Söluhæstu tónlistarmenn heims

29.10.2008 | 23:12

Söluhæstu tónlistarmenn heims

Svona listi getur aldrei verið 100% nákvæmur. Plötur vinsælustu flytjenda eru framleiddar ólöglega í stórum upplögum. Ekki aðeins í 3ja heiminum heldur líka víða um Evrópu. Sala á sjóræningjaplötum kemur hvergi fram í opinberum tölum.

Óvíst er að sala á sjóræningjaplötum breyti innbyrðis hlutfalli söluhæstu flytjenda verulega. Það er frekar að hún breyti upplagstölum.

Á aðdáendanetsíðum flytjenda og bókum um þá skráðum af aðdáanda eru iðulega gefnar upp mun hærri sölutölur en hlutlausar heimildir herma. Aðdáendum hættir til að ýkja tölur um velgengni flytjandans og í sumum tilfellum verja þeir sína tölu með því að áætluð sala á sjóræningjaplötum sé með í tölunni.

Það má - til gamans - velta fyrir sér ójafnri stöðu hljómsveita með stuttan líftíma og sólósöngvara með langan starfsferil. Bítlarnir spiluðu inn á plötur í 6 ár. Cliff Richard hefur verið að í hálfa öld og er hvergi nærri hættur.

Einnig má velta fyrir sér að jarðarbúum hefur fjölgað frá 2 milljörðum á sjötta áratugnum í hálfan sjöunda milljarð. Á sjötta og sjöunda áratugnum var plötuspilari sjaldgæf lúxuseign. Í dag er aðstaða til að spila plötur á allflestum vestrænum heimilum og víðar. Vinsældir gömlu poppstjarnanna voru þess vegna hlutfallslega meiri en sölutölurnar gefa til kynna í samanburði við yngri poppstjörnur.

Söluhæstir - allir sem hafa selt 200 milljónir platna eða fleiri:

1. Bítlarnir - rúmlega 1000 millj

2. Elvis Presley - um 1000 millj

3. Michael Jackson - 750 millj

4. Frank Sinatra - 600 millj

5. Bing Crosby - rúmlega 500 millj

6. Abba - 370 millj

7. Bob Marley - yfir 300 millj

7. Drifters - yfir 300 millj

7. Led Zeppelin - yfir 300 millj

8. Nana Mouskouri - 300 millj

8. Queen -300 millj

9. Julio Iglesias - yfir 250 millj

10. AC/DC - 250 millj

10. Alla Pugacheva (rússneskur) - 250 millj

10. Cliff Richard - 250 millj

10. Elton John - 250 millj

11. Bee Gees - 220 millj

12. A.R. Rahman (indverskur) - yfir 200 millj

12. Cher - yfir 200 millj

12. Madonna - yfir 200 millj

12. Pink Floyd - yfir 200 millj

12. Rolling Stones - yfir 200 millj

12. Wei Wei (sænsk - ættuð frá Kína) - yfir 200 millj

13. Celena Dion 200 mill

13. Herbert von Karajan (austurískur nasisti) - 200 millj

13. Tino Rossi (franskur) - 200 millj

Af íslenskum tónlistarmönnum hefur Björk selt, ja, 15 milljónir platna? Sigur Rós um 5 milljónir. Hvað ætli hljómsveitin ömurlega, Stjórnin, hafi selt? 0,015 milljónir? Vonandi eru flestir búnir að henda þeim plötum í ruslið. Þær eiga hvergi annarsstaðar heima.

Meginflokkur: Tónlist | Aukaflokkar: Menning og listir, Spil og leikir, Vísindi og fræði | Breytt 30.10.2008 kl. 01:38 | Facebook

Athugasemdir

Wei Wei er kínversk og selur allt sitt í kína.. en af einhverjum orsökum sem ég man ekki lengur, en ég sá þátt um hana á sænska sjónvarpinu fyrir nokkrum árum, þá hefur hún sænskt ríkisfang.

Óskar Þorkelsson, 29.10.2008 kl. 23:16

Óskar, hún er gift sænskum náunga og þau búa í Svíþjóð.

