Skúbb! Nýr stjórnmálaflokkur

 

  Síðar í vikunni verður send út fréttatilkynning frá aðstandendum nýs íslensks stjórnmálaflokks,  Framfaraflokksins.  Helsta baráttumál Framfaraflokksins verður að koma á persónubundnum kosningum til alþingis.  Sá sem fer fyrir hópnum er stendur að Framfaraflokknum heitir Haukur Haraldsson. 

  Haukur varð fyrst þjóðþekktur er hann gerði út Pan-hópinn á níunda áratugnum.  Pan-hópurinn fór eins og stormsveipur um landið, sýndi hjálpartæki ástarlífsins ásamt efnislitlum undirfatnaði og bauð upp á leðjuslag.  Pan-hópurinn var sá fyrsti sinnar tegundar hérlendis.  Hann vakti gífurlega athygli og umtal.  Fyrir Hauki lá einungis að benda pörum á ýmsa möguleika til að krydda ástarlífið aðra en leita í framhjáhald.  Þetta var aðferð Hauks til að sporna gegn útbreiðslu HIV veirunnar.

  Haukur leitaði jafnframt aðstoðar guðs við þetta baráttumál sitt.  Til að ná betra sambandi við drottinn fór Haukur í biblíuskóla í Noregi.  Síðan hefur samband Hauks og drottins verið mun skilvirkara.  Útskrifaður úr biblíuskólanum settist Haukur að á Tælandi um nokkurra ára skeið til að kynna sér málefni þriðja heimsins. 

  Næst komst Haukur í fréttir er hann undirbjó forsetaframboð sitt á tíunda áratugnum.  Framboð hans til forseta var komið vel á skrið þegar Ástþór Magnússon kom til sögunnar.  Fylgismenn Hauks mátu stöðuna þá þannig að með framboði Ástþórs væri skrípaleik hleypt í kosningabaráttuna.  Vegna þess hætti Haukur við forsetaframboð sitt.  Það dæmi hefur samt ekki verið slegið endanlega út af borðinu.  Haukur er rétt um fimmtugt og stutt í að Ólafur Ragnar láti af embætti.

  Fyrir tveimur árum bauð Haukur sig fram gegn sitjandi formanni Framsóknarflokksins,  Jóni Sigurðssyni.  Baráttumál Hauks var að uppræta spillinguna í Framsóknarflokknum.  Framsóknarmenn vildu viðhalda spillingunni og Jón hélt velli.  - Í stuttan tíma vel að merkja.

  Framfaraflokkurinn er að setja upp heimasíðuna www.fff.is.  Hún er langt í frá fullkláruð.   Þar verður hægt að fylgjast með gangi mála.

  Til að fyrirbyggja misskilning skal tekið fram að ég er á engan hátt tengdur Framfaraflokknum og er ekkert á leið úr Frjálslynda flokknum.  Ég er bara að "skúbba".   

Alþingi niðurlægt af ráðherra

Athugasemdir

[Rannveig H, 28.10.2008 kl. 18:17]

Ekki batnar það, þetta þykja mér fréttir sem eru ekki spennandi. Heldur þú að það sé ekki séns að hann geti tekið Davíð og co til sín bara.

[Ómar Ingi, 28.10.2008 kl. 18:20]

Haukur HAHAHAHAHAHA

Man eftir honum , hann gerði eitthvað álíka fáranlegt áður en hann gerir ótrúlega margt skrítið maðurinn.

[Þorsteinn Briem, 28.10.2008 kl. 19:47]

Framfaraflokkurinn?! Á þetta ekki að vera Samfaraflokkurinn?

"Pan-hópurinn fór eins og stormsveipur um landið og sýndi hjálpartæki ástarlífsins ásamt efnislitlum undirfatnaði."

[Ía Jóhannsdóttir, 28.10.2008 kl. 20:34]

Hehehe já ekki er öll vitleysan eins. 

[Þorsteinn Briem, 28.10.2008 kl. 20:59]

Ég held að Framsóknarflokkurinn breiði voða lítið út HIV-veiruna núorðið. Hann er orðinn svo lítill að það er ekki einu sinni hægt að setja á hann smokk.

[Sverrir Einarsson, 28.10.2008 kl. 21:34]

Er hann ekki eitthvað í símabraski líka, reyna að selja landanum ódýr fyrirframgreidd millilanda símakort, hann var líka sendibílstjóri, en eitt verður ekki af Hauki skafið hann hefur bara einn guð (í einu sko) þennann sem hann lærði á í Noregi eða Bakkus, en samt held ég að Haukur sé í frístundum að aka leigubíl, kannski er hann að selja tælenskar levi's gallabuxur í leiðinni hver veit, þetta er framtakssamur maður og lætur verkin tala, fær hugmyndir og framkvæmir.

[Ágúst Hjörtur , 28.10.2008 kl. 23:27]

Væri ekki nær að kalla þetta Hamfaraflokkinn ??

[Stefanía, 29.10.2008 kl. 01:05]

Ég hélt að Haukur væri löngu búinn að vera !

[Tobbi (IP-tala skráð) 29.10.2008 kl. 14:06]

Til að verða alveg eins og Mogens Glistrup, formaður Fremskridtspartiet, þyrfti Haukur að verða sér út um frekjuskarð.  Og ekki má gleyma því að Glistrup fór í tukthús fyrir skattsvik.

[Lára Hanna Einarsdóttir, 29.10.2008 kl. 14:13]

Best að grafa upp gamla frumvarpið hans Vilmundar og Bandalags jafnaðarmanna frá 1983 um persónukjör þvert á flokka. Kannski Haukur ætli að styðjast við það.

[Jens Guð, 30.10.2008 kl. 01:57]

  Bestu þakkir,  þið öll,  fyrir innlegg og umræðu.  Haukur hringdi í mig í kvöld og kunni mér litlar þakkir fyrir þessa færslu.  Hann sagði Sigurð Sigurjónsson,  forstjóra Greiðabíla,  skilgreina mig sem Júdas.  Haukur sagði að þeir Sverrir Stormsker hafi hinsvegar skilgreint mig sem Pétur.  Þann sem afneitaði frelsaranum þrisvar en gerðist síðan frumkvöðull trúboðs fyrir kristni.  Sjáum til hver hefur rétt fyrir sér.