Varúð!

 

  Fyrr á þessu ári keypti ég ísskáp í verslun sem heitir Heimilistæki og er á Suðurlandsbraut í Reykjavík.  Frá fyrsta degi hefur þessi ísskápur verið dyntóttur.  Ýmist kælir hann ekki nógu vel eða of mikið.  Þegar fór að rökkva núna í haust uppgötvaði ég hver ástæðan er.  Hún er sú að hurðin á skápnum lokar honum ekki alveg.  Hún hallar niður þannig að í gegnum smá rifu sést að ljós logar stöðugt í skápnum.

  Varist að kaupa ísskáp sem heitir Scan Cool. 

Athugasemdir

[Ómar Ingi, 4.10.2008 kl. 20:34]

SVALUR

[Sigurður Þórðarson, 4.10.2008 kl. 20:42]

Hefur þú reynt að fá hann bættann?

[Óskar Þorkelsson, 4.10.2008 kl. 20:51]

hljómar líkt og sjónvarpskaupin hans pabba sl haust í Sjónvarpsbúðinni.. hann öryrkinn fékk aldrei imbann bættann þótt hann hefði sprunginn skjá eftir eina viku.. 

[Jens Guð, 4.10.2008 kl. 20:56]

  Ómar,  takk fyrir innlitið.

  Siggi,  nei.  Ég hef ekki reynt að skila honum eða fá hann bættan.  Mér þykir þetta svolítið fyndið í aðra röndina:  Að vita aldrei hvort bjórinn minn sé frosinn eða volgur.

[Jens Guð, 4.10.2008 kl. 21:03]

  Óskar,  það hljómar aðeins verr.  Vona að RÚV rukki hann ekki um afnotagjöld.

[Helga Guðrún Eiríksdóttir, 4.10.2008 kl. 21:11]

Appelsínur í frystinum og engin bjór í kælinum... mitt gisk er nú bara að græjuræfillinn hafi verið að reyna að ná sér niðri á þér...  

[Siggi Lee Lewis, 4.10.2008 kl. 21:12]

Núna er samt hægt að setja bjórinn bara út fyrir dyr. Það er orðið það kalt sem betur fer og allar flugu helvítis tussurnar drepast. Mér er farið að langa í Jólabjór!

[Ía Jóhannsdóttir, 4.10.2008 kl. 21:20]

Hreheheh er engin kona á heimilinu, ég hefði séð þetta á nóinu elsku kallinn.

[Ía Jóhannsdóttir, 4.10.2008 kl. 21:21]

Ætlaði að bæta við og hér kemur það:  Stilla hurðina!!!!!!!!!!!!!

[Jens Guð, 4.10.2008 kl. 22:14]

  Helga Guðrún,  myndin er ekki af mínum ísskápi,  vel að merkja.  Í mínum er bara bjór og trönuberjasafi.  Nema á morgnana.  Þá er bara trönuberjasafi í honum.

  Siggi,  ég hlakka líka til að jólabjórinn hringi jólin inn.  Því fyrr þeim mun meira gaman.

  Ingibjörg,  það er engin kona á heimilinu.  Bara einstaka næturgestir.  Þær lenda í öðrum verkefnum en viðgerð á ísskápum.

  Já,  er hægt að stilla hurðina?  Þarf að tékka á því með vorinu.