, en hinsvegar alveg óviðkomandi þessum handrukkara heimi sem um er fjallað í dag.  Það væri samt svolítið leiðinlegt ,ef alltaf væri verið að núa öllum gömlum syndum um nasir.  Agnes Braga vildi t.d. svipta Árna Johnsen málfrelsi vegna þess að hann hafði setið inni.  Benni hefur setið af sér dóm vegna þessa atburðar, sem menn vilja endilega vera að spyrða saman við daginn í dag.  Einkennilegt! 

[DoctorE (IP-tala skráð) 26.9.2008 kl. 16:14]

Það er ekki til afsökun fyrir nauðgun, ofbeldi .. bara sick að halda öðru fram

[Sigurður Eðvaldsson (IP-tala skráð) 26.9.2008 kl. 17:34]

Vel mælt hjá þér Jens og ég er alveg sammála þessari færslu hjá þér.

[Jói (IP-tala skráð) 26.9.2008 kl. 17:35]

"Það er það undarlega að glæpamaðurinn fær alltaf að njóta vafans ef mögulegt er að finna einhvern flöt á málinu sem býður upp á vafa. Fórnarlambið getur svo bara átt sig. "

Það er ekkert undarlegt að "glæpamenn" fái að njóta vafans (þú átt líklega við sakborninga en þú getur ekki nefnt þá glæpamenn áður en þeir hafa verið dæmdir), samkvæmt 2. mgr. 70. gr. stjórnarskrárinnar þá skal hver maður talinn saklaus þar til sekt hans er sönnuð. Þetta eru mannréttindi sem þú nýtur líka og værir líklega ekki til í að afnema (sérstaklega ef einhver nákominn þér yrði einhvern tímann sakaður um refsivert athæfi).   

[Þorsteinn Briem, 26.9.2008 kl. 18:59]

Helga og Jóhannes. Jamm, það hefur nú verið sagt að betra sé að sekur maður sleppi en að saklaus maður sé látinn sitja í fangelsi, sem samt hefur nú komið fyrir.

[Bryndís (IP-tala skráð) 26.9.2008 kl. 19:21]

Já akkurat. Sönnunarbyrðin er svo þung að þegar til kastanna kemur þá verður fórnarlambið að SANNA - helst með ljósmyndum- eða öðru áþreifanlegu að á því hafi verið brotið.

Gerandinn sleppur því oft vegna sönnunarbyrðarinnar, en fórnarlambið þarf e.t.v. að takast á við örkuml það sem eftir er ævinnar.

[Hörður (IP-tala skráð) 26.9.2008 kl. 19:27]

Allt satt og rétt hjá þér Jens. Samt merkilegt að það þurfi að segja þetta þar sem alltaf eru til einstaklingar sem reyna allt til að "skilja" glæpinn eða hafa samúð með geranda. Hvers eiga þolendur að gjalda ? Eins og í nefndu nauðgunarmáli. Myndi þetta fólk kannski sjálft nauðga við þessar kringumstæður, ef það "skilur" gerandann svona vel ?

[Ylfa Lind Gylfadóttir, 26.9.2008 kl. 20:19]

Það er munur á því að reyna að skilja afbrotamanninn, og að halda því fram að hann sé saklaus eða að verknaðurinn hafi að einhverju leiti verið fórnalambinu að kenna, ég reyni ALLTAF að skilja hvað í helvítinu gekk á í hausnum á gerandanum, en samúð hef ég svosem ekki, bara með þessi mál eins og margt annað þá þarf að fara að taka á orsökinni svona einu sinni frekar heldur en að díla bara alltaf við afleiðingarnar, ÞAÐ fæst fram með því að reyna að skilja hvað í fjandanum gengur á í hausnum á fólki sem framkvæmir svona verknað!

En ALDREI skal ég halda því fram undir nokkrum kringumstæðum að verknaðurinn sé fórnalambinu að kenna, það er bara einfaldlega mannvonska því að öll held ég að við vitum betur!!

[Ómar Ingi, 26.9.2008 kl. 20:32]

Hef einmitt heyrt svaka sögur meira segja frá kvennmönnum sem voru í þessu samkvæmi sem segja nánast að hún hafi bara hreinlega boðið uppá þetta.

Sorglegt en segir allt sem segja þarf um um sumt kvennfólk.

[Sigurður Jóhann, 26.9.2008 kl. 20:50]

nr 15! ertu að grínast? ert þú einn af þeim sem telur daður og ákveðin klæðnað hreint og klárt heimboð í eitt stykki nauðgun??? Kommon hversu tómur er hægt að vera?

[Fransman (IP-tala skráð) 26.9.2008 kl. 21:17]

Ómar: Það "býður enginn upp á nauðgun"..  Stelpan hefur etv verið gröð, viljað fá í hana og verið að gefa það sterklega til kynna, en þá á viðkomandi að vera karlmaður til að kunna að spila úr því ..

Nauðgun er eitthvað sem á að vera fyrir neðan virðingu alvöru karlmanna.

[Ylfa Lind Gylfadóttir, 26.9.2008 kl. 21:24]

Er Ómar ekki að meina að það sé sorglegt að þetta kvennfólk sem hefur verið að seigja þetta, skuli í alvöru halda þessu fram? Frekar heldur en að halda því fram að stúlkan hafi verið að bjóða upp á þetta, eða er ég að misskilja?

[Jenný Anna Baldursdóttir, 26.9.2008 kl. 22:49]

Takk Jens, þú stendur vaktina með sóma.

