Snúið rútunum við!

  Í færslu hér aðeins fyrir neðan er sagt frá veglegri færeyskri tónlistarhátíð sem átti að hefjast í kvöld á Stokkseyri og standa fram á sunnudagskvöld.  Þessi hátíð hefst ekki í kvöld.  Ástæðan er sú að engin flugvél hefur getað lent í Færeyjum í dag.  Hátt í þrjátíu færeyskir tónlistarmenn hafa setið aðgerðarlausir á flugvellinum í Vogum í Færeyjum í allan dag og starað örvæntingarfullir á auða flugbrautina.  Nú er útséð með að þeir komist til Íslands í dag.

  Góðu fréttirnar eru þó þær að einn færeyskur bassaleikari og einn færeyskur fiðluleikari eru komnir til landsins.  Vondu fréttirnar eru að hljóðfærin þeirra eru ennþá í Færeyjum.

Athugasemdir

[Ómar Ingi, 10.10.2008 kl. 21:01]

HAHAHAHAHAHAHA

En getur Guggan hans Óla F í Mislynda flokknum ekki græjað eitt gigg fyrir Stokkarana i staðin ?

[Linda Linnet Hilmarsdóttir, 10.10.2008 kl. 21:49]

Við biðjum innilega vel að heilsa og óskum ykkur innilega góða ljúfa helgi og knús knús og bestu kveðjur til ykkar

[viðar (IP-tala skráð) 10.10.2008 kl. 22:27]

Takk fyrir sparnaðarráðin í Meyjunni í kvöld þau eiga eftir að koma sér vel.

[Siggi Lee Lewis, 10.10.2008 kl. 22:37]

Ég er einmitt búinn að vera að liggja í símum! Gott að þetta komi fram hér. Símar hafa ekki stoppað og ég var með 4 rútur og minnsta kosti eina Fokker frá Akureyri fulla af fólki...Segið svo að það borgi sig ekki að líta öðru hvoru á bloggið hans Jens! ;-)