Jens Guð, 29.10.2008 kl. 23:31

Þú ert listaóður ég er sáttur við það

Ómar Ingi, 29.10.2008 kl. 23:36

Í Rússlandi kaupir fólk DVD-diska með kvikmyndum fyrir fimm hundruð krónur, en leigir þá ekki á myndbandaleigu, eins og hér tíðkast. CD-diskarnir kosta þar 300 kall, svipað og leigubíll á landsbyggðinni. Og gríðarlega margir Rússar eiga CD-diska með Björk og Sigur Rós.

Sjóræningjamarkaðirnir hafa verið með stærstu mörkuðunum, til dæmis Rússland, Kína og Íran.

Þorsteinn Briem, 29.10.2008 kl. 23:36

Ómar, í sumar heyrði ég viðtal við Jónínu Ben hjá Stormskerinu í Útvarpi Sögu. Jónína sagðist vera svo áhugasöm við að lesa ársreikninga fyrirtækja að hún taki þær með sér í rúmið á kvöldin. Þegar ég hlustaði á þetta horfði ég upp á stóra stafla í hillum mínum af bókum og tímaritum með listum yfir bestu plötur, bestu gítarleikara, bestu plötuumslög, bestu lög og svo framvegis. Ásamt öðrum bunka yfir vinsældalista, sölutölur og svo framvegis. Ósjaldan hef ég lagst upp í rúm og dregið að fara að sofa vegna þess að ég er að glugga í þess lista, bera saman við aðra lista og þegar loks seint að nóttu lagst er til svefns hleð ég skruddunum á náttborðið, þökktum minnismiðum til að skoða betur daginn eftir. Þetta er bilun. En veitir gamla manninum ómælda skemmtun.

Steini, takk fyrir þennan fróðleik. Ég hef ekki farið austar en til Tékkó. Þar keypti ég plötu með Ham. Hún var ófölsuð. Hinsvegar hef ég verslað plötur í Hollandi og Þýskalandi sem ég hef síðar uppgötvað að eru sjóræningjaframleiðsla.

Þegar ég var með plötubúð fyrir aldarfjórðungi eða svo komst ég í kynni við sjóræningjaútgáfur sem buðu upp á íslenskar plötur með Náttúru, Icecross og Svanfríði. Ein var japönsk og önnur sænsk.

Jens Guð, 30.10.2008 kl. 00:28

Gaman að þessu, en hvar varstu með plötubúð Jens?

Sigríður Þórarinsdóttir, 30.10.2008 kl. 00:39

uss uss ekki tala svona illa um uupáhalds plöturnar þínar Jens......það vita það allir að þú átt rauðan kjól sem þú ferð reglulega í og syngur Eitt lag enn..... með hárbursta sem míkrófón.

Einar Bragi Bragason., 30.10.2008 kl. 00:57

Sigríður, ég var með pönkplötubúð sem hét Stuð á Laugavegi 20 (við hliðina á Máli & Menningu) á fyrri hluta níunda áratugarins. Þetta var mjög vinsæl búð. Meðal annars bauð ég oft upp á pönkhljómleika á föstudögum með hljómsveitum á borð við Q4U, Sjálfsfróun, Spilafíflum og svo framvegis. Þegar leið á færði ég mitt hafurtask yfir í Grammið. Við í Gramminu gáfum út plötur með Bubba, Megasi, Björk og fleirum og stóðum fyrir tíðu hljómleikahaldi með útlenskum hljómsveitum: The Fall, Nick Cave og ótal öðrum.

Einar Bragi, ertu að reyna að búa til fordóma gagnvart rauða kjólnum mínum, hárburstanum og "Eitt lag enn"? Hehehe!

Í annarri athugasemd (sem ég týndi af því að ég er klaufi) rifjaðir þú upp að ég hafi ekki þekkt Árna Scheving. Það var vissulega klaufalegt af mér að rugla saman nöfnum Árna Schevings og Árna Ísleifs. Ég kann mætavel skil á þeim. Mér hættir oft til að ruglast á nöfnum tónlistarmanna í fljótfærni. Það hefur ekkert að gera með þekkingu eða vanþekkingu mína á músík.

Hinsvegar er verra þegar einhver stendur ranglega í þeirri trú að Stjórnin hafi verið eitthvað annað en ómerkileg músík. Hehehe!

Jens Guð, 30.10.2008 kl. 01:30

Flottur listi og gaman að sjá þetta loxx svart á ljós brúnu.

Oft er maður ekki sammála listum en það er ekki hægt að rífast um sölulista, 7. Drifters - yfir 300 milljonir

og Nana Mouskouri - 300 millj í svipaðri sölu og Zepp, magnað.

