Blót í Laugardal á morgun (laugardag)

 

  Í ljósi óvinveittrar og niðurlægjandi framkomu breskra stjórnvalda í garð Íslendinga síðustu daga blása ásatrúarmenn til blóts við tjörnina (þvottalaugina) í Laugardal klukkan 17.00 á morgun (laugardag).  Allsherjargoðinn,  Hilmar Örn Hilmarsson,  mun senda Gordon Brown og félögum rammar kveðjur og fara með áhrínisorð ásamt því sem Erpur Eyvindarson (Blazroca) og Steindór Andersen rappa og kveða Bretana í kútinn.  Klárlega verður þetta góð skemmtun og þarft innlegg í umræðuna.  

  Guðirnir og allar góðar vættir blessi Íslendinga.  Já,  og Færeyinga í leiðinni.

Bretar vorkenna Íslendingum

Athugasemdir

[Þorsteinn Briem, 18.10.2008 kl. 00:22]

Sjálfsagt að reisa hinum nærbuxnalausa Jarpi níðstöng með hrosshaus.

[Róbert Tómasson, 18.10.2008 kl. 00:23]

Væri ekki í takt Jens að næla einhversstaðar í hrosshaus og reisa níðstöng?  Ég skora hér með á allsherjar Goðann að græja það.

[Jóna Kolbrún Garðarsdóttir, 18.10.2008 kl. 00:55]

Ég ætla að mæta fyrst við alþingishúsið kl. 15.00 og svo í Laugardalinn.  Þetta verður dagur mótmæla hjá mér og börnunum. 

[Sigurður Þórðarson, 18.10.2008 kl. 01:18]

Einhverrtíma hefur maður blótað af minna tilefni.

Ég kem í Dalinn á morgun og ég á ekki von á en landvættirnar geri það líka.

[Jóna Kolbrún Garðarsdóttir, 18.10.2008 kl. 01:50]

Væri ekki meira við hæfi að setja þorskhaus á níðstöng?  Ekki hrossahaus,   Hestarnir eru svo sætir

[Róbert Tómasson, 18.10.2008 kl. 02:22]

Hestar eru sætir það er satt en hvers vegna ekki að nota hvoru tveggja þorskhaus í stíl við greind Gordons og hrosshaus í stíl við útlitið og nafnið Brown - Brúnn.

Einu sinni þekktum við Jens, lata Brún en það er allt önnur saga og allt annar tími.

[Jóna Kolbrún Garðarsdóttir, 18.10.2008 kl. 03:03]

Má ég stela þessari færslu og setja á mitt blogg líka? 

[Jóna Kolbrún Garðarsdóttir, 18.10.2008 kl. 03:09]

Ok geri sendi bara hlekk.  Er að fara að sofa

[Jens Guð, 18.10.2008 kl. 03:28]

  Jóna mín,  steldu þessu eins og þú mögulega getur. 

[viðar (IP-tala skráð) 18.10.2008 kl. 16:30]

Ég man ekki betur en að Robbi hafi verið nær dauða en lífi þegar hann drakk sítrónudropana og fékk þetta líka fína astmakast í kjölfarið! En assgoti var ísinn nú góður sem við nöppuðum í Húsó einir 12-15lítrar að mig minnir,hann virkaði vel með 78snúninga frönskukenslu plötunum sem við "fundum" á lagernum hjá Hótel Eddu.