Myndir frá nemendamótinu á Steinstöðum í Skagafirði

  Þessar myndir birtust mér í draumi.  Ég sé ekki betur en þær sýni sitthvað frá nemendamóti í Steinsstöðum í Skagafirði í sumar.  Það getur verið gaman að vera svona berdreyminn.

Ég átta mig ekki á hver hún er daman lengst til vinstri í bleiku peysunni.  Yfir öxlina á mér horfir hann Lalli frábæri í Laugahvammi.  Við hlið hans stendur Sindri frábæri frá Steintúni.  Lengst til hægri er Hrefna frábæra frá Saurbæ.  Ég átta mig ekki á hverjar konurnar eru í hvítu peysunum né heldur hvaða hendi kemur frá vinstri og virðist hafa einbeittan vilja til að hrinda mér á andlitið af fautaskap ofan í mölina.

Ekki kveiki ég á perunni hver hann er maðurinn lengst til vinstri á myndinni.  Rósa frábæra frá Korná er fyrir miðju og Böddi frábæri frá Þorsteinsstöðum til hægri.  Ég sé ekki betur en að þau hafi laumast í bjór.  Það er ekki nógu sniðugt svona á miðjum degi.

 

Lengst til vinstri er Jobbi frábæri Ásmundsson úr Fljótunum.  Mér sýnist Þórhallur frábæri bróðir hans vera lengst til hægri.  Miðpunktur alheims er Magga frábæra frá Sölvanesi.  Hún klippir Sauðkrækinga sundur og saman af mikilli list.  Hægra megin við hana er Rögnvaldur frábæri organisti frá Ketilási í Fljótum.

Mér sýnist Hörður frábæri frá Saurbæ vera til vinstri og Maggi frábæri frá Vindheimamelum í miðið.  Maggi var að opna leiksvæði þar sem fólk skýtur málningarkúlum (paint ball) hvert á annað.  Það er litrík skemmtun og vinsæl.  Maggi rekur jafnframt í framhjáhlaupum Hestasport,  Rafting og sitthvað fleira.  Ég hef grun um að það sjái aftan á Skarphéðinn frábæra júdómeistara frá Hofi.

Þarna hef ég sennilega haft þungar áhyggjur af því að Rósa frábæra frá Korná myndi villast ef hún myndi rölta ein um svæðið.  Ábyrgðartilfinning hefur blossað upp í mér og ég ákveðið að fylgja henni þétt eftir til að hún týni sér ekki á gangi.  Ég tek hlutverkið svo hátíðlega að mér stekkur ekki bros á vör vegna kvíðakasts yfir að valda ekki verkefninu.

Lengst til vinstri sést í fjarska glitta í Gunnu frábæru frænku mína frá Hlíð.  Í rauða jakkanum er Hrefna frábæra frá Saurbæ.  Með bjórdós stendur Jobbi frábæri Ásmunds.  Bakvið hann stendur Lalli frábæri í Laugahvammi.  Til hægri er Rögnvaldur frábæri tónlistarkennari og er furðu kátur miðað við að bjórglasið hans er tómt.

Í baksýn sést Maggi frábæri frá Vindheimum lengst til vinstri.  Fremst á myndinni standa Rósa frábæra frá Korná og Gunna frábæra frænka mín frá Hlíð sitthvoru megin við Rögnvald frábæra kórstjóra frá Ketilási.

Þarna sátum við Rögnvaldur frábæri snemma dags,  þömbuðum maltöl og spáðum því að krónan myndi hrynja endanlega í október og Ísland yrði sósíalískt ríki.  Davíð Oddsson myndi þjóðnýta einkabanka þeirra kumpána Jóns Ásgeirs og Björgólfs og opna öll hlið upp á gátt fyrir Rússagull sem myndi flæða um allar gáttir.  Íslandi yrði stýrt af fjármálaeftirliti ríkisins og Davíð Oddsson stofna til stríðs við bresk stjórnvöld.  Það er með ólíkindum ruglið sem manni dettur í hug í óráði svona nývaknaður og enn á milli draums og vöku. 