Veit að Nana var alltaf roslaega vinsæl í suður og mið Evrópu en á Zepp standard,,,,,,

og Drifters... það eina sem mér dettur í hug þegar ég huxa um lög Drifters eru lög með Platters?

Hvað gerðu Drifters aftur og geturu bakkað upp þessa svakalegu sölu þeirra? Big in Japan, Vietnam, Singapor???

Þórður Helgi Þórðarson, 30.10.2008 kl. 08:29

Bítlarnir voru göldróttir og ég man eftir búðum þinum það var mjög gott framtak. Hugsa ég oft til margra þessarra hljosmsveita sem þú nefndir enda var ég tengdur sumum þeirra.

Þegar ég hugsa til baka finnst mér eins og þetta hafi verið blómatímabil í frumleika íslenskrar tónlistar.

Þú átt heiður skilið fyrir þitt framtak, það skipti máli.

Johann Trast Palmason, 30.10.2008 kl. 09:16

Gaman og fróðlegt að sjá þennan lista. Sumt kemur mér á óvart, t.d. að Julio Iglesias skuli vera í níunda sæti Það datt mér aldrei í hug.

Kveðjur og heilsanir.

Rúna Guðfinnsdóttir, 30.10.2008 kl. 09:37

Sæll Jens. Hefur þú upplýsingar um næstu sæti fyrir neðan ? TD. sæti 14 -20 ??

Skákfélagið Goðinn, 30.10.2008 kl. 10:30

Elvis er Bestur!

Siggi Lee Lewis, 30.10.2008 kl. 11:50

Er Elvis ekki dáinn? En þessi Elvis Costello, er það ekki annar söngvari?

Júlíus (IP-tala skráð) 30.10.2008 kl. 13:50

flott færlsa hjá þér jens

Borgarfjardarskotta, 30.10.2008 kl. 15:13

Doddi litli, ég veit fátt um Drifters. Þetta var sönghópur bandarískra blökkumanna. Platters var kannski meira "dú-vúbb en að öðru leyti held ég að þessir sönghópar hafi verið áþekkir. Mér leiðist svona músík.

Ég veit að Drifters áttu fjölda vinsælla laga. Ég man samt einungis eftir "Safe the Last Dance for Me" og "Under the Boardwalk". Fyrrnefnda lagið krákuðu Hljómar og kölluðu "Gef mér síðasta dans". John Lennon hljóðritaði það fyrir "Rock ´n´ Roll" plötuna sína en það kom ekki út með honum fyrr en eftir dauða hans.

Síðarnefnda lagið var krákað af Rolling Stones.

Jóhann, þetta var mikið gróskutímabil. Sannkölluð sprengja sem á ekki sinn líka hérlendis.

Rúna, mér dettur í hug að Julio eigi stóran markað í sunnanverðri Ameríku. Mér heyrist vælið í honum geta höfðað til S-Ameríkana.

Hermann, ég var svo lengi að sannreyna þessar tölur að ég hreinlega nenni ekki að raða í næstu sæti. Þar fjölgar nöfnum sem við Íslendingar þekkjum lítið. Flytjendur frá Ítalíu, Asíu, Frakklandi og svo framvegis. Eftir því sem sölutölur lækka margfaldast fjöldi flytjenda við hverja upplagstölu.

Siggi Lee, hann var flottur.

Júlíus, Elvis Costello er á lífi.

Borgarfjarðarskotta, takk fyrir það.

Jens Guð, 30.10.2008 kl. 20:35

Júlíus: Elvis er dáin en selur samt sem aldrey áður. Elvis er söluhæsti látni tónlistarmaður tónlistarsögunar.

Siggi Lee Lewis, 30.10.2008 kl. 21:47

Jens, jú ég man núna eftir þessari plötubúð, ég hlustaði svo sem ekki mikið á íslenska pönkið á þessum tíma, meira nýrómantík, popp, rokk, reaggy m.a.s. smá country. Hljómsveitir og tónlistarmenn eins og Ultravox, Human League, Blondie, Elo, OMD, Adam Ant, Eurythmics, gömlu góðu Bítlana og Johnny Cash. Pretenders, Madness, Duran Duran, Mike Oldfield og helling af öðrum góðum.

Sigríður Þórarinsdóttir, 31.10.2008 kl. 22:41