[Bjartur (IP-tala skráð) 26.9.2008 kl. 23:11]

( Flökkusaga)

Eitt sinn voru tveir sænskir læknar að ganga eftir götu í Stokkhólmi þegar þeir sjá mann liggjandi í blóði sínu á gangstéttinni eftir að hafa verið lúbarinn. Annar læknirinn segir þá við hinn; ,,Aumingja maðurinn sem gerir þetta. Hann hlýtur að eiga mjög bágt og þarfnast hjálpar".

[jonas (IP-tala skráð) 26.9.2008 kl. 23:32]

svíunum líkt

[Jóna Kolbrún Garðarsdóttir, 26.9.2008 kl. 23:44]

Þörf umræða,  barnaníð er alltaf viðbjóðslegt.

[Helga Guðrún Eiríksdóttir, 27.9.2008 kl. 00:23]

Ég er svo hneyksluð á Ómari (15) að ég er í hálfgerðri andateppu. ÞETTA VAR BARN, þarna vibbinn þinn! Að ekki sé minnst á að nauðgun er ALLTAF GLÆPUR. Viðbjóðslegur glæpur. Þú afhjúpar sjálfan þig sem mannaula sem verð svona ógeðsverknað og fyrir það lít ég þig aldrei sömu augum!

Svona lagað veldur mér viðbjóði.

[Þorsteinn Briem, 27.9.2008 kl. 00:35]

Það sem Ómar segir hér að ofan í athugasemd númer 15 er hægt að skilja á tvo vegu, eins og Ylfa Lind bendir á í athugasemd númer 18.

[Helga Guðrún Eiríksdóttir, 27.9.2008 kl. 00:51]

Nei, Steini. Þessa athugasemd var ekki hægt að misskilja. Ekki einusinni með afspyrnu góðum vilja. Sorry, mate.

[Þorsteinn Briem, 27.9.2008 kl. 01:00]

Ómar gæti í þessari athugasemd sinni allt eins verið að vísa til annars kvenfólks, sem var í þessu samkvæmi, þegar hann segir "Sorglegt en segir allt sem segja þarf um um sumt kvennfólk."

Best að hann útskýri hér sjálfur hvað hann á við, Helga Guðrún.

[Helga Guðrún Eiríksdóttir, 27.9.2008 kl. 01:02]

Yeah, sure. Vér bíðum spennt...

[Jens Guð, 27.9.2008 kl. 01:02]

  Ég þakka ykkur öllum fyrir þátttöku í umræðu um þann viðbjóð sem barnanauðgun er.  Ég kýs að túlka innlegg Ómars þannig að honum sé ofboðið hvernig sumt fólk leggur út af því að fórnarlamb nauðgunar beri á einhvern hátt ábyrgð á glæpnum. 

  Jóhannes,  klisjan um að allir séu saklausir uns sekt sannast á oft ekki við um kynferðisglæpi.  Glæpamenn sleppa oft á tæknilegum atriðum,  svo sem fyrningarreglum og sönnunarbyrði sem nær ekki lengra en orð gegn orði.  Enda er alþekkt að glæpamaður sé dæmdur á líkum.  Það er að segja ekki án fullkomnar sönnunar.  Jafnframt að viðkomandi sé sýknaður eða máli vísað frá þó afbrotið liggi fyrir en eitthvað vanti upp á að viðkomandi sé sakfelldur.   

[Ylfa Lind Gylfadóttir, 27.9.2008 kl. 01:04]

Whell þá hefur mér tekist að misskilja.... ég ætla að halda mig við minn skilning þangað til annað kemur í ljós, væri gaman að hann Ómar myndi nú útskýra mál sitt aðeins betur og seigja okkur nákvæmlega hvað hann átti við.

[Jens Guð, 27.9.2008 kl. 01:06]

  Ég ákalla Ómar um að gera betri grein fyrir sínu innleggi. 

[Þorsteinn Briem, 27.9.2008 kl. 01:07]

Ylfa Lind. Ég held að það sé nauðsynlegt að Ómar útskýri hvað hann á nákvæmlega við í þessari athugasemd sinni.

[Jens Guð, 27.9.2008 kl. 01:10]

  Ylfa Lind,  það var gaman að kynnast pabba þínum.  Hann sagðist vera vel sáttur við skrautritunina sem ég skrifaði fyrir hann.  Vildi meira að segja ólmur borga mér meira fyrir en ég rukkaði hann um.  Ég þurfti að beita harðri neitun til að varna því að hann borgaði mér hærri upphæð en ég setti upp. 

[Ylfa Lind Gylfadóttir, 27.9.2008 kl. 02:24]

Jens það er gott að heyra að allt fór vel með skrautritunina hjá ykkur!! Hann verður seint talinn vanþakklátur sá gamli!

Takk kærlega fyrir okkur

[Ómar Ingi, 2.10.2008 kl. 10:04]

Tja hérna hér

Það var verið að benda mér á að ég sé bara mannauli og Vibbi á síðunni hans Jens

Og þegar betur er að gáð er verið að miskilja orð mín hrapalega, en kannksi er það líka mín mistök í að skrifa þessar setningar ekki betur.

Ég var vitni að því að hlusta á stelpu sem var í þessu partýi og hún sagði þetta um stúlkuna , það fannst mér sorglegt að kvennmaður skyldi segja þetta

Hún var klædd svona og gerði þetta og hitt og var alltaf utan í þeim , það finnst mér ekki eins og stúlkan að þá hefði þetta bara varla verið glæður að barnið hefði í raun boðið uppá þetta.

Nú ef ég er mannauli og vibbi fyrir að finnast stúlkan sem sagði þetta um barnið og þessa nauðgun þá verð ég bara að vera mannauli og vibbi ?.