  Ef smellt er á myndirnar birtast þær stærri og skýrari.

  Guðirnir og allar góðar vættir blessi Ísland.

Athugasemdir

[Gulli litli, 8.10.2008 kl. 23:18]

Frábært Jens frábæri...

[Helga Guðrún Eiríksdóttir, 8.10.2008 kl. 23:30]

Já, frábærar myndir frá frábærum Jensanum.  Og Böddi er frá Þorsteinsstöðum og er bifvélavirki á skoðunarstöðinni á Króknum. Hitti hann einmitt þar í sumar þegar ég fór með Kristjáni stjúpa að láta skoða bílinn. Gaman að sjá þessar myndir. Hafðu þökk fyrir, kæri sveitungi!

[Vilborg Traustadóttir, 8.10.2008 kl. 23:35]

Þetta er alveg frábært fólk og ég var nett skotin í Jobba, Kidda, Skarpa ( af þeim sem eru á myndunum)og sýndi það með því að fá lánaðar bleiku skyrturnar þeirra og ganga í þeim dags daglega (Júlía Rós líka) en mest þó í Sævari vinnumanni á Vindheimum, en ekki var ég nú skotin í þér.

Hrefna er nú bara eins og smástelpa! Möggu Pé sá ég á Ketilásnum á hippavallinu ásamt Rögnvaldi. Þú virðist yngri en þú varst í sjónvarpinu!

Þið Röggi voruð alltaf spakvitrir, (ég va/er vinur Rögga en ekki skotin í ´onum nema kannski í barnaskóla)!

[Vilborg Traustadóttir, 8.10.2008 kl. 23:38]

"Hippaballinu" hehe

[(IP-tala skráð) 8.10.2008 kl. 23:40]

Gaman að sjá þessar myndir, úr heimasveitinni. Takk fyrir það.

[Sigurjón Þórðarson, 9.10.2008 kl. 00:04]

Skemmtilegar myndir Jens.

[Jens Guð, 9.10.2008 kl. 00:08]

  Gulli,  takk fyrir frábært innlit.

  Helga Guðrún,  takk fyrir upplýsingarnar um Bödda frábæra.  Ég man að hann rak verkstæði í Varmahlíð með Rúnari frábæra frá Sölvanesi fyrir nokkrum árum.  Því var lokað fyrir einhverjum árum og Rúnar vinnur hjá Vegagerðinni.

  Ippa,  þú lýgur því að þú hafir ekki verið skotin í mér.  Hehehe!  Röggi var og er alltaf frábær.  Ég flaug aðeins einu sinni í áflog við hann og varð að beita "dirty tricks" því Röggi var svo nautsterkur að það var eins og að lenda í grjótmulningsvél að takast á við hann.  Röggi er einhver indælasti náungi sem ég kynnst á lífsleiðinni:  Skemmtilegur,  gáfaður og góður náungi.

  Silla,  takk fyrir innlitið.  

[Jens Guð, 9.10.2008 kl. 00:10]

  Sigurjón,  ég veit að þú kannast við marga á myndunum.

[Þorsteinn Briem, 9.10.2008 kl. 01:09]

Ég vona að allir séu komnir aftur heim til sín, Jensinn minn. Nú þurfa allir sem vettlingi geta valdið að taka slátur í vettlinginn.

[Jóna Kolbrún Garðarsdóttir, 9.10.2008 kl. 01:50]

Þetta er allt myndarlegt fólk á þessum myndum

[Sigríður Inga Sigurjónsdóttir, 9.10.2008 kl. 08:10]

Gaman að lesa svona um svona frábært nemendamót og skemmtilegar myndir af fyrrverandi samnemendum þínum. Las einmitt líka um "sparnaðarráðin" þín og það er góður húmor í þeim.

[Ómar Ingi, 9.10.2008 kl. 08:53]

Sko kallinn að þamba Malt og allur pakkinn hressilegar myndir af þér og hressum furðulegum fýrum frá hinum fallega firði kenndan við skagan.

