Bestu hljómsveitaforsprakkar rokksins

  Lesendur breska poppblaðsins New Musical Express hafa að undanförnu setið sveittir við að velja besta hljómsveitaforsprakka (front person) rokksins.  Viðkomandi er gefin einkunn frá 1 upp í 10 og meðaleinkunnin ræður niðurstöðunni.  Gaman væri að heyra viðhorf ykkar til úrslitanna.  Þau bera þess glöggt merki að kjósendur eru breskir.

1.   Robert Smith í The Cure,  einkunn 9,17

2.   Liam Gallagher í Oasis,  8,71

3.   Johnny Rotten í Sex Pistols og PIL,  6,54

4.   John Lennon í Bítlunum,  6,14

5.   Kurt Cobain í Nirvana,  6,00

6.   Jimi Hendrix í The Jimi Hendrix Experience,  5,99

7.   Freddie Mercury í Queen,  5,79

8.   Joe Strummer í The Clash,  5,67

9.   Robert Plant í Led Zeppelin,  5,55

10. Jim Morrison í The Doors,  5,54

11. Ian Curtis í Joy Division,  5,53

12. Thom Yorke,  Radiohead, 5,42

13. Morrissey í The Smiths,  5,39

14. Mick Jagger í The Rolling Stones,  5,32

15. Marc Bolan í T. Rex,  5,30

16. Matt Bellamy í Muse,  5,29

17. Roger Daltrey í The Who,  5,12

18. James Dean Bradfield í Manic Street Preachers,  5,10

19  Iggy Pop í The Stooges,  4,97

20. Jack White í The White Stripes, 4,96

Athugasemdir

[S. Lúther Gestsson, 14.10.2008 kl. 00:16]

Er einhver þeirra sem kom ekki fram á tónleikum með magafylli af dópi? Sagði ekki Kurt Cobain einu sinni að hann þyrfti að sjá tónleika á myndbandi til að sjá hvað betur mætti fara, hann myndi yfirleitt ekki hvernig tónleikar færu fram. Kannski hann hafi bara alltaf farið í Trans þegar hann sté á stokk.

[Ylfa Lind Gylfadóttir, 14.10.2008 kl. 00:23]

Enda seigi ég alltaf og stend föst á því að eiturlyf séu það besta sem komið hefur fyrir tónlistarheiminn!!

Annars hefði ég viljað Jack White ofar, hef ekkert á bak við það utan það hvað ég er obboðslega skotin í honum

[Gulli litli, 14.10.2008 kl. 00:27]

þetta eru bara ekki allt forsprakkar!

[Jóna Kolbrún Garðarsdóttir, 14.10.2008 kl. 01:23]

Það er auðséð að ég kaus ekki á þennan lista.  Minn listi væri allt öðruvísi. 

[Húnbogi Valsson (IP-tala skráð) 14.10.2008 kl. 07:23]

Þessir karlar (Engar konur?) á listanum er bara  eitthvað "séð og heyrt" lið.  Aðallega frægir fyrir að hafa komist á lista hjá blaðamönnum og papparössum.  Ekkert af þessum nöfnum eru í mínu tónlistarsafni.

[Elfar Logi Hannesson, 14.10.2008 kl. 14:27]

Flottur í fyrsta sætinu og John Lennon á náttúrulega heima á topp tíu en ég hefði nú viljað hafa annan þar líka sem er bara í  19 sæti, meistari Iggy Pop þar er sko alvöru performer á ferð.

[viðar (IP-tala skráð) 14.10.2008 kl. 17:02]

Hvar er söngvarinn úr Frostmarki?

[Jens Guð, 14.10.2008 kl. 20:21]

  Sigurður Lúther,  Morrissey er og hefur alltaf verið bindindismaður.  Bragðar hvorki áfengi né snertir dóp.  Hann borðar ekki einu sinni dýr.  Og lifir skírlífi að auki,  að því er sagan hermir.

  Ylfa Lind,  það er rétt þetta með dópið og rokkið.  Það hefur haft þátt í mörgu góðu framþróarskrefi rokksins. 

  Gulli,  hver er ekki forsprakki?

  Jóna,  minn listi væri reyndar líka öðru vísi.  Engu að síður er ég ekki mjög ósáttur við listann - miðað við að NME er breskt blað og töluvert hallt undir Brit-popp og "indie" rokk.

  Erlingur,  í mínum huga á Lennon að minnsta kosti að vera í öðru af tveimur efstu sætunum.

  Húnbogi,  Courtney Love í Hole og Siouxie í Banshees eru þarna í einhverjum sætum rétt undir Topp 20. 

  Elfar,  ég var kátur að sjá Iggy þó á Topp 20 listanum.   Hann hefði alveg mátt vera ofar.

  Viðar,  þarna kemur fáfræði Breta til sögunnar í bland við óvild þeirra í garð Íslendinga. 

[Magnús Geir Guðmundsson, 14.10.2008 kl. 22:09]

Hvert var enska heitið á könnuninni Jens minn?

Verð nefnilega að vera sammála Gulla, því í íslenska orðinu forsprakki liggur að viðkomandi hafi verið maðurinn á bak við stofnun viðkomandi sveitar og með ýmsa hér orkar það nú tvímælis t.d. með Plant og Freddie heitin svona í fljótu bragði held ég.

[Jens Guð, 14.10.2008 kl. 22:31]

  Maggi,  þeir hjá NME notuðu titilinn "front person".  Kannski er forsprakki ekki heppilegasta þýðingin.  Kannski ætti það frekar að vera framvörður eða fyrirliði.  Hver er þín skoðun á því hvernig ber að þýða "front person" í þessu tilfelli?

[Sigurður (IP-tala skráð) 16.10.2008 kl. 14:31]

Ég hefði hiklaust haft Ozzy og James Hetfield á þessum lista! Var ekki Svavar að tala um Kurt Cobain? Hann minntist ekkert á Morrissey. Og já, hvernig geturu staðhæft að Morrissey hafi aldrei snert áfengi eða dóp? Hvað hefuru fyrir þér í því?? Hans orð?? Nei bara smá pæling....

[Jóhannes H. Proppé (IP-tala skráð) 18.10.2008 kl. 01:40]

Lemmy í Mötorhead á skilið sérverðlaun fyrir að vera forsprakki og gera það vel svona ljótur.