[Jenný Anna Baldursdóttir, 9.10.2008 kl. 08:56]

Rosalega áttu frábæra skólafélaga Jens frábæri.

[Pétur Fannberg Víglundsson, 9.10.2008 kl. 12:39]

Gaman að sjá pabba kallaðan Rúnar frábæra og systur hans Möggu frábæru.

[Jens Guð, 9.10.2008 kl. 15:19]

  Steini,  takk fyrir að minna mig á að leita að vettlingunum mínum.

  Jóna,  þess vegna myndast það svona vel.

  Ómar,  maltöl er vinsælt í Skagafirði.

  Jenný,  og þá er vægt til orða tekið.

  Pétur,  þetta eru stórkostlega frábær systkini.  Ég er líka að tala um Gumma og Dollý.  Ég þekki ekki Ragnar.  Hann var nýfæddur þegar ég kynntist honum.  Þá sagði hann fátt.  Vildi bara sötra pela í barnavagninum sínum og var ófáanlegur til að leika sér í fótbolta með okkur hinum.

  Það var rosalega gaman að vera í samfylgd með þessum systkinum í tvo vetur.  Heilmikil forréttindi að kynnast þeim.  Pabbi þinn fór heldur betur á kostum sem veislustjóri á nemendamótinu.  Reitti af sér gamansögur af skólasystkinunum og ég fór aldeilis ekki varhluta af þar.  Að auki reif hann mig upp á svið svo ég þurfti að rifja upp gamansögur líka.  Það var nú meira fjörið.  Bestu kveðjur til þessa frábæra fólks.

[Pétur Fannberg Víglundsson, 9.10.2008 kl. 16:56]

Ég skal skila því Jens. Held ég bendi þeim barasta á bloggið svo þau geti séð þetta sjálf.

[Res (IP-tala skráð) 9.10.2008 kl. 20:16]

,,,,Þekki nokkra Skagfirðinga og eru það hinir bestu menn og konur.......

[Steingrímur Helgason, 9.10.2008 kl. 21:24]

Ég þekki þrjá ágæta Skagferðínga, ja, næztum fjóra.

Skemmtifrásaga mikil & vel sögð/skrifuð.

[S. Lúther Gestsson, 9.10.2008 kl. 23:25]

Dííísuss, hvað allir eru eitthvað þunglyndir og ekki einu sinni komin kreppa þegar þetta var tekið. Ekki einn maður almennilega drukkinn, enginn á hestbaki, standa bara allir og stara upp í loftið.  Hérna þetta geta ekki verið skagfirðingar, svo er konan á 3 myndinni að éta upp úr ruslatunnunni??? Jens var ekki matur?

[Jens Guð, 10.10.2008 kl. 05:20]

  Pétur minn,  þú líkist pabba þínum skemmtilega í útliti.  Þeim eðal snillingi.  Ef þú hefur erft frá honum þó ekki sé nema 10% af kímnigáfu þá ertu vel settur.  Ég gæti reyndar sagt þér margar sögur af honum sem hann vill ekki að ég geri.  Hann var,  jú,  grallari.  Þá á ég við meiriháttar grallari.  Og af sínum frábæru systkinum var hann alltaf langmesti grallarinn.  Á ég að segja eini alvöru villingurinn í hópnum?  Nei.  Rúnar var bara og er frábær frá A-Ö.  Einn allra skemmtilegasti vinur minn á lífsleiðinni.  Það er alltaf mikið hlegið þegar við hittumst.  Sem er reyndar alltof sjaldan.

  Res,  þar er úrvalið af góðu fólki.

  Steingrímur,  takk fyrir það.  Og gaman að heyra það frá svona alvöru stíllista.

  Sigurður Lúther,  Skagfirðingar fara þannig með bjór og vín að enginn tekur eftir því þó allir séu ofurölvi.  Og það sést ekki á myndum að við brestum í söng af minnsta tilefni.  "Undir bláhimni blíðsumars nætur..."

[Vilborg Traustadóttir, 13.10.2008 kl. 01:06]

Kannski smá...í smátíma....eða...